SP: ויאמר יהוה אל משה אמר אל הכהנים בני אהרן ואמרת אליהם לנפש לא יטמא בעמו
MT: ויאמר יהוה אל משׁה אמר אל הכהנים בני אהרן ואמרת אלהם לנפשׁ לא יטמא בעמיו
SP: כי אם לשארו הקרוב אליו לאביו ולאמו לבנו ולבתו לאחיו
MT: כי אם לשׁארו הקרב אליו לאמו ולאביו ולבנו ולבתו ולאחיו
SP: ולאחותו הבתולה הקרובה אליו אשר לא היתה לאיש לה יטמא
MT: ולאחתו הבתולה הקרובה אליו אשׁר לא היתה לאישׁ לה יטמא
SP: לא יטמא בעל בעמו להחלו
MT: לא יטמא בעל בעמיו להחלו
SP: ולא יקרחו קרחה בראשם ופאת זקנם לא יגלחו ובבשרם לא ישרטו שרטה
MT: לא יקרחה קרחה בראשׁם ופאת זקנם לא יגלחו ובבשׂרם לא ישׂרטו שׂרטת
SP: קדישים יהיו לאלהיהם ולא יחללו את שם אלהיהם כי את אשי יהוה לחם אלהיהם הם מקרבים והיו קדישים
MT: קדשׁים יהיו לאלהיהם ולא יחללו שׁם אלהיהם כי את אשׁי יהוה לחם אלהיהם הם מקריבם והיו קדשׁ
SP: אשה זונה וחללה לא יקחו ואשה גרושה מאישה לא יקחו כי קדוש הוא לאלהיו
MT: אשׁה זנה וחללה לא יקחו ואשׁה גרושׁה מאישׁה לא יקחו כי קדשׁ הוא לאלהיו
SP: וקדשתו כי את לחם אלהיך הוא מקריב קדוש יהיה לך כי קדוש אני יהוה מקדשם
MT: וקדשׁתו כי את לחם אלהיך הוא מקריב קדשׁ יהיה לך כי קדושׁ אני יהוה מקדשׁכם
SP: והכהן הגדול מאחיו אשר יוצק על ראשו שמן המשחה ומלא ידו ללבש את הבגדים את ראשו לא יפרע ובגדיו לא יפרם
MT: והכהן הגדול מאחיו אשׁר יוצק על ראשׁו׀ שׁמן המשׁחה ומלא את ידו ללבשׁ את הבגדים את ראשׁו לא יפרע ובגדיו לא יפרם
SP: ועל כל נפשות מת לא יבוא לאביו ולאמו לא יטמא
MT: ועל כל נפשׁת מת לא יבא לאביו ולאמו לא יטמא
SP: אלמנה וגרושה וחללה וזונה את אלה לא יקח כי אם בתולה מעמו יקח אשה
MT: אלמנה וגרושׁה וחללה זנה את אלה לא יקח כי אם בתולה מעמיו יקח אשׁה
SP: ולא יחלל זרעו בעמו כי אני יהוה מקדשו
MT: ולא יחלל זרעו בעמיו כי אני יהוה מקדשׁו
SP: דבר אל אהרן לאמר איש מזרעך לדרותם אשר יהיה בו מום לא יקרב להגיש לחם אלהיו
MT: דבר אל אהרן לאמר אישׁ מזרעך לדרתם אשׁר יהיה בו מום לא יקרב להקריב לחם אלהיו
SP: כי כל איש אשר יהיה בו מום לא יקרב איש עור או פסח או חרום או שרוע
MT: כי כל אישׁ אשׁר בו מום לא יקרב אישׁ עור או פסח או חרם או שׂרוע
SP: או גבן או דק או תבלל בעיניו או גרב או ילפת או מרוח אשך
MT: או גבן או דק או תבלל בעינו או גרב או ילפת או מרוח אשׁך
SP: כל איש אשר בו מום מזרע אהרן הכהן לא יגיש את אשי יהוה מום בו לא יגש להקריב
MT: כל אישׁ אשׁר בו מום מזרע אהרן הכהן לא יגשׁ להקריב את אשׁי יהוה מום בו את לחם אלהיו לא יגשׁ להקריב
SP: אך אל הפרכת לא יבוא ואל המזבח לא יגש כי מום בו ולא יחלל את מקדשי כי אני יהוה מקדשם
MT: אך אל הפרכת לא יבא ואל המזבח לא יגשׁ כי מום בו ולא יחלל את מקדשׁי כי אני יהוה מקדשׁם
SP: דבר אל אהרן ואל בניו וינזרו מקדשי בני ישראל ולא יחללו את שם קדשי אשר הם מקדישים לי אני יהוה
MT: דבר אל אהרן ואל בניו וינזרו מקדשׁי בני ישׂראל ולא יחללו את שׁם קדשׁי אשׁר הם מקדשׁים לי אני יהוה
SP: אמר אליהם לדרתיכם כל איש אשר יקרב מכל זרעכם אל הקדשים אשר יקדישו בני ישראל ליהוה וטמאתו עליו ונכרתה הנפש ההיא מלפני אני יהוה
MT: אמר אלהם לדרתיכם כל אישׁ׀ אשׁר יקרב מכל זרעכם אל הקדשׁים אשׁר יקדישׁו בני ישׂראל ליהוה וטמאתו עליו ונכרתה הנפשׁ ההוא מלפני אני יהוה
SP: או איש אשר יגע בכל שרץ טמא אשר יטמא לו או באדם אשר יטמא לו לכל טמאתו
MT: או אישׁ אשׁר יגע בכל שׁרץ אשׁר יטמא לו או באדם אשׁר יטמא לו לכל טמאתו
SP: נפש אשר תגע בו וטמא עד הערב ולא יאכל מן הקדשים כי אם רחץ בשרו במים
MT: נפשׁ אשׁר תגע בו וטמאה עד הערב ולא יאכל מן הקדשׁים כי אם רחץ בשׂרו במים
SP: נבלה וטרפה לא יאכלו לטמאה בה אני יהוה
MT: נבלה וטרפה לא יאכל לטמאה בה אני יהוה
SP: וכהן כי יקנה נפש קנין כספו הוא יאכל בו וילידי ביתו הם יאכלו בלחמו
MT: וכהן כי יקנה נפשׁ קנין כספו הוא יאכל בו ויליד ביתו הם יאכלו בלחמו
SP: ובת כהן כי תהיה לאיש זר היא בתרומת הקדשים לא תאכל
MT: ובת כהן כי תהיה לאישׁ זר הוא בתרומת הקדשׁים לא תאכל
SP: ובת כהן כי תהיה אלמנה וגרושה וזרע אין לה ושבה אל בית אביה כנעריה מלחם אביה תאכל וכל זר לא יאכל בו
MT: ובת כהן כי תהיה אלמנה וגרושׁה וזרע אין לה ושׁבה אל בית אביה כנעוריה מלחם אביה תאכל וכל זר לא יאכל בו
SP: ואיש כי יאכל קדש בשגגה ויסף חמישתו עליו ונתן לכהן את הקדש
MT: ואישׁ כי יאכל קדשׁ בשׁגגה ויסף חמשׁיתו עליו ונתן לכהן את הקדשׁ
SP: ולא יחללו את קדשי בני ישראל אשר ירימו ליהוה
MT: ולא יחללו את קדשׁי בני ישׂראל את אשׁר ירימו ליהוה
SP: והשיאו אתם עון אשמה באכלם את קדשיהם כי אני יהוה מקדשם
MT: והשׂיאו אותם עון אשׁמה באכלם את קדשׁיהם כי אני יהוה מקדשׁם
SP: דבר אל אהרן ואל בניו ואל כל בני ישראל ואמרת אליהם איש איש מבית ישראל ומן הגר הגר בישראל אשר יקריב קרבנו לכל נדריהם ולכל נדבתם אשר יקריבו ליהוה לעלה
MT: דבר אל אהרן ואל בניו ואל כל בני ישׂראל ואמרת אלהם אישׁ אישׁ מבית ישׂראל ומן הגר בישׂראל אשׁר יקריב קרבנו לכל נדריהם ולכל נדבותם אשׁר יקריבו ליהוה לעלה
SP: לרצונכם תמים זכר בבקר או בכשבים או בעזים
MT: לרצנכם תמים זכר בבקר בכשׂבים ובעזים
SP: ואיש כי יקריב זבח שלמים ליהוה לפלא נדר או נדבה בבקר או בצאן תמים יהיה לרצון וכל מום לא יהיה בו
MT: ואישׁ כי יקריב זבח שׁלמים ליהוה לפלא נדר או לנדבה בבקר או בצאן תמים יהיה לרצון כל מום לא יהיה בו
SP: ושור ושה שרוע וקלוט נדבה תעשו אתו ולנדר לא ירצה
MT: ושׁור ושׂה שׂרוע וקלוט נדבה תעשׂה אתו ולנדר לא ירצה
SP: ומיד בן נכר לא תקריבו את לחם אלהיכם מכל אלה כי משחיתים בהם מום בם לא ירצו לכם
MT: ומיד בן נכר לא תקריבו את לחם אלהיכם מכל אלה כי משׁחתם בהם מום בם לא ירצו לכם
SP: ושור ושה אתו ואת בנו לא תשחטו ביום אחד
MT: ושׁור או שׂה אתו ואת בנו לא תשׁחטו ביום אחד
SP: וכי תזבחו זבח תודה ליהוה לרצונכם תזבחהו
MT: וכי תזבחו זבח תודה ליהוה לרצנכם תזבחו
SP: ושמרתם את מצותי ועשיתם אתם
MT: ושׁמרתם מצותי ועשׂיתם אתם אני יהוה
SP: ולא תחללו את שם קדשי ונקדשתי בתוך בני ישראל אני יהוה מקדשם
MT: ולא תחללו את שׁם קדשׁי ונקדשׁתי בתוך בני ישׂראל אני יהוה מקדשׁכם
SP: המוצא אתכם מארץ מצרים להיות לכם לאלהים אני יהוה
MT: המוציא אתכם מארץ מצרים להיות לכם לאלהים אני יהוה
SP: דבר אל בני ישראל ואמרת אליהם מועדי יהוה אשר תקראו אתם מקראי קדש אלה הם מועדי
MT: דבר אל בני ישׂראל ואמרת אלהם מועדי יהוה אשׁר תקראו אתם מקראי קדשׁ אלה הם מועדי
SP: ששת ימים יעשה מלאכה וביום השביעי שבת שבתון מקרא קדש כל מלאכה לא תעשו שבת היא ליהוה בכל מושבתיכם
MT: שׁשׁת ימים תעשׂה מלאכה וביום השׁביעי שׁבת שׁבתון מקרא קדשׁ כל מלאכה לא תעשׂו שׁבת הוא ליהוה בכל מושׁבתיכם
SP: ואלה מועדי יהוה מקראי קדש אשר תקראו אתם במועדם
MT: אלה מועדי יהוה מקראי קדשׁ אשׁר תקראו אתם במועדם
SP: בחדש הראישון בארבעה עשר יום לחדש בין הערבים פסח ליהוה
MT: בחדשׁ הראשׁון בארבעה עשׂר לחדשׁ בין הערבים פסח ליהוה
SP: ביום הראישון מקרא קדש יהיה לכם כל מלאכת עבדה לא תעשו
MT: ביום הראשׁון מקרא קדשׁ יהיה לכם כל מלאכת עבדה לא תעשׂו
SP: והקרבתם אשה ליהוה שבעת ימים וביום השביעי מקרא קדש כל מלאכת עבדה לא תעשו
MT: והקרבתם אשׁה ליהוה שׁבעת ימים ביום השׁביעי מקרא קדשׁ כל מלאכת עבדה לא תעשׂו
SP: דבר אל בני ישראל ואמרת אליהם כי תבאו אל הארץ אשר אני נתן לכם וקצרתם את קצירה והבאתם את העמר ראשית קצירכם אל הכהן
MT: דבר אל בני ישׂראל ואמרת אלהם כי תבאו אל הארץ אשׁר אני נתן לכם וקצרתם את קצירה והבאתם את עמר ראשׁית קצירכם אל הכהן
SP: והניף את העמר לפני יהוה לרצונכם ממחרת השבת יניפנו הכהן
MT: והניף את העמר לפני יהוה לרצנכם ממחרת השׁבת יניפנו הכהן
SP: ועשיתם ביום הנפכם את העמר כבש תמים בן שנתו לעלה ליהוה
MT: ועשׂיתם ביום הניפכם את העמר כבשׂ תמים בן שׁנתו לעלה ליהוה
SP: ומנחתו שני עשרנים סלת בלולה בשמן אשה ליהוה ריח ניחח ונסכו יין רביעית ההין
MT: ומנחתו שׁני עשׂרנים סלת בלולה בשׁמן אשׁה ליהוה ריח ניחח ונסכה יין רביעת ההין
SP: ולחם וקלי וכרמל לא תאכלו עד עצם היום הזה עד הבאכם את קרבן אלהיכם חקת עולם לדרתיכם בכל מושבתיכם
MT: ולחם וקלי וכרמל לא תאכלו עד עצם היום הזה עד הביאכם את קרבן אלהיכם חקת עולם לדרתיכם בכל משׁבתיכם
SP: וספרתם לכם ממחרת השבת מיום הבאכם את עמר התנופה שבע שבתות תמימות תהיינה
MT: וספרתם לכם ממחרת השׁבת מיום הביאכם את עמר התנופה שׁבע שׁבתות תמימת תהיינה
SP: עד ממחרת השבת השביעית תספרו חמשים יום והקרבתם מנחה חדשה ליהוה
MT: עד ממחרת השׁבת השׁביעת תספרו חמשׁים יום והקרבתם מנחה חדשׁה ליהוה
SP: ממושבתיכם תביאו לחם תנופה שתים חלות שני עשרנים סלת תהינה חמץ תאפינה בכורים ליהוה
MT: ממושׁבתיכם תביאו׀ לחם תנופה שׁתים שׁני עשׂרנים סלת תהיינה חמץ תאפינה בכורים ליהוה
SP: והקרבתם על הלחם שבעה כבשים תמימם בני שנה ופר בן בקר אחד ואילים שנים תמימם יהיו עלה ליהוה ומנחתם ונסכיהם אשה ריח ניחח ליהוה
MT: והקרבתם על הלחם שׁבעת כבשׂים תמימם בני שׁנה ופר בן בקר אחד ואילם שׁנים יהיו עלה ליהוה ומנחתם ונסכיהם אשׁה ריח ניחח ליהוה
SP: ועשיתם שעיר עזים אחד לחטאת ושני כבשים בני שנה לזבח השלמים
MT: ועשׂיתם שׂעיר עזים אחד לחטאת ושׁני כבשׂים בני שׁנה לזבח שׁלמים
SP: והניף הכהן אתם על לחם הבכורים תנופה לפני יהוה על שני הכבשים קדש יהיו ליהוה לכהן
MT: והניף הכהן׀ אתם על לחם הבכורים תנופה לפני יהוה על שׁני כבשׂים קדשׁ יהיו ליהוה לכהן
SP: וקראתם בעצם היום הזה מקרא קדש יהיה לכם כל מלאכת עבדה לא תעשו חקות עולם בכל מושבתיכם לדרתיכם
MT: וקראתם בעצם׀ היום הזה מקרא קדשׁ יהיה לכם כל מלאכת עבדה לא תעשׂו חקת עולם בכל מושׁבתיכם לדרתיכם
SP: ובקצירכם את קציר ארצכם לא תכלה פאת שדך לקצר ולקט קצירך לא תלקט לעני ולגר תעזב אתם אני יהוה אלהיכם
MT: ובקצרכם את קציר ארצכם לא תכלה פאת שׂדך בקצרך ולקט קצירך לא תלקט לעני ולגר תעזב אתם אני יהוה אלהיכם
SP: אך בעשור לחדש השביעי הזה יום כפורים הוא מקרא קדש יהיה לכם ועניתם את נפשתיכם והקרבתם אשה ליהוה
MT: אך בעשׂור לחדשׁ השׁביעי הזה יום הכפרים הוא מקרא קדשׁ יהיה לכם ועניתם את נפשׁתיכם והקרבתם אשׁה ליהוה
SP: וכל מלאכה לא תעשו בעצם היום הזה כי יום כפורים הוא לכפר עליכם לפני יהוה אלהיכם
MT: וכל מלאכה לא תעשׂו בעצם היום הזה כי יום כפרים הוא לכפר עליכם לפני יהוה אלהיכם
SP: וכל הנפש אשר תעשה כל מלאכה בעצם היום הזה ואבדתי את הנפש ההיא מקרב עמיה
MT: וכל הנפשׁ אשׁר תעשׂה כל מלאכה בעצם היום הזה והאבדתי את הנפשׁ ההוא מקרב עמה
SP: וכל מלאכה לא תעשו חקות עולם לדרתיכם בכל מושבתיכם
MT: כל מלאכה לא תעשׂו חקת עולם לדרתיכם בכל משׁבתיכם
SP: שבת שבתון הוא לכם ועניתם את נפשתיכם בתשעה לחדש בערב מערב עד ערב תשביתו שבתכם
MT: שׁבת שׁבתון הוא לכם ועניתם את נפשׁתיכם בתשׁעה לחדשׁ בערב מערב עד ערב תשׁבתו שׁבתכם
SP: ביום הראישון מקרא קדש כל מלאכת עבדה לא תעשו
MT: ביום הראשׁון מקרא קדשׁ כל מלאכת עבדה לא תעשׂו
SP: שבעת ימים תקריבו אשה ליהוה וביום השמיני מקרא קדש יהיה לכם והקרבתם אשה ליהוה עצרת היא וכל מלאכת עבדה לא תעשו
MT: שׁבעת ימים תקריבו אשׁה ליהוה ביום השׁמיני מקרא קדשׁ יהיה לכם והקרבתם אשׁה ליהוה עצרת הוא כל מלאכת עבדה לא תעשׂו
SP: מלבד שבתות יהוה ומלבד כל מתנתיכם ומלבד כל נדריכם ומלבד כל נדבתיכם אשר תתנו ליהוה
MT: מלבד שׁבתת יהוה ומלבד מתנותיכם ומלבד כל נדריכם ומלבד כל נדבותיכם אשׁר תתנו ליהוה
SP: אך בחמשה עשר יום לחדש השביעי באספכם את תבואת הארץ תחגו את חג יהוה שבעת ימים ביום הראישון שבתון וביום השמיני שבתון
MT: אך בחמשׁה עשׂר יום לחדשׁ השׁביעי באספכם את תבואת הארץ תחגו את חג יהוה שׁבעת ימים ביום הראשׁון שׁבתון וביום השׁמיני שׁבתון
SP: ולקחתם לכם ביום הראישון פרי עץ הדר כפות תמרים וענפי עץ עבות וערבי נחל ושמחתם לפני יהוה אלהיכם שבעת ימים
MT: ולקחתם לכם ביום הראשׁון פרי עץ הדר כפת תמרים וענף עץ עבת וערבי נחל ושׂמחתם לפני יהוה אלהיכם שׁבעת ימים
SP: וחגתם אתו חג ליהוה שבעת ימים בשנה חקות עולם לדרתיכם בחדש השביעי תחגו אתו
MT: וחגתם אתו חג ליהוה שׁבעת ימים בשׁנה חקת עולם לדרתיכם בחדשׁ השׁביעי תחגו אתו
SP: בסכות תשבו שבעת ימים כל האזרח בישראל ישב בסכות
MT: בסכת תשׁבו שׁבעת ימים כל האזרח בישׂראל ישׁבו בסכת
SP: למען ידעו דרתיכם כי בסכות הושבתי את בני ישראל בהוצאי אתם מארץ מצרים אני יהוה אלהיכם
MT: למען ידעו דרתיכם כי בסכות הושׁבתי את בני ישׂראל בהוציאי אותם מארץ מצרים אני יהוה אלהיכם
SP: וידבר משה את מועדי יהוה אל בני ישראל
MT: וידבר משׁה את מעדי יהוה אל בני ישׂראל
SP: צוי את בני ישראל ויקחו אליך שמן זית זך כתית למאור להעלות נר תמיד
MT: צו את בני ישׂראל ויקחו אליך שׁמן זית זך כתית למאור להעלת נר תמיד
SP: מחוץ לפרכת העדות באהל מועד יערך אתו אהרן ובניו מערב עד בקר לפני יהוה תמיד חקות עולם לדרתיכם
MT: מחוץ לפרכת העדת באהל מועד יערך אתו אהרן מערב עד בקר לפני יהוה תמיד חקת עולם לדרתיכם
SP: על המנורה הטהרה יעריך את הנרות לפני יהוה עד בקר
MT: על המנרה הטהרה יערך את הנרות לפני יהוה תמיד
SP: ושמת אתם שתי מערכות שש המערכת על השלחן הטהור לפני יהוה
MT: ושׂמת אותם שׁתים מערכות שׁשׁ המערכת על השׁלחן הטהר לפני יהוה
SP: ונתתה על המערכת לבונה זכה והיתה ללחם לאזכרה אשה ליהוה
MT: ונתת על המערכת לבנה זכה והיתה ללחם לאזכרה אשׁה ליהוה
SP: והיתה לאהרן ולבניו ואכלוה במקום קדוש כי קדש קדשים היא לו מאשי יהוה חק עולם
MT: והיתה לאהרן ולבניו ואכלהו במקום קדשׁ כי קדשׁ קדשׁים הוא לו מאשׁי יהוה חק עולם
SP: ויצא בן אשה ישראלית והוא בן איש מצרי בתוך בני ישראל וינצו במחנה בן הישראלית ואיש ישראלי
MT: ויצא בן אשׁה ישׂראלית והוא בן אישׁ מצרי בתוך בני ישׂראל וינצו במחנה בן הישׂראלית ואישׁ הישׂראלי
SP: ויקב בן האשה הישראלית את השם ויקלל ויביאו אתו אל משה ושם אמו שלומית בת דברי למטה דן
MT: ויקב בן האשׁה הישׂראלית את השׁם ויקלל ויביאו אתו אל משׁה ושׁם אמו שׁלמית בת דברי למטה דן
SP: הוציא את המקלל אל מחוץ למחנה וסמכו כל השמעים את ידיהם על ראשו ורגמו אתו כל העדה
MT: הוצא את המקלל אל מחוץ למחנה וסמכו כל השׁמעים את ידיהם על ראשׁו ורגמו אתו כל העדה
SP: ונקב שם יהוה מות יומת רגם ירגמו בו כל העדה כגר כאזרח בנקבו השם יומת
MT: ונקב שׁם יהוה מות יומת רגום ירגמו בו כל העדה כגר כאזרח בנקבו שׁם יומת