SP: דבר אל כל עדת בני ישראל ואמרת אליהם קדישים תהיו כי קדוש אני יהוה אלהיכם
MT: דבר אל כל עדת בני ישׂראל ואמרת אלהם קדשׁים תהיו כי קדושׁ אני יהוה אלהיכם
SP: וכי תזבחו זבח שלמים ליהוה לרצונכם תזבחהו
MT: וכי תזבחו זבח שׁלמים ליהוה לרצנכם תזבחהו
SP: ואם אכל יאכל ביום השלישי פגול הוא לא ירצה
MT: ואם האכל יאכל ביום השׁלישׁי פגול הוא לא ירצה
SP: ואכלו עונו ישא כי את קדש יהוה חלל ונכרתה הנפש ההיא מעמיה
MT: ואכליו עונו ישׂא כי את קדשׁ יהוה חלל ונכרתה הנפשׁ ההוא מעמיה
SP: ובקצירכם את קציר ארצכם לא תכלה פאת שדך לקצר ולקט קצירך לא תלקט
MT: ובקצרכם את קציר ארצכם לא תכלה פאת שׂדך לקצר ולקט קצירך לא תלקט
SP: לא תקלל חרש ולפני עור לא תתן מכשול ויראת מאלהיך אני יהוה
MT: לא תקלל חרשׁ ולפני עור לא תתן מכשׁל ויראת מאלהיך אני יהוה
SP: לא תעשה עול במשפט לא תשא פני דל ולא תהדר פני גדול בצדק תשפט את עמיתך
MT: לא תעשׂו עול במשׁפט לא תשׂא פני דל ולא תהדר פני גדול בצדק תשׁפט עמיתך
SP: לא תלך רכיל בעמך ולא תעמד על דם רעך אני יהוה
MT: לא תלך רכיל בעמיך לא תעמד על דם רעך אני יהוה
SP: לא תשנא את אחיך בלבבך הוכיח תוכיח את עמיתך ולא תשא עליו חטא
MT: לא תשׂנא את אחיך בלבבך הוכח תוכיח את עמיתך ולא תשׂא עליו חטא
SP: לא תקום ולא תהטר את בני עמך ואהבת לרעך כמוך אני יהוה
MT: לא תקם ולא תטר את בני עמך ואהבת לרעך כמוך אני יהוה
SP: את חקותי תשמרו בהמתך לא תרביע כלאים ושדך לא תזרע כלאים ובגד כלאים שעטניז לא יעלה עליך
MT: את חקתי תשׁמרו בהמתך לא תרביע כלאים שׂדך לא תזרע כלאים ובגד כלאים שׁעטנז לא יעלה עליך
SP: ואיש כי ישכב את אשה שכבת זרע והיא שפחה נחרפת לאיש והפדה לא נפדתה או חפשי לא נתן לה בקרת תהיה לו לא יומת כי לא חפשה
MT: ואישׁ כי ישׁכב את אשׁה שׁכבת זרע והוא שׁפחה נחרפת לאישׁ והפדה לא נפדתה או חפשׁה לא נתן לה בקרת תהיה לא יומתו כי לא חפשׁה
SP: וכי תבאו אל הארץ ונטעתם כל עץ מאכל וערלתם את ערלתו את פריו שלש שנים יהיה לכם ערלים לא יאכל
MT: וכי תבאו אל הארץ ונטעתם כל עץ מאכל וערלתם ערלתו את פריו שׁלשׁ שׁנים יהיה לכם ערלים לא יאכל
SP: ובשנה הרביעית יהיו כל פריו קדש חללים ליהוה
MT: ובשׁנה הרביעת יהיה כל פריו קדשׁ הלולים ליהוה
SP: ובשנה החמישית תאכלו את פריו להסיף לכם תבואתו אני יהוה אלהיכם
MT: ובשׁנה החמישׁת תאכלו את פריו להוסיף לכם תבואתו אני יהוה אלהיכם
SP: לא תאכלו על הדם ולא תנחשו ולא תעננו
MT: לא תאכלו על הדם לא תנחשׁו ולא תעוננו
SP: ולא תקיפו את פאת ראשכם ולא תשחיתו את פאת זקנכם
MT: לא תקפו פאת ראשׁכם ולא תשׁחית את פאת זקנך
SP: ושרטה לנפש לא תתנו בבשרכם וכתבת קעקע לא תתנו בכם אני יהוה
MT: ושׂרט לנפשׁ לא תתנו בבשׂרכם וכתבת קעקע לא תתנו בכם אני יהוה
SP: אל תפנו אל האובות ואל הידעונים אל תבקשו לטמאה בהם אני יהוה אלהיכם
MT: אל תפנו אל האבת ואל הידענים אל תבקשׁו לטמאה בהם אני יהוה אלהיכם
SP: וכי יגור אתכם גר בארצכם לא תונו אתו
MT: וכי יגור אתך גר בארצכם לא תונו אתו
SP: כאזרח מכם יהיה לכם הגר הגר אתכם ואהבת לו כמוך כי גרים הייתם בארץ מצרים אני יהוה אלהיכם
MT: כאזרח מכם יהיה לכם הגר׀ הגר אתכם ואהבת לו כמוך כי גרים הייתם בארץ מצרים אני יהוה אלהיכם
SP: לא תעשו עול במשפט במדה במשקול ובמשורה
MT: לא תעשׂו עול במשׁפט במדה במשׁקל ובמשׂורה
SP: ושמרתם את כל חקותי ואת כל משפטי ועשיתם אתם אני יהוה
MT: ושׁמרתם את כל חקתי ואת כל משׁפטי ועשׂיתם אתם אני יהוה
SP: ואל בני ישראל תדבר איש איש מבית ישראל ומן הגר הגר בישראל אשר יתן מזרעו למלך מות יומת עם הארץ ירגמהו באבן
MT: ואל בני ישׂראל תאמר אישׁ אישׁ מבני ישׂראל ומן הגר׀ הגר בישׂראל אשׁר יתן מזרעו למלך מות יומת עם הארץ ירגמהו באבן
SP: ואני אתן את פני באיש ההוא והכרתי אתו מקרב עמו כי מזרעו נתן למלך למען טמא את מקדשי וחלל את שם קדשי
MT: ואני אתן את פני באישׁ ההוא והכרתי אתו מקרב עמו כי מזרעו נתן למלך למען טמא את מקדשׁי ולחלל את שׁם קדשׁי
SP: ואם העלם יעלמו עם הארץ את עיניהם מן האיש ההוא בתתו מזרעו למלך לבלתי המית אתו
MT: ואם העלם יעלימו עם הארץ את עיניהם מן האישׁ ההוא בתתו מזרעו למלך לבלתי המית אתו
SP: ושמתי אני את פני באיש ההוא ובמשפחתו והכרתי אתו ואת כל הזנים אחריו לזנות אחרי המלך מקרב עמם
MT: ושׂמתי אני את פני באישׁ ההוא ובמשׁפחתו והכרתי אתו ואת׀ כל הזנים אחריו לזנות אחרי המלך מקרב עמם
SP: והנפש אשר תפנה אל האובות ואל הידעונים לזנות אחריהם ונתתי את פני בנפש ההיא והכרתי אתה מקרב עמה
MT: והנפשׁ אשׁר תפנה אל האבת ואל הידענים לזנות אחריהם ונתתי את פני בנפשׁ ההוא והכרתי אתו מקרב עמו
SP: והייתם קדישים כי קדוש אני יהוה אלהיכם
MT: והתקדשׁתם והייתם קדשׁים כי אני יהוה אלהיכם
SP: ושמרתם את כל חקותי ועשיתם אתם אני יהוה מקדשכם
MT: ושׁמרתם את חקתי ועשׂיתם אתם אני יהוה מקדשׁכם
SP: כי איש איש אשר יקלל את אביו ואת אמו מות יומת אביו ואמו קלל דמו בו
MT: כי אישׁ אישׁ אשׁר יקלל את אביו ואת אמו מות יומת אביו ואמו קלל דמיו בו
SP: ואיש אשר ישכב את זכר משכבי אשה תועבה עשו מות יומתו שניהם דמיהם בם
MT: ואישׁ אשׁר ישׁכב את זכר משׁכבי אשׁה תועבה עשׂו שׁניהם מות יומתו דמיהם בם
SP: ואיש אשר יקח את אשה ואת אמה זמה היא באש ישרפו אתו ואתהן ולא תהיה זמה בתוככם
MT: ואישׁ אשׁר יקח את אשׁה ואת אמה זמה הוא באשׁ ישׂרפו אתו ואתהן ולא תהיה זמה בתוככם
SP: ואיש אשר יקח את אחותו בת אביו או בת אמו וראה את ערותה והיא תראה את ערותו חסד הוא ונכרתו לעיני בני עמם ערות אחותו גלה עונו ישא
MT: ואישׁ אשׁר יקח את אחתו בת אביו או בת אמו וראה את ערותה והיא תראה את ערותו חסד הוא ונכרתו לעיני בני עמם ערות אחתו גלה עונו ישׂא
SP: ואיש אשר ישכב את אשה דוה וגלה את ערותה את מקור הערוה והיא גלתה את מקור דמיה ונכרתו שניהם מקרב עמם
MT: ואישׁ אשׁר ישׁכב את אשׁה דוה וגלה את ערותה את מקרה הערה והיא גלתה את מקור דמיה ונכרתו שׁניהם מקרב עמם
SP: ערות אחות אביך ואחות אמך לא תגלה כי את שאר הערוה עונם ישאו
MT: וערות אחות אמך ואחות אביך לא תגלה כי את שׁארו הערה עונם ישׂאו
SP: ואיש אשר ישכב את דדתו את ערות דדו גלה חטאם ישאו עררים יומתו
MT: ואישׁ אשׁר ישׁכב את דדתו ערות דדו גלה חטאם ישׂאו ערירים ימתו
SP: ואיש אשר יקח את אשת אחיו נדה היא ערות אחיו גלה עררים יהיו
MT: ואישׁ אשׁר יקח את אשׁת אחיו נדה הוא ערות אחיו גלה ערירים יהיו
SP: ושמרתם את כל חקותי ואת כל משפטי ועשיתם אתם ולא תקיא הארץ אתכם אשר אני מביא אתכם שמה לשבת בה
MT: ושׁמרתם את כל חקתי ואת כל משׁפטי ועשׂיתם אתם ולא תקיא אתכם הארץ אשׁר אני מביא אתכם שׁמה לשׁבת בה
SP: ולא תלכו בחקות הגוים אשר אני משלח מפניכם כי את כל אלה עשו ואקץ בם
MT: ולא תלכו בחקת הגוי אשׁר אני משׁלח מפניכם כי את כל אלה עשׂו ואקץ בם
SP: והבדלתם בין הבהמה הטהרה לטמאה ובין העוף הטמא לטהור ולא תשקצו את נפשתיכם בבהמה ובעוף ובכל אשר תרמש האדמה אשר הבדלתי לכם לטמאה
MT: והבדלתם בין הבהמה הטהרה לטמאה ובין העוף הטמא לטהר ולא תשׁקצו את נפשׁתיכם בבהמה ובעוף ובכל אשׁר תרמשׂ האדמה אשׁר הבדלתי לכם לטמא
SP: והייתם לי קדישים כי אני יהוה ואבדיל אתכם מן העמים להיות לי
MT: והייתם לי קדשׁים כי קדושׁ אני יהוה ואבדל אתכם מן העמים להיות לי
SP: ואיש או אשה אשר יהיה בהם אוב או ידעוני מות יומתו באבנים תרגמום דמיהם בם
MT: ואישׁ או אשׁה כי יהיה בהם אוב או ידעני מות יומתו באבן ירגמו אתם דמיהם בם