SP: דבר אל בני ישראל ואמרת אליהם כי תבאו אל הארץ אשר אני נתן לכם ושבתה הארץ שבת ליהוה
MT: דבר אל בני ישׂראל ואמרת אלהם כי תבאו אל הארץ אשׁר אני נתן לכם ושׁבתה הארץ שׁבת ליהוה
SP: ובשנה השביעית שבת שבתון יהיה לארץ שבת ליהוה שדך לא תזרע וכרמך לא תזמר
MT: ובשׁנה השׁביעת שׁבת שׁבתון יהיה לארץ שׁבת ליהוה שׂדך לא תזרע וכרמך לא תזמר
SP: ואת ספחי קציריך לא תקצר ואת ענבי נזיריך לא תבצר שנת שבתון יהיה לארץ
MT: את ספיח קצירך לא תקצור ואת ענבי נזירך לא תבצר שׁנת שׁבתון יהיה לארץ
SP: והיתה שבת הארץ לכם לאכלה לך ולעבדיך ולאמתיך ולשכיריך ולתושביך הגרים עמך
MT: והיתה שׁבת הארץ לכם לאכלה לך ולעבדך ולאמתך ולשׂכירך ולתושׁבך הגרים עמך
SP: וספרת לך שבע שבתות שנים שבע שנים שבע פעמים והיו לך ימי שבע שבתות השנים תשע וארבעים שנה
MT: וספרת לך שׁבע שׁבתת שׁנים שׁבע שׁנים שׁבע פעמים והיו לך ימי שׁבע שׁבתת השׁנים תשׁע וארבעים שׁנה
SP: והעברת שופר תרועה בחדש השביעי בעשור לחדש ביום הכפורים תעבירו שופר בכל ארצכם
MT: והעברת שׁופר תרועה בחדשׁ השׁבעי בעשׂור לחדשׁ ביום הכפרים תעבירו שׁופר בכל ארצכם
SP: וקדשתם את שנת החמשים שנה וקראתם דרור בארץ לכל ישביה יובל הוא תהיה לכם ושבתם איש אל אחזתו ואיש אל משפחתו תשובו
MT: וקדשׁתם את שׁנת החמשׁים שׁנה וקראתם דרור בארץ לכל ישׁביה יובל הוא תהיה לכם ושׁבתם אישׁ אל אחזתו ואישׁ אל משׁפחתו תשׁבו
SP: יובל הוא שנת החמשים שנה תהיה לכם לא תזרעו ולא תקצרו את ספחיה ולא תבצרו את נזיריה
MT: יובל הוא שׁנת החמשׁים שׁנה תהיה לכם לא תזרעו ולא תקצרו את ספיחיה ולא תבצרו את נזריה
SP: בשנת היובל הזאת תשובו איש אל אחזתו
MT: בשׁנת היובל הזאת תשׁבו אישׁ אל אחזתו
SP: וכי תמכר ממכר לעמיתך או קנה מיד עמיתך אל תונו איש את אחיו
MT: וכי תמכרו ממכר לעמיתך או קנה מיד עמיתך אל תונו אישׁ את אחיו
SP: לפי רב השנים תרבה מקנתו ולפי מעט השנים תמעיט מקנתו כי מספר תבואת הוא מכר לך
MT: לפי׀ רב השׁנים תרבה מקנתו ולפי מעט השׁנים תמעיט מקנתו כי מספר תבואת הוא מכר לך
SP: ועשיתם את חקותי ואת משפטי תשמרו ועשיתם אתם וישבתם על הארץ לבטח
MT: ועשׂיתם את חקתי ואת משׁפטי תשׁמרו ועשׂיתם אתם וישׁבתם על הארץ לבטח
SP: ונתנה הארץ פריה ואכלתם לשבע וישבתם לבטח עליה
MT: ונתנה הארץ פריה ואכלתם לשׂבע וישׁבתם לבטח עליה
SP: וכי תאמרו מה נאכל בשנה השביעית הן לא נזרע ולא נאסף את תבואתינו
MT: וכי תאמרו מה נאכל בשׁנה השׁביעת הן לא נזרע ולא נאסף את תבואתנו
SP: וצויתי את ברכתי לכם בשנה הששית ועשתה את תבואתה לשלש השנים
MT: וצויתי את ברכתי לכם בשׁנה השׁשׁית ועשׂת את התבואה לשׁלשׁ השׁנים
SP: וזרעתם את השנה השמינית ואכלתם מן התבואתה ישן עד השנה התשעית עד בא תבואתה תאכלו ישן
MT: וזרעתם את השׁנה השׁמינת ואכלתם מן התבואה ישׁן עד׀ השׁנה התשׁיעת עד בוא תבואתה תאכלו ישׁן
SP: והארץ לא תמכר לצמיתת כי לי הארץ כי גרים ותושבים אתם עמדי
MT: והארץ לא תמכר לצמתת כי לי הארץ כי גרים ותושׁבים אתם עמדי
SP: וכי ימך אחיך ומכר מאחזתו ובא גאלו הקרוב אליו וגאל את ממכר אחיו
MT: כי ימוך אחיך ומכר מאחזתו ובא גאלו הקרב אליו וגאל את ממכר אחיו
SP: ואם לא מצא ידו די השיב לו והיה ממכרו ביד הקנה אתו עד שנת היובל ויצא ביובל ושב לאחזתו
MT: ואם לא מצאה ידו די השׁיב לו והיה ממכרו ביד הקנה אתו עד שׁנת היובל ויצא ביבל ושׁב לאחזתו
SP: ואם לא יגאל עד מלאת לו שנה תמימה וקם הבית אשר בעיר אשר לו חומה לצמיתת לקנה אתו לדרתיו לא יצא ביובל
MT: ואם לא יגאל עד מלאת לו שׁנה תמימה וקם הבית אשׁר בעיר אשׁר לא חמה לצמיתת לקנה אתו לדרתיו לא יצא ביבל
SP: ובתי החצרים אשר אין להם חומה סביב על שדה הארץ יחשבו גאלה תהיה לו וביובל יצא
MT: ובתי החצרים אשׁר אין להם חמה סביב על שׂדה הארץ יחשׁב גאלה תהיה לו וביבל יצא
SP: ואשר יגאל מן הלוים ויצא ממכר בית ועיר אחזתו ביובל כי בתי ערי הלוים היא אחזתם בתוך בני ישראל
MT: ואשׁר יגאל מן הלוים ויצא ממכר בית ועיר אחזתו ביבל כי בתי ערי הלוים הוא אחזתם בתוך בני ישׂראל
SP: ושדה מגרש עריהם לא ימכרו כי אחזת עולם היא להם
MT: ושׂדה מגרשׁ עריהם לא ימכר כי אחזת עולם הוא להם
SP: וכי ימך אחיך ומטה ידו עמך וחזקת בו גר ותושב וחי אחיך עמך
MT: וכי ימוך אחיך ומטה ידו עמך והחזקת בו גר ותושׁב וחי עמך
SP: את כספך לא תתן לו בנשך ובתרבית לא תתן אכלך
MT: את כספך לא תתן לו בנשׁך ובמרבית לא תתן אכלך
SP: וכי ימך אחיך עמך ונמכר לך לא תעבד בו עבדת עבד
MT: וכי ימוך אחיך עמך ונמכר לך לא תעבד בו עבדת עבד
SP: כשכיר כתושב יהיה עמך עד שנת היובל יעבד עמך
MT: כשׂכיר כתושׁב יהיה עמך עד שׁנת היבל יעבד עמך
SP: כי עבדיהם אשר הוצאתי אתם מארץ מצרים לא ימכרו ממכרת עבד
MT: כי עבדי הם אשׁר הוצאתי אתם מארץ מצרים לא ימכרו ממכרת עבד
SP: ועבדיך ואמתיך אשר יהיו לך מאת הגוים אשר סביבתיכם מהם תקנהו עבד ואמה
MT: ועבדך ואמתך אשׁר יהיו לך מאת הגוים אשׁר סביבתיכם מהם תקנו עבד ואמה
SP: וגם מבני התושבים הגרים עמכם מהם תקנהו וממשפחתם אשר עמכם אשר הולדו בארצכם והיו לכם לאחזה
MT: וגם מבני התושׁבים הגרים עמכם מהם תקנו וממשׁפחתם אשׁר עמכם אשׁר הולידו בארצכם והיו לכם לאחזה
SP: והתנחלתם אתם לבניכם אחריכם לרשת אחזה לעולם בהם תעבידו ובאחיכם בני ישראל איש באחיו לא תרדה בו בפרך
MT: והתנחלתם אתם לבניכם אחריכם לרשׁת אחזה לעלם בהם תעבדו ובאחיכם בני ישׂראל אישׁ באחיו לא תרדה בו בפרך
SP: וכי תשיג יד גר ותושב עמך ומך אחיך עמו ונמכר לגר ותושב עמך או לעקר משפחת גר
MT: וכי תשׂיג יד גר ותושׁב עמך ומך אחיך עמו ונמכר לגר תושׁב עמך או לעקר משׁפחת גר
SP: וחשב עם קנהו משנת המכר לו עד שנת היובל והיה כסף ממכרו במספר שנים כימי שכיר יהיה עמו
MT: וחשׁב עם קנהו משׁנת המכרו לו עד שׁנת היבל והיה כסף ממכרו במספר שׁנים כימי שׂכיר יהיה עמו
SP: ואם מעט נשאר בשנים עד שנת היובל וחשב לו כפי שניו ישיב את גאלתו
MT: ואם מעט נשׁאר בשׁנים עד שׁנת היבל וחשׁב לו כפי שׁניו ישׁיב את גאלתו
SP: ואם לא יגאל באלה ויצא בשנת היובל הוא ובניו עמו
MT: ואם לא יגאל באלה ויצא בשׁנת היבל הוא ובניו עמו
SP: כי לי בני ישראל עבדים עבדי הם אשר הוצאתי אתם מארץ מצרים אני יהוה אלהיכם
MT: כי לי בני ישׂראל עבדים עבדי הם אשׁר הוצאתי אותם מארץ מצרים אני יהוה אלהיכם
SP: לא תעשו לכם אלילים ופסל ומצבה לא תקימו לכם ואבן משכית לא תתנו בארצכם להשתחות עליה כי אני יהוה אלהיכם
MT: לא תעשׂו לכם אלילם ופסל ומצבה לא תקימו לכם ואבן משׂכית לא תתנו בארצכם להשׁתחות עליה כי אני יהוה אלהיכם