SP: ויאמר יהוה אל משה דבר אל אהרן אחיך ואל יבוא בכל עת אל הקדש מבית לפרכת אל פני הכפרת אשר על הארון ולא ימות כי בענן אראה אל הכפרת
MT: ויאמר יהוה אל משׁה דבר אל אהרן אחיך ואל יבא בכל עת אל הקדשׁ מבית לפרכת אל פני הכפרת אשׁר על הארן ולא ימות כי בענן אראה על הכפרת
SP: בזאת יבוא אהרן אל הקדש בפר בן בקר לחטאת ואיל לעלה
MT: בזאת יבא אהרן אל הקדשׁ בפר בן בקר לחטאת ואיל לעלה
SP: וכיתנת בד קדש ילבש ומכנסי בד יהיו על בשרו ובאבניט בד יחגר ובמצנפת בד יצנף בגדי קדש הם ורחץ במים את כל בשרו ולבשם
MT: כתנת בד קדשׁ ילבשׁ ומכנסי בד יהיו על בשׂרו ובאבנט בד יחגר ובמצנפת בד יצנף בגדי קדשׁ הם ורחץ במים את בשׂרו ולבשׁם
SP: ולקח את שני השעירים והעמיד אתם לפני יהוה פתח אהל מועד
MT: ולקח את שׁני השׂעירם והעמיד אתם לפני יהוה פתח אהל מועד
SP: ונתן אהרן על שני השעירים גורלות גורל אחד ליהוה וגורל אחד לעזזאל
MT: ונתן אהרן על שׁני השׂעירם גורלות גורל אחד ליהוה וגורל אחד לעזאזל
SP: והשעיר אשר עלה עליו הגורל לעזזאל יעמיד חי לפני יהוה לכפר עליו לשלח אתו לעזזאל המדברה
MT: והשׂעיר אשׁר עלה עליו הגורל לעזאזל יעמד חי לפני יהוה לכפר עליו לשׁלח אתו לעזאזל המדברה
SP: ולקח מלוא המחתה גחלי אש מעל המזבח מלפני יהוה ומלוא חפניו קטרת סמים דקה והביא מבית לפרכת
MT: ולקח מלא המחתה גחלי אשׁ מעל המזבח מלפני יהוה ומלא חפניו קטרת סמים דקה והביא מבית לפרכת
SP: ונתן את הקטרת על האש לפני יהוה וכסה ענן הקטרת את הכפרת אשר על העדות ולא ימות
MT: ונתן את הקטרת על האשׁ לפני יהוה וכסה׀ ענן הקטרת את הכפרת אשׁר על העדות ולא ימות
SP: ולקח מדם הפר והזה באצבעו אל פני הכפרת קדמה ולפני הכפרת יזה שבע פעמים מן הדם באצבעו
MT: ולקח מדם הפר והזה באצבעו על פני הכפרת קדמה ולפני הכפרת יזה שׁבע פעמים מן הדם באצבעו
SP: וכל אדם לא יהיה באהל מועד בבאו לכפר בקדש עד צאתו וכפר בעדו ובעד ביתו ובעד כל קהל ישראל
MT: וכל אדם לא יהיה׀ באהל מועד בבאו לכפר בקדשׁ עד צאתו וכפר בעדו ובעד ביתו ובעד כל קהל ישׂראל
SP: וסמך אהרן את שתי ידיו על ראש השעיר החי והתודה עליו את כל עונות בני ישראל ואת כל פשעיהם לכל חטאתם ונתן אתם על ראש השעיר ושלח ביד איש עתי המדברה
MT: וסמך אהרן את שׁתי ידו על ראשׁ השׂעיר החי והתודה עליו את כל עונת בני ישׂראל ואת כל פשׁעיהם לכל חטאתם ונתן אתם על ראשׁ השׂעיר ושׁלח ביד אישׁ עתי המדברה
SP: ורחץ את בשרו במים במקום קדוש ולבש בגדיו ויצא ועשה את עלתו ואת עלת העם וכפר בעדו ובעד העם
MT: ורחץ את בשׂרו במים במקום קדושׁ ולבשׁ את בגדיו ויצא ועשׂה את עלתו ואת עלת העם וכפר בעדו ובעד העם
SP: והמשלח את השעיר לעזזאל יכבס בגדיו ורחץ את בשרו במים ואחרי כן יבוא אל המחנה
MT: והמשׁלח את השׂעיר לעזאזל יכבבגדיו ורחץ את בשׂרו במים ואחרי כן יבוא אל המחנה
SP: ואת פר החטאת ואת שעיר החטאת אשר הובא את דמם לכפר בקדש יוצא אל מחוץ למחנה ושרף באש את עורתם ואת בשרם ואת פרשם
MT: ואת פר החטאת ואת׀ שׂעיר החטאת אשׁר הובא את דמם לכפר בקדשׁ יוציא אל מחוץ למחנה ושׂרפו באשׁ את ערתם ואת בשׂרם ואת פרשׁם
SP: והיתה לכם לחקות עולם בחדש השביעי בעשור לחדש תענו את נפשתיכם וכל מלאכה לא תעשו האזרח והגר הגר בתוככם
MT: והיתה לכם לחקת עולם בחדשׁ השׁביעי בעשׂור לחדשׁ תענו את נפשׁתיכם וכל מלאכה לא תעשׂו האזרח והגר הגר בתוככם
SP: שבת שבתון הוא לכם ועניתם את נפשתיכם חקות עולם
MT: שׁבת שׁבתון היא לכם ועניתם את נפשׁתיכם חקת עולם
SP: יכפר הכהן אשר ימשח אתו ואשר ימלא את ידו לכהן תחת אביו ולבש את בגדי הבד בגדי הקדש
MT: וכפר הכהן אשׁר ימשׁח אתו ואשׁר ימלא את ידו לכהן תחת אביו ולבשׁ את בגדי הבד בגדי הקדשׁ
SP: וכפר את מקדש הקדש ואת אהל מועד ואת המזבח יכפר על הכהנים ועל כל עם הקהל יכפר
MT: וכפר את מקדשׁ הקדשׁ ואת אהל מועד ואת המזבח יכפר ועל הכהנים ועל כל עם הקהל יכפר
SP: והיתה זאת לכם לחקות עולם לכפר על בני ישראל מכל חטאתם אחת בשנה ויעש כאשר צוה יהוה את משה
MT: והיתה זאת לכם לחקת עולם לכפר על בני ישׂראל מכל חטאתם אחת בשׁנה ויעשׂ כאשׁר צוה יהוה את משׁה
SP: ואל פתח אהל מועד לא הביאו לעשות אתו עלה או שלמים ליהוה לרצונכם לריח ניחח וישחטהו בחוץ ואל פתח אהל מועד לא הביאו להקריבו קרבן ליהוה לפני משכן יהוה דם יחשב לאיש ההוא דם שפך ונכרת האיש ההוא מקרב עמיו
MT: ואל פתח אהל מועד לא הביאו להקריב קרבן ליהוה לפני משׁכן יהוה דם יחשׁב לאישׁ ההוא דם שׁפך ונכרת האישׁ ההוא מקרב עמו
SP: למען אשר יביאו בני ישראל את זבחיהם אשר הם זבחים על פני השדה והבאום ליהוה אל פתח אהל מועד אל הכהן וזבחו זבחי שלמים ליהוה אתם
MT: למען אשׁר יביאו בני ישׂראל את זבחיהם אשׁר הם זבחים על פני השׂדה והביאם ליהוה אל פתח אהל מועד אל הכהן וזבחו זבחי שׁלמים ליהוה אותם
SP: וזרק הכהן את הדם על מזבח יהוה אשר פתח אהל מועד והקטיר החלב לריח ניחח ליהוה
MT: וזרק הכהן את הדם על מזבח יהוה פתח אהל מועד והקטיר החלב לריח ניחח ליהוה
SP: ולא יזבחו עוד את זבחיהם לשערים אשר הם זנים אחריהם חקות עולם תהיה זאת להם לדרותם
MT: ולא יזבחו עוד את זבחיהם לשׂעירם אשׁר הם זנים אחריהם חקת עולם תהיה זאת להם לדרתם
SP: ואליהם תאמר איש איש מבית ישראל ומן הגר אשר יגור בתוכם אשר יעשה עלה או זבח
MT: ואלהם תאמר אישׁ אישׁ מבית ישׂראל ומן הגר אשׁר יגור בתוכם אשׁר יעלה עלה או זבח
SP: ואיש איש מבית ישראל ומן הגר אשר יגור בתוכם אשר יאכל כל דם ונתתי את פני בנפש האכלת את הדם והכרתי אתה מקרב עמה
MT: ואישׁ אישׁ מבית ישׂראל ומן הגר הגר בתוכם אשׁר יאכל כל דם ונתתי פני בנפשׁ האכלת את הדם והכרתי אתה מקרב עמה
SP: ואיש איש מבית ישראל ומן הגר הגר בתוככם אשר יצוד ציד חיה או עוף אשר יאכל ושפך את דמו וכסהו בעפר
MT: ואישׁ אישׁ מבני ישׂראל ומן הגר הגר בתוכם אשׁר יצוד ציד חיה או עוף אשׁר יאכל ושׁפך את דמו וכסהו בעפר
SP: כי נפש כל בשר דמו בנפשו הוא ואמר לבני ישראל דם כל בשר לא תאכלו כי נפש כל בשר דמו הוא כל אכלו יכרת
MT: כי נפשׁ כל בשׂר דמו בנפשׁו הוא ואמר לבני ישׂראל דם כל בשׂר לא תאכלו כי נפשׁ כל בשׂר דמו הוא כל אכליו יכרת
SP: וכל הנפש אשר תאכל נבלה וטרפה באזרח ובגר וכבס בגדיו ורחץ במים וטמא עד הערב
MT: וכל נפשׁ אשׁר תאכל נבלה וטרפה באזרח ובגר וכבבגדיו ורחץ במים וטמא עד הערב וטהר
SP: דבר אל בני ישראל ואמרת אליהם אני יהוה אלהיכם
MT: דבר אל בני ישׂראל ואמרת אלהם אני יהוה אלהיכם
SP: את משפטי תעשו ואת חקותי תשמרו ללכת בהם אני יהוה אלהיכם
MT: את משׁפטי תעשׂו ואת חקתי תשׁמרו ללכת בהם אני יהוה אלהיכם
SP: ושמרתם את חקותי ואת משפטי אשר יעשה אתם האדם וחיה בהם אני יהוה
MT: ושׁמרתם את חקתי ואת משׁפטי אשׁר יעשׂה אתם האדם וחי בהם אני יהוה
SP: ערות אביך וערות אמך לא תגלה אמך היא לא תגלה ערותה
MT: ערות אביך וערות אמך לא תגלה אמך הוא לא תגלה ערותה
SP: ערות אשת אביך לא תגלה ערות אביך היא
MT: ערות אשׁת אביך לא תגלה ערות אביך הוא
SP: ערות אחותך בת אביך או בת אמך מולדת בית או מולדת חוץ לא תגלה ערותה
MT: ערות אחותך בת אביך או בת אמך מולדת בית או מולדת חוץ לא תגלה ערותן
SP: ערות בת אשת אביך מולדת אביך אחותך היא לא תגלה ערותה
MT: ערות בת אשׁת אביך מולדת אביך אחותך הוא לא תגלה ערותה
SP: ערות אחות אביך לא תגלה שאר אביך היא
MT: ערות אחות אביך לא תגלה שׁאר אביך הוא
SP: ערות אחות אמך לא תגלה שאר אמך היא
MT: ערות אחות אמך לא תגלה כי שׁאר אמך הוא
SP: ערות אחי אביך לא תגלה ואל אשתו לא תקרב דדתך היא
MT: ערות אחי אביך לא תגלה אל אשׁתו לא תקרב דדתך הוא
SP: ערות כלתך לא תגלה אשת בנך היא לא תגלה ערותה
MT: ערות כלתך לא תגלה אשׁת בנך הוא לא תגלה ערותה
SP: ערות אשת אחיך לא תגלה ערות אחיך היא
MT: ערות אשׁת אחיך לא תגלה ערות אחיך הוא
SP: ערות אשה ובתה לא תגלה את בת בנה ואת בת בתה לא תקח לגלות ערותה שארה הנה זמה היא
MT: ערות אשׁה ובתה לא תגלה את בת בנה ואת בת בתה לא תקח לגלות ערותה שׁארה הנה זמה הוא
SP: ואשה על אחותה לא תקח לצרר לגלות ערותה עליה בחייה
MT: ואשׁה אל אחתה לא תקח לצרר לגלות ערותה עליה בחייה
SP: ומזרעך לא תתן להעביד למלך ולא תחלל את שם אלהיך אני יהוה
MT: ומזרעך לא תתן להעביר למלך ולא תחלל את שׁם אלהיך אני יהוה
SP: ואת זכר לא תשכב משכבי אשה תועבה היא
MT: ואת זכר לא תשׁכב משׁכבי אשׁה תועבה הוא
SP: ותטמא הארץ ואפקד עונה עליה ותקיא הארץ את ישביה
MT: ותטמא הארץ ואפקד עונה עליה ותקא הארץ את ישׁביה
SP: ושמרתם את חקותי ואת משפטי ולא תעשו מכל התועבות האלה האזרח והגר הגר בתוככם
MT: ושׁמרתם אתם את חקתי ואת משׁפטי ולא תעשׂו מכל התועבת האלה האזרח והגר הגר בתוככם
SP: כי את כל התועבות האלה עשו אנשי הארץ אשר לפניכם ותטמא הארץ
MT: כי את כל התועבת האל עשׂו אנשׁי הארץ אשׁר לפניכם ותטמא הארץ
SP: כי כל אשר יעשה מכל התועבות האלה ונכרתו הנפשות העשות מקרב עמם
MT: כי כל אשׁר יעשׂה מכל התועבות האלה ונכרתו הנפשׁות העשׂת מקרב עמם
SP: ושמרתם את משמרתי לבלתי עשות מחקות התועבות אשר נעשו לפניכם ולא תטמאו בהן כי אני יהוה אלהיכם
MT: ושׁמרתם את משׁמרתי לבלתי עשׂות מחקות התועבת אשׁר נעשׂו לפניכם ולא תטמאו בהם אני יהוה אלהיכם