SP: וצוה הכהן ולקחו למטהר שתי צפורים חיות טהרות ועץ ארז ושני תולעת ואזוב
MT: וצוה הכהן ולקח למטהר שׁתי צפרים חיות טהרות ועץ ארז ושׁני תולעת ואזב
SP: וצוה הכהן ושחטו את הצפור האחת אל כלי חרש על מים חיים
MT: וצוה הכהן ושׁחט את הצפור האחת אל כלי חרשׂ על מים חיים
SP: ואת הצפור החיה יקח אתה ואת עץ הארז ואת שני התולעת ואת האזוב וטבל אתם ואת הצפור החיה בדם הצפור השחוטה על מים החיים
MT: את הצפר החיה יקח אתה ואת עץ הארז ואת שׁני התולעת ואת האזב וטבל אותם ואת׀ הצפר החיה בדם הצפר השׁחטה על המים החיים
SP: והזה על המטהר מן הצרעת שבע פעמים וטהרו ושלח את הצפור החיה על פני השדה
MT: והזה על המטהר מן הצרעת שׁבע פעמים וטהרו ושׁלח את הצפר החיה על פני השׂדה
SP: והיה ביום השביעי יגלח את כל שערו את ראשו ואת זקנו ואת גבות עיניו ואת כל שערו יגלח וכבס את בגדיו ורחץ את בשרו במים וטהר
MT: והיה ביום השׁביעי יגלח את כל שׂערו את ראשׁו ואת זקנו ואת גבת עיניו ואת כל שׂערו יגלח וכבאת בגדיו ורחץ את בשׂרו במים וטהר
SP: וביום השמיני יקח שני כבשים תמימם בני שנה וכבשה אחת בת שנתה תמימה ושלשה עשרנים סלת מנחה בלולה בשמן ולג שמן אחד
MT: וביום השׁמיני יקח שׁני כבשׂים תמימים וכבשׂה אחת בת שׁנתה תמימה ושׁלשׁה עשׂרנים סלת מנחה בלולה בשׁמן ולג אחד שׁמן
SP: ושחט את הכבש במקום אשר ישחטו את החטאת ואת העלה במקום הקדש כי כחטאת כאשם הוא לכהן קדש קדשים הוא
MT: ושׁחט את הכבשׂ במקום אשׁר ישׁחט את החטאת ואת העלה במקום הקדשׁ כי כחטאת האשׁם הוא לכהן קדשׁ קדשׁים הוא
SP: ולקח הכהן מדם האשם ונתן על תנך אזן המטהר הימנית ועל בהון ידו הימנית ועל בהון רגלו הימנית
MT: ולקח הכהן מדם האשׁם ונתן הכהן על תנוך אזן המטהר הימנית ועל בהן ידו הימנית ועל בהן רגלו הימנית
SP: וטבל הכהן את אצבעו הימנית מן השמן אשר על כפו השמאלית והזה מן השמן שבע פעמים לפני יהוה
MT: וטבל הכהן את אצבעו הימנית מן השׁמן אשׁר על כפו השׂמאלית והזה מן השׁמן באצבעו שׁבע פעמים לפני יהוה
SP: ומיתר השמן אשר על כפו יתן הכהן על תנך אזן המטהר הימנית ועל בהון ידו הימנית ועל בהון רגלו הימנית על דם האשם
MT: ומיתר השׁמן אשׁר על כפו יתן הכהן על תנוך אזן המטהר הימנית ועל בהן ידו הימנית ועל בהן רגלו הימנית על דם האשׁם
SP: והעלה הכהן את העלה ואת המנחה המזבחה לפני יהוה וכפר עליו הכהן וטהר
MT: והעלה הכהן את העלה ואת המנחה המזבחה וכפר עליו הכהן וטהר
SP: ושתי תרים או שני בני יונה אשר תשיג ידו והיה אחד חטאת ואחד עלה
MT: ושׁתי תרים או שׁני בני יונה אשׁר תשׂיג ידו והיה אחד חטאת והאחד עלה
SP: ולקח הכהן את כבש האשם ואת לג השמן והניף אתם תנופה לפני יהוה
MT: ולקח הכהן את כבשׂ האשׁם ואת לג השׁמן והניף אתם הכהן תנופה לפני יהוה
SP: ושחט את כבש האשם ולקח הכהן מדם האשם ונתן על תנך אזן המטהר הימנית ועל בהון ידו הימנית ועל בהון רגלו הימנית
MT: ושׁחט את כבשׂ האשׁם ולקח הכהן מדם האשׁם ונתן על תנוך אזן המטהר הימנית ועל בהן ידו הימנית ועל בהן רגלו הימנית
SP: והזה הכהן באצבעו הימנית מן השמן אשר על כפו השמאלית שבע פעמים לפני יהוה
MT: והזה הכהן באצבעו הימנית מן השׁמן אשׁר על כפו השׂמאלית שׁבע פעמים לפני יהוה
SP: ונתן הכהן מן השמן אשר על כפו על תנך אזן המטהר הימנית ועל בהון ידו הימנית ועל בהון רגלו הימנית על מקום דם האשם
MT: ונתן הכהן מן השׁמן׀ אשׁר על כפו על תנוך אזן המטהר הימנית ועל בהן ידו הימנית ועל בהן רגלו הימנית על מקום דם האשׁם
SP: והנותר בשמן אשר על כף הכהן יתן על ראש המטהר לכפר עליו לפני יהוה
MT: והנותר מן השׁמן אשׁר על כף הכהן יתן על ראשׁ המטהר לכפר עליו לפני יהוה
SP: ועשה את האחד מן התרים או מבני היונה מאשר תשיג ידו
MT: ועשׂה את האחד מן התרים או מן בני היונה מאשׁר תשׂיג ידו
SP: את אשר תשיג ידו את האחד חטאת ואת האחד עלה על המנחה וכפר על המטהר לפני יהוה
MT: את אשׁר תשׂיג ידו את האחד חטאת ואת האחד עלה על המנחה וכפר הכהן על המטהר לפני יהוה
SP: וצוה הכהן ופנו את הבית בטרם יבוא הכהן לראות את הנגע ולא יטמא כל אשר בבית ואחרי כן יבוא הכהן לראות את הבית
MT: וצוה הכהן ופנו את הבית בטרם יבא הכהן לראות את הנגע ולא יטמא כל אשׁר בבית ואחר כן יבא הכהן לראות את הבית
SP: וראה הכהן את הנגע והנה הנגע בקירות הבית שקעררות ירקרקות או אדמדמות ומראהן שפל מן הקיר
MT: וראה את הנגע והנה הנגע בקירת הבית שׁקערורת ירקרקת או אדמדמת ומראיהן שׁפל מן הקיר
SP: ושב הכהן ביום השביעי וראה והנה פשה הנגע בקירות הבית
MT: ושׁב הכהן ביום השׁביעי וראה והנה פשׂה הנגע בקירת הבית
SP: ואת הבית יקצעו מבית סביב ושפכו את העפר אשר הקיצו אל מחוץ לעיר אל מקום טמא
MT: ואת הבית יקצע מבית סביב ושׁפכו את העפר אשׁר הקצו אל מחוץ לעיר אל מקום טמא
SP: ולקחו אבנים אחרות והביאו אל תחת האבנים ועפר אחר יקחו וטחו את הבית
MT: ולקחו אבנים אחרות והביאו אל תחת האבנים ועפר אחר יקח וטח את הבית
SP: ואם ישוב הנגע ופרח בבית אחרי חלצו את האבנים ואחרי הקצות את הבית ואחרי הטח
MT: ואם ישׁוב הנגע ופרח בבית אחר חלץ את האבנים ואחרי הקצות את הבית ואחרי הטוח
SP: ובא הכהן וראה והנה פרח הנגע בבית צרעת ממראת בבית טמא הוא
MT: ובא הכהן וראה והנה פשׂה הנגע בבית צרעת ממארת הוא בבית טמא הוא
SP: ונתצו את הבית את אבניו ואת עציו ואת כל עפר הבית והוציאו אל מחוץ לעיר אל מקום טמא
MT: ונתץ את הבית את אבניו ואת עציו ואת כל עפר הבית והוציא אל מחוץ לעיר אל מקום טמא
SP: והשכב בבית יכבס בגדיו והאכל בבית יכבס בגדיו
MT: והשׁכב בבית יכבאת בגדיו והאכל בבית יכבאת בגדיו
SP: ואם בא יבוא הכהן וראה והנה לא פרח הנגע בבית אחרי הטח את הבית וטהר הכהן את הבית כי נרפא הנגע
MT: ואם בא יבא הכהן וראה והנה לא פשׂה הנגע בבית אחרי הטח את הבית וטהר הכהן את הבית כי נרפא הנגע
SP: ולקחו לחטא את הבית שתי צפורים ועץ ארז ושני תולעת ואזוב
MT: ולקח לחטא את הבית שׁתי צפרים ועץ ארז ושׁני תולעת ואזב
SP: ושחט את הצפור האחת אל כלי חרש על מים חיים
MT: ושׁחט את הצפר האחת אל כלי חרשׂ על מים חיים
SP: ולקח את עץ הארז ואת שני התולעת ואת האזוב ואת הצפור החיה וטבל אתם בדם הצפור השחוטה ובמים החיים והזה על הבית שבע פעמים
MT: ולקח את עץ הארז ואת האזב ואת׀ שׁני התולעת ואת הצפר החיה וטבל אתם בדם הצפר השׁחוטה ובמים החיים והזה אל הבית שׁבע פעמים
SP: וחטא את הבית בדם הצפור ובמים החיים ובצפור החיה ובעץ הארז ובשני התולעת ובאזוב
MT: וחטא את הבית בדם הצפור ובמים החיים ובצפר החיה ובעץ הארז ובאזב ובשׁני התולעת
SP: ושלח את הצפור החיה אל מחוץ לעיר על פני השדה וכפר על הבית וטהר
MT: ושׁלח את הצפר החיה אל מחוץ לעיר אל פני השׂדה וכפר על הבית וטהר
SP: להורות ביום הטמא וביום הטהור זאת תורת הצרעת
MT: להורת ביום הטמא וביום הטהר זאת תורת הצרעת
SP: דברו אל בני ישראל ואמרתם אליהם איש איש כי יהיה זב מבשרו זובו טמא הוא
MT: דברו אל בני ישׂראל ואמרתם אלהם אישׁ אישׁ כי יהיה זב מבשׂרו זובו טמא הוא
SP: וזאת תהיה טמאתו בזובו רר בשרו את זובו או חתום בשרו מזובו טמא הוא כל ימי זב בשרו או החתים בשרו מזובו טמאתו היא
MT: וזאת תהיה טמאתו בזובו רר בשׂרו את זובו או החתים בשׂרו מזובו טמאתו הוא
SP: וכי ירק הזב בטהור יכבס בגדיו ורחץ במים וטמא עד הערב
MT: וכי ירק הזב בטהור וכבבגדיו ורחץ במים וטמא עד הערב
SP: וכל הנגע בכל אשר יהיה תחתיו יטמא עד הערב והנושא אתם יכבס בגדיו ורחץ במים וטמא עד הערב
MT: וכל הנגע בכל אשׁר יהיה תחתיו יטמא עד הערב והנושׂא אותם יכבבגדיו ורחץ במים וטמא עד הערב
SP: וכל אשר יגע בו הזב וידו לא שטף במים יכבס בגדיו ורחץ במים וטמא עד הערב
MT: וכל אשׁר יגע בו הזב וידיו לא שׁטף במים וכבבגדיו ורחץ במים וטמא עד הערב
SP: וכי יטהר הזב מזובו וספר לו שבעת ימים לטהרתו וכבס בגדיו ורחץ את בשרו במים חיים וטהר
MT: וכי יטהר הזב מזובו וספר לו שׁבעת ימים לטהרתו וכבבגדיו ורחץ בשׂרו במים חיים וטהר
SP: וביום השמיני יקח לו שתי תרים או שני בני יונה ובא לפני יהוה אל פתח אהל מועד ונתנם אל הכהן
MT: וביום השׁמיני יקח לו שׁתי תרים או שׁני בני יונה ובא׀ לפני יהוה אל פתח אהל מועד ונתנם אל הכהן
SP: ועשה אתם הכהן אחד חטאת ואחד עלה וכפר עליו הכהן לפני יהוה מזובו
MT: ועשׂה אתם הכהן אחד חטאת והאחד עלה וכפר עליו הכהן לפני יהוה מזובו
SP: ואשה אשר ישכב אישה אתה שכבת זרע ורחצו במים וטמאו עד הערב
MT: ואשׁה אשׁר ישׁכב אישׁ אתה שׁכבת זרע ורחצו במים וטמאו עד הערב
SP: ואשה כי תהיה זבה דם יהיה זובה בבשרה שבעת ימים תהיה בנדתה כל הנגע בה יטמא עד הערב
MT: ואשׁה כי תהיה זבה דם יהיה זבה בבשׂרה שׁבעת ימים תהיה בנדתה וכל הנגע בה יטמא עד הערב
SP: וכל הנגע בכל הכלי אשר תשב עליו יכבס בגדיו ורחץ במים וטמא עד הערב
MT: וכל הנגע בכל כלי אשׁר תשׁב עליו יכבבגדיו ורחץ במים וטמא עד הערב
SP: ואם על המשכבה היא או על הכלי אשר היא ישבת עליו בנגעו בו יטמא עד הערב
MT: ואם על המשׁכב הוא או על הכלי אשׁר הוא ישׁבת עליו בנגעו בו יטמא עד הערב
SP: ואם שכב ישכב אישה אתה ותהי נדתה עליו יטמא שבעת ימים וכל המשכב אשר ישכב עליו יטמא
MT: ואם שׁכב ישׁכב אישׁ אתה ותהי נדתה עליו וטמא שׁבעת ימים וכל המשׁכב אשׁר ישׁכב עליו יטמא
SP: ואשה כי יזוב זוב דמה ימים רבים בלא עת נדתה או כי תזוב על נדתה כל ימי זוב טמאתה כימי נדתה תהיה טמאה היא
MT: ואשׁה כי יזוב זוב דמה ימים רבים בלא עת נדתה או כי תזוב על נדתה כל ימי זוב טמאתה כימי נדתה תהיה טמאה הוא
SP: כל הנגע בם יטמא וכבס בגדיו ורחץ במים וטמא עד הערב
MT: וכל הנוגע בם יטמא וכבבגדיו ורחץ במים וטמא עד הערב
SP: וביום השמיני תקח לה שתי תרים או שני בני יונה והביאה אתם אל הכהן אל פתח אהל מועד
MT: וביום השׁמיני תקח לה שׁתי תרים או שׁני בני יונה והביאה אותם אל הכהן אל פתח אהל מועד
SP: והזהרתם את בני ישראל מטמאתם ולא ימותו בטמאתם בטמאם את משכני אשר בתוכם
MT: והזרתם את בני ישׂראל מטמאתם ולא ימתו בטמאתם בטמאם את משׁכני אשׁר בתוכם