SP: אם בחקותי תלכו ואת מצותי תשמרו ועשיתם אתם
MT: אם בחקתי תלכו ואת מצותי תשׁמרו ועשׂיתם אתם
SP: והשיג לכם דיש את בצר ובציר ישיג את הזרע ואכלתם לחמכם לשבע וישבתם לבטח בארצכם
MT: והשׂיג לכם דישׁ את בציר ובציר ישׂיג את זרע ואכלתם לחמכם לשׂבע וישׁבתם לבטח בארצכם
SP: ופניתי אליכם והפריתי אתכם והרביתי אתכם והקמתי את בריתי אתכם
MT: ופניתי אליכם והפריתי אתכם והרביתי אתכם והקימתי את בריתי אתכם
SP: אני יהוה אלהיכם אשר הוצאתי אתכם מארץ מצרים מהיות להם עבדים ואשברה מטות עולכם ואוליך אתכם קוממית
MT: אני יהוה אלהיכם אשׁר הוצאתי אתכם מארץ מצרים מהית להם עבדים ואשׁבר מטת עלכם ואולך אתכם קוממיות
SP: אם בחקותי תמאסו ואם את משפטי תגעל נפשכם לבלתי עשות את כל מצותי להפרכם את בריתי
MT: ואם בחקתי תמאסו ואם את משׁפטי תגעל נפשׁכם לבלתי עשׂות את כל מצותי להפרכם את בריתי
SP: אף אני אעשה זאת לכם והפקדתי עליכם בחלה את השחפת ואת הקדחת מכלות עינים ומדיבת נפש וזרעתם לריק זרעכם ואכלהו איביכם
MT: אף אני אעשׂה זאת לכם והפקדתי עליכם בהלה את השׁחפת ואת הקדחת מכלות עינים ומדיבת נפשׁ וזרעתם לריק זרעכם ואכלהו איביכם
SP: ותם לריק כחכם ולא תתן ארצכם את יבולה ועץ השדה לא יתן פריו
MT: ותם לריק כחכם ולא תתן ארצכם את יבולה ועץ הארץ לא יתן פריו
SP: ואם תלכו עמי קרי ולא תבאו לשמע לי ויספתי עליכם מכה שבע כחטאתיכם
MT: ואם תלכו עמי קרי ולא תאבו לשׁמע לי ויספתי עליכם מכה שׁבע כחטאתיכם
SP: ושלחתי בכם את חית השדה ושכלה אתכם והכריתה את בהמתכם והמעיטה אתכם ונשמו דרככם
MT: והשׁלחתי בכם את חית השׂדה ושׁכלה אתכם והכריתה את בהמתכם והמעיטה אתכם ונשׁמו דרכיכם
SP: והלכתי גם אני עמכם בקרי והכיתי אתכם גם אני שבע על חטאתיכם
MT: והלכתי אף אני עמכם בקרי והכיתי אתכם גם אני שׁבע על חטאתיכם
SP: בשברי לכם מטה לחם ואפו עשר נשים לחמכם בתנור אחד והשיב לחמכם במשקול ואכלתם ולא תשבעו
MT: בשׁברי לכם מטה לחם ואפו עשׂר נשׁים לחמכם בתנור אחד והשׁיבו לחמכם במשׁקל ואכלתם ולא תשׂבעו
SP: ואם בזאת לא תשמעו לי והלכתם עמי קרי
MT: ואם בזאת לא תשׁמעו לי והלכתם עמי בקרי
SP: ונתתי את עריכם חרבה והשמתי את מקדשכם ולא אריח בריח ניחחכם
MT: ונתתי את עריכם חרבה והשׁמותי את מקדשׁיכם ולא אריח בריח ניחחכם
SP: ואתכם אזרה בגוים והרקתי אחריכם חרב והיתה ארצכם שממה ועריכם יהיו חרבה
MT: ואתכם אזרה בגוים והריקתי אחריכם חרב והיתה ארצכם שׁממה ועריכם יהיו חרבה
SP: אז תרצה הארץ את שבתתיה כל ימי אשמה ואתם בארץ איביכם אז תשבת הארץ והרצתה את שבתתיה
MT: אז תרצה הארץ את שׁבתתיה כל ימי השׁמה ואתם בארץ איביכם אז תשׁבת הארץ והרצת את שׁבתתיה
SP: כל ימי אשמה תשבת את אשר לא שבתה בשבתתיכם בשבתכם עליה
MT: כל ימי השׁמה תשׁבת את אשׁר לא שׁבתה בשׁבתתיכם בשׁבתכם עליה
SP: והנשארים בכם והבאתי מרך בלבבם בארצות איביהם ורדף אתם קול עלי נדף ונסו מנוסת חרב ונפלו ואין רדף
MT: והנשׁארים בכם והבאתי מרך בלבבם בארצת איביהם ורדף אתם קול עלה נדף ונסו מנסת חרב ונפלו ואין רדף
SP: והנשארים בכם ימקו בעונם בארצות איביהם ואף בעונות אבותם אתם ימקו
MT: והנשׁארים בכם ימקו בעונם בארצת איביכם ואף בעונת אבתם אתם ימקו
SP: והתודו את עונם ואת עון אבותם במעלם אשר מעלו בי ואף אשר הלכו עמי בקרי
MT: והתודו את עונם ואת עון אבתם במעלם אשׁר מעלו בי ואף אשׁר הלכו עמי בקרי
SP: אף אני הלך עמם בקרי והבאתי אתם בארץ איביהם או אז יכנע לבבם הערל ואז ירצו את עונם
MT: אף אני אלך עמם בקרי והבאתי אתם בארץ איביהם או אז יכנע לבבם הערל ואז ירצו את עונם
SP: וזכרתי את בריתי יעקב ואף את בריתי יצחק ואף את בריתי אברהם אזכר והארץ אזכר
MT: וזכרתי את בריתי יעקוב ואף את בריתי יצחק ואף את בריתי אברהם אזכר והארץ אזכר
SP: והארץ תעזב מהם והרצתה את שבתתיה באשמה מהם והם ירצו את עונם יען ביען במשפטי מאסו ואת חקותי געלה נפשם
MT: והארץ תעזב מהם ותרץ את שׁבתתיה בהשׁמה מהם והם ירצו את עונם יען וביען במשׁפטי מאסו ואת חקתי געלה נפשׁם
SP: ואף גם זאת בהיותם בארצות איביהם לא מאסתים ולא געלתים לכלותם להפר בריתי אתם כי אני יהוה אלהיהם
MT: ואף גם זאת בהיותם בארץ איביהם לא מאסתים ולא געלתים לכלתם להפר בריתי אתם כי אני יהוה אלהיהם
SP: וזכרתי להם ברית ראישונים אשר הוצאתי אתם מארץ מצרים לעיני הגוים להיות להם לאלהים אני יהוה
MT: וזכרתי להם ברית ראשׁנים אשׁר הוצאתי אתם מארץ מצרים לעיני הגוים להית להם לאלהים אני יהוה
SP: אלה החקים והמשפטים והתורות אשר נתן יהוה בינו ובין בני ישראל בהר סיני ביד משה
MT: אלה החקים והמשׁפטים והתורת אשׁר נתן יהוה בינו ובין בני ישׂראל בהר סיני ביד משׁה
SP: דבר אל בני ישראל ואמרת אליהם איש כי יפלא נדר בערכך נפשות ליהוה
MT: דבר אל בני ישׂראל ואמרת אלהם אישׁ כי יפלא נדר בערכך נפשׁת ליהוה
SP: ואם נקבה היא והיה ערכך שלשים שקל
MT: ואם נקבה הוא והיה ערכך שׁלשׁים שׁקל
SP: ואם מבן ששים שנה ומעלה אם זכר והיה ערכך חמשה עשר שקל ולנקבה עשרת שקלים
MT: ואם מבן שׁשׁים שׁנה ומעלה אם זכר והיה ערכך חמשׁה עשׂר שׁקל ולנקבה עשׂרה שׁקלים
SP: ואם בהמה אשר יקריב ממנה קרבן ליהוה כל אשר יתן ממנו ליהוה יהיה קדש
MT: ואם בהמה אשׁר יקריבו ממנה קרבן ליהוה כל אשׁר יתן ממנו ליהוה יהיה קדשׁ
SP: לא יחלפנו ולא ימיר אתו טוב ברע או רע בטוב ואם המר ימיר בהמה בבהמה והיה הוא ותמירתו יהיה קדש
MT: לא יחליפנו ולא ימיר אתו טוב ברע או רע בטוב ואם המר ימיר בהמה בבהמה והיה הוא ותמורתו יהיה קדשׁ
SP: ואם כל בהמה טמאה אשר לא יקריב ממנה קרבן ליהוה והעמיד את הבהמה לפני הכהן
MT: ואם כל בהמה טמאה אשׁר לא יקריבו ממנה קרבן ליהוה והעמיד את הבהמה לפני הכהן
SP: והעריך הכהן אתו בין טוב ובין רע כערכך הכהן כן יהיה
MT: והעריך הכהן אתה בין טוב ובין רע כערכך הכהן כן יהיה
SP: ואם גאל יגאלנו ויסף חמישתו על ערכך
MT: ואם גאל יגאלנה ויסף חמישׁתו על ערכך
SP: ואיש כי יקדיש את ביתו קדש ליהוה והעריכו הכהן בין טוב ובין רע כאשר יעריך אתו הכהן כן יקום
MT: ואישׁ כי יקדשׁ את ביתו קדשׁ ליהוה והעריכו הכהן בין טוב ובין רע כאשׁר יעריך אתו הכהן כן יקום
SP: ואם המקדיש יגאל את ביתו ויסף חמישת כסף ערכך עליו והיה לו
MT: ואם המקדישׁ יגאל את ביתו ויסף חמישׁית כסף ערכך עליו והיה לו
SP: ואם משדה אחזתו יקדיש איש ליהוה והיה ערכך לפי זרעו זרע חמר שערים בחמשים שקל כסף
MT: ואם׀ משׂדה אחזתו יקדישׁ אישׁ ליהוה והיה ערכך לפי זרעו זרע חמר שׂערים בחמשׁים שׁקל כסף
SP: ואם משנת היובל יקדיש שדהו כערכך יקום
MT: אם משׁנת היבל יקדישׁ שׂדהו כערכך יקום
SP: ואם אחר היובל יקדיש שדהו וחשב לו הכהן את הכסף על פי השנים הנותרת עד שנת היובל ונגרע מערכך
MT: ואם אחר היבל יקדישׁ שׂדהו וחשׁב לו הכהן את הכסף על פי השׁנים הנותרת עד שׁנת היבל ונגרע מערכך
SP: ואם גאל יגאל את השדה המקדיש אתו ויסף חמישת כסף ערכך עליו וקם לו
MT: ואם גאל יגאל את השׂדה המקדישׁ אתו ויסף חמשׁית כסף ערכך עליו וקם לו
SP: והיה השדה בצאתו ביובל קדש ליהוה כשדה החרם לכהן תהיה אחזתו
MT: והיה השׂדה בצאתו ביבל קדשׁ ליהוה כשׂדה החרם לכהן תהיה אחזתו
SP: ואם את שדה מקנתו אשר לא משדה אחזתו יקדיש איש ליהוה
MT: ואם את שׂדה מקנתו אשׁר לא משׂדה אחזתו יקדישׁ ליהוה
SP: וחשב לו הכהן את מכסות הערכך עד שנת היובל ונתן את הערכך ביום ההוא קדש ליהוה
MT: וחשׁב לו הכהן את מכסת הערכך עד שׁנת היבל ונתן את הערכך ביום ההוא קדשׁ ליהוה
SP: וכל ערכך יהיה בשקל הקדש עשרים גרה השקל
MT: וכל ערכך יהיה בשׁקל הקדשׁ עשׂרים גרה יהיה השׁקל
SP: אך כל בכור אשר יבכר ליהוה בבהמה לא יקדיש איש אתו אם שור אם שה ליהוה הוא
MT: אך בכור אשׁר יבכר ליהוה בבהמה לא יקדישׁ אישׁ אתו אם שׁור אם שׂה ליהוה הוא
SP: ואם בבהמה הטמאה ופדה בערכך ויסף חמישתו עליו ואם לא יגאל ונמכר בערכך
MT: ואם בבהמה הטמאה ופדה בערכך ויסף חמשׁתו עליו ואם לא יגאל ונמכר בערכך
SP: וכל מעשר הארץ מזרע הארץ ומפרי העץ ליהוה הוא קדש ליהוה
MT: וכל מעשׂר הארץ מזרע הארץ מפרי העץ ליהוה הוא קדשׁ ליהוה
SP: ואם גאל יגאל איש ממעשרו חמישתו יסף עליו
MT: ואם גאל יגאל אישׁ ממעשׂרו חמשׁיתו יסף עליו
SP: לא יבקר בין טוב לרע ולא ימירנו ואם המר ימירנו והיה הוא ותמירתו יהיה קדש לא יגאל
MT: לא יבקר בין טוב לרע ולא ימירנו ואם המר ימירנו והיה הוא ותמורתו יהיה קדשׁ לא יגאל