SP: ויקהל משה את כל עדת בני ישראל ויאמר אליהם אלה הדברים אשר צוה יהוה לעשות אתם
MT: ויקהל משׁה את כל עדת בני ישׂראל ויאמר אלהם אלה הדברים אשׁר צוה יהוה לעשׂת אתם
SP: ששת ימים יעשה מלאכה וביום השביעי יהיה לכם קדש שבת שבתון ליהוה כל העשה בו מלאכה יומת
MT: שׁשׁת ימים תעשׂה מלאכה וביום השׁביעי יהיה לכם קדשׁ שׁבת שׁבתון ליהוה כל העשׂה בו מלאכה יומת
SP: לא תבעירו אש בכל מושבתיכם ביום השבת
MT: לא תבערו אשׁ בכל משׁבתיכם ביום השׁבת
SP: קחו מאתכם תרומה ליהוה כל נדיב לבו יביא את תרומת יהוה זהב כסף ונחשת
MT: קחו מאתכם תרומה ליהוה כל נדיב לבו יביאה את תרומת יהוה זהב וכסף ונחשׁת
SP: תכלת וארגמן ותולעת שני ושש ועזים
MT: ותכלת וארגמן ותולעת שׁני ושׁשׁ ועזים
SP: ועורת אילים מאדמים ועורת תחשים ועצי שטים
MT: וערת אילם מאדמים וערת תחשׁים ועצי שׂטים
SP: ושמן למאור ובשמים לשמן המשחה ולקטרת הסמים
MT: ושׁמן למאור ובשׂמים לשׁמן המשׁחה ולקטרת הסמים
SP: וכל חכם לב בכם יבוא ועשה את כל אשר צוה יהוה
MT: וכל חכם לב בכם יבאו ויעשׂו את כל אשׁר צוה יהוה
SP: את המשכן ואת אהלו ואת מכסהו ואת קרסיו ואת קרשיו ואת בריחיו ואת עמודיו ואת אדניו
MT: את המשׁכן את אהלו ואת מכסהו את קרסיו ואת קרשׁיו את בריחו את עמדיו ואת אדניו
SP: את הארון ואת בדיו ואת הכפרת ואת פרכת המסך
MT: את הארן ואת בדיו את הכפרת ואת פרכת המסך
SP: את מנורת המאור ואת כל כליה ואת שמן המאור
MT: ואת מנרת המאור ואת כליה ואת נרתיה ואת שׁמן המאור
SP: את מזבח הקטרת ואת בדיו ואת שמן המשחה ואת קטרת הסמים ואת מסך הפתח לפתח המשכן
MT: ואת מזבח הקטרת ואת בדיו ואת שׁמן המשׁחה ואת קטרת הסמים ואת מסך הפתח לפתח המשׁכן
SP: ואת מזבח העלה ואת מכבר הנחשת אשר לו ואת בדיו ואת כל כליו את הכיור ואת כנו
MT: את׀ מזבח העלה ואת מכבר הנחשׁת אשׁר לו את בדיו ואת כל כליו את הכיר ואת כנו
SP: את קלעי החצר ואת עמודיה ואת אדניה ואת מסך שער החצר
MT: את קלעי החצר את עמדיו ואת אדניה ואת מסך שׁער החצר
SP: את יתדות המשכן ואת יתדות החצר ואת מיתריהם
MT: את יתדת המשׁכן ואת יתדת החצר ואת מיתריהם
SP: את בגדי השרד לשרת בקדש ואת בגדי הקדש לאהרן הכהן ואת בגדי בניו לכהן
MT: את בגדי השׂרד לשׁרת בקדשׁ את בגדי הקדשׁ לאהרן הכהן ואת בגדי בניו לכהן
SP: ויביאו כל איש אשר נשאו לבו וכל איש אשר נדבה רוחו אתו הביאו את תרומת יהוה למלאכת אהל מועד ולכל עבדתו ולבגדי הקדש
MT: ויבאו כל אישׁ אשׁר נשׂאו לבו וכל אשׁר נדבה רוחו אתו הביאו את תרומת יהוה למלאכת אהל מועד ולכל עבדתו ולבגדי הקדשׁ
SP: ויביאו האנשים על הנשים כל נדיב לב הביא חח ונזם טבעת עגיל וכומז כל כלי זהב וכל אשר הניף תנופת זהב ליהוה
MT: ויבאו האנשׁים על הנשׁים כל׀ נדיב לב הביאו חח ונזם וטבעת וכומז כל כלי זהב וכל אישׁ אשׁר הניף תנופת זהב ליהוה
SP: וכל איש אשר נמצא אתו תכלת וארגמן ותולעת שני ושש ועזים ועורת אילים מאדמים ועורת תחשים הביאו
MT: וכל אישׁ אשׁר נמצא אתו תכלת וארגמן ותולעת שׁני ושׁשׁ ועזים וערת אילם מאדמים וערת תחשׁים הביאו
SP: וכל מרים תרומת כסף ונחשת הביאו את תרומת יהוה וכל אשר נמצא אתו עצי שטים למלאכת העבדה הביאו
MT: כל מרים תרומת כסף ונחשׁת הביאו את תרומת יהוה וכל אשׁר נמצא אתו עצי שׁטים לכל מלאכת העבדה הביאו
SP: וכל אשה חכמת לב בידה טוה ויביאו מטוה את התכלת ואת הארגמן ואת התולעת השני ואת השש
MT: וכל אשׁה חכמת לב בידיה טוו ויביאו מטוה את התכלת ואת הארגמן את תולעת השׁני ואת השׁשׁ
SP: וכל הנשים אשר נשא לבהן אתהן בחכמה טוו את העזים
MT: וכל הנשׁים אשׁר נשׂא לבן אתנה בחכמה טוו את העזים
SP: והנשיאים הביאו את אבני השהם ואת אבני המלאים לאפוד ולחשן
MT: והנשׂאם הביאו את אבני השׁהם ואת אבני המלאים לאפוד ולחשׁן
SP: ואת הבשמים ואת שמן המאור לשמן המשחה ולקטרת הסמים
MT: ואת הבשׂם ואת השׁמן למאור ולשׁמן המשׁחה ולקטרת הסמים
SP: וכל איש ואשה אשר נדב אתם לבם להביא לכל המלאכה אשר צוה יהוה לעשות ביד משה הביאו בני ישראל נדבה ליהוה
MT: כל אישׁ ואשׁה אשׁר נדב לבם אתם להביא לכל המלאכה אשׁר צוה יהוה לעשׂות ביד משׁה הביאו בני ישׂראל נדבה ליהוה
SP: ויאמר משה לבני ישראל ראו קרא יהוה בשם בצלאל בן אורי בן חור למטה יהודה
MT: ויאמר משׁה אל בני ישׂראל ראו קרא יהוה בשׁם בצלאל בן אורי בן חור למטה יהודה
SP: וימלא אתו רוח אלהים בחכמה ובתבונה ובדעת ובכל מלאכה
MT: וימלא אתו רוח אלהים בחכמה בתבונה ובדעת ובכל מלאכה
SP: ולחשב מחשבות לעשות בזהב ובכסף ובנחשת
MT: ולחשׁב מחשׁבת לעשׂת בזהב ובכסף ובנחשׁת
SP: ובחרשת אבן למלאת ובחרשת עץ לעשות בכל מלאכת מחשבות
MT: ובחרשׁת אבן למלאת ובחרשׁת עץ לעשׂות בכל מלאכת מחשׁבת
SP: ולהורות נתן בלבו הוא ואהליאב בן אחיסמך למטה דן
MT: ולהורת נתן בלבו הוא ואהליאב בן אחיסמך למטה דן
SP: מלא אתם חכמת לב לעשות בכל מלאכת חרש וחשב ורקם בתכלת ובארגמן ובתולעת השני ובשש וארג עשו כל המלאכה וחשבי מחשבות
MT: מלא אתם חכמת לב לעשׂות כל מלאכת חרשׁ׀ וחשׁב ורקם בתכלת ובארגמן בתולעת השׁני ובשׁשׁ וארג עשׂי כל מלאכה וחשׁבי מחשׁבת
SP: ועשה בצלאל ואהליאב וכל איש חכם לב אשר נתן יהוה בהם חכמה ותבונה לדעת לעשות את כל מלאכת עבדת הקדש לכל אשר צוה יהוה
MT: ועשׂה בצלאל ואהליאב וכל׀ אישׁ חכם לב אשׁר נתן יהוה חכמה ותבונה בהמה לדעת לעשׂת את כל מלאכת עבדת הקדשׁ לכל אשׁר צוה יהוה
SP: ויקרא משה אל בצלאל ואל אהליאב ואל כל איש חכם לב אשר נתן יהוה חכמה בלבו כל אשר נשאו לבו לקרב אל המלאכה לעשות אתה
MT: ויקרא משׁה אל בצלאל ואל אהליאב ואל כל אישׁ חכם לב אשׁר נתן יהוה חכמה בלבו כל אשׁר נשׂאו לבו לקרבה אל המלאכה לעשׂת אתה
SP: ויקחו מלפני משה את כל התרומה אשר הביאו בני ישראל למלאכת עבדת הקדש לעשות אתה והם הביאו אליו עוד נדבה בבקר בבקר
MT: ויקחו מלפני משׁה את כל התרומה אשׁר הביאו בני ישׂראל למלאכת עבדת הקדשׁ לעשׂת אתה והם הביאו אליו עוד נדבה בבקר בבקר
SP: ויביאו כל החכמים העשים את כל מלאכת הקדש איש איש ממלאכתו אשר הם עשים
MT: ויבאו כל החכמים העשׂים את כל מלאכת הקדשׁ אישׁ אישׁ ממלאכתו אשׁר המה עשׂים
SP: וידברו אל משה לאמר מרבים העם להביא מדי העבדה למלאכה אשר צוה יהוה לעשות אתה
MT: ויאמרו אל משׁה לאמר מרבים העם להביא מדי העבדה למלאכה אשׁר צוה יהוה לעשׂת אתה
SP: ויצו משה ויעברו קול במחנה לאמר איש ואשה אל יעשה עוד מלאכה לתרומת הקדש ויכל העם מהביא
MT: ויצו משׁה ויעבירו קול במחנה לאמר אישׁ ואשׁה אל יעשׂו עוד מלאכה לתרומת הקדשׁ ויכלא העם מהביא
SP: והמלאכה היתה דים לכל המלאכה לעשות אתה והותירו
MT: והמלאכה היתה דים לכל המלאכה לעשׂות אתה והותר
SP: ויעשו כל חכמי לב בעשאי המלאכה את המשכן עשו עשר יריעות שש משזר תכלת וארגמן ותולעת שני כרובים מעשה חשב עשה אתם
MT: ויעשׂו כל חכם לב בעשׂי המלאכה את המשׁכן עשׂר יריעת שׁשׁ משׁזר ותכלת וארגמן ותולעת שׁני כרבים מעשׂה חשׁב עשׂה אתם
SP: ארך היריעה האחת שמנה ועשרים באמה ורחב ארבע באמה היריעה האחת מדה אחת לכל היריעות
MT: ארך היריעה האחת שׁמנה ועשׂרים באמה ורחב ארבע באמה היריעה האחת מדה אחת לכל היריעת
SP: ויחבר את חמש היריעות אחת אל אחת וחמש היריעות חבר אחת אל אחת
MT: ויחבר את חמשׁ היריעת אחת אל אחת וחמשׁ יריעת חבר אחת אל אחת
SP: ויעש ללאות תכלת על שפת היריעה האחת בקצה במחברת וכן עשה בשפת היריעה הקצונה במחברת השנית
MT: ויעשׂ ללאת תכלת על שׂפת היריעה האחת מקצה במחברת כן עשׂה בשׂפת היריעה הקיצונה במחברת השׁנית
SP: חמשים ללאות עשה ביריעה האחת וחמשים ללאות עשה בקצה היריעה אשר במחברת השנית מקבלות הללאות אחת אל אחת
MT: חמשׁים ללאת עשׂה ביריעה האחת וחמשׁים ללאת עשׂה בקצה היריעה אשׁר במחברת השׁנית מקבילת הללאת אחת אל אחת
SP: ויעש חמשים קרסי זהב ויחבר את היריעות אחת אל אחת בקרסים ויהי המשכן אחד
MT: ויעשׂ חמשׁים קרסי זהב ויחבר את הירעת אחת אל אחת בקרסים ויהי המשׁכן אחד
SP: ויעש יריעות עזים לאהל על המשכן עשתה עשרה יריעות עשה אתם
MT: ויעשׂ יריעת עזים לאהל על המשׁכן עשׁתי עשׂרה יריעת עשׂה אתם
SP: ארך היריעה האחת שלשים באמה וארבע אמות רחב היריעה האחת מדה אחת לעשתה עשרה היריעות
MT: ארך היריעה האחת שׁלשׁים באמה וארבע אמות רחב היריעה האחת מדה אחת לעשׁתי עשׂרה יריעת
SP: ויחבר את חמש היריעות לבד ואת שש היריעות לבד
MT: ויחבר את חמשׁ היריעת לבד ואת שׁשׁ היריעת לבד
SP: ויעש ללאות חמשים על שפת היריעה האחת הקצונה במחברת וחמשים ללאות עשה על שפת היריעה החברת השנית
MT: ויעשׂ ללאת חמשׁים על שׂפת היריעה הקיצנה במחברת וחמשׁים ללאת עשׂה על שׂפת היריעה החברת השׁנית
SP: ויעש קרסי נחשת חמשים לחבר את האהל להיות אחד
MT: ויעשׂ קרסי נחשׁת חמשׁים לחבר את האהל להית אחד
SP: ויעש מכסה לאהל עורת אילים מאדמים ומכסה עורת תחשים מלמעלה
MT: ויעשׂ מכסה לאהל ערת אלים מאדמים ומכסה ערת תחשׁים מלמעלה
SP: עשר אמות ארך הקרש האחד אמה וחצי האמה רחב הקרש האחד
MT: עשׂר אמת ארך הקרשׁ ואמה וחצי האמה רחב הקרשׁ האחד
SP: שתי ידות לקרש האחד משלבות אחת אל אחת כן עשה לכל קרשי המשכן
MT: שׁתי ידת לקרשׁ האחד משׁלבת אחת אל אחת כן עשׂה לכל קרשׁי המשׁכן
SP: ויעש את הקרשים למשכן עשרים קרשים לפאת נגבה תימנה
MT: ויעשׂ את הקרשׁים למשׁכן עשׂרים קרשׁים לפאת נגב תימנה
SP: וארבעים אדני כסף עשה תחת עשרים הקרשים שני אדנים תחת הקרש האחד לשתי יתדתיו ושני אדנים תחת הקרש האחד לשתי יתדתיו
MT: וארבעים אדני כסף עשׂה תחת עשׂרים הקרשׁים שׁני אדנים תחת הקרשׁ האחד לשׁתי ידתיו ושׁני אדנים תחת הקרשׁ האחד לשׁתי ידתיו
SP: ולצלע המשכן השנית לפאת צפונה עשה עשרים קרשים
MT: ולצלע המשׁכן השׁנית לפאת צפון עשׂה עשׂרים קרשׁים
SP: ושני קרשים עשה למקצעות המשכן בירכתים
MT: ושׁני קרשׁים עשׂה למקצעת המשׁכן בירכתים
SP: והיו תאמים מלמטה יחדו היו תאמים אל ראשו אל הטבעת האחת כן עשה לשניהם לשני המקצעות
MT: והיו תואמם מלמטה ויחדו יהיו תמים אל ראשׁו אל הטבעת האחת כן עשׂה לשׁניהם לשׁני המקצעת
SP: ויעשו בריחי עצי שטים חמשה לקרשי צלע המשכן האחד
MT: ויעשׂ בריחי עצי שׁטים חמשׁה לקרשׁי צלע המשׁכן האחת
SP: וחמשה בריחים לקרשי צלע המשכן השנית וחמשה בריחים לקרשי צלע המשכן לירכתים ימה
MT: וחמשׁה בריחם לקרשׁי צלע המשׁכן השׁנית וחמשׁה בריחם לקרשׁי המשׁכן לירכתים ימה
SP: ויעש את הבריח התיכון לברח בתוך הקרשים מן הקצה אל הקצה
MT: ויעשׂ את הבריח התיכן לברח בתוך הקרשׁים מן הקצה אל הקצה
SP: ואת הקרשים צפה זהב ואת טבעתיהם עשה זהב בתים לבריחים ויצף את הבריחים זהב
MT: ואת הקרשׁים צפה זהב ואת טבעתם עשׂה זהב בתים לבריחם ויצף את הבריחם זהב
SP: ויעש פרכת תכלת וארגמן ותולעת שני ושש משזר מעשה חשב עשה אתה כרובים
MT: ויעשׂ את הפרכת תכלת וארגמן ותולעת שׁני ושׁשׁ משׁזר מעשׂה חשׁב עשׂה אתה כרבים
SP: את עמודיו חמשה ואת וויהם וצפה ראשיהם וחשקיהם זהב ואדניהם חמשה נחשת
MT: ואת עמודיו חמשׁה ואת וויהם וצפה ראשׁיהם וחשׁקיהם זהב ואדניהם חמשׁה נחשׁת
SP: ויעש בצלאל את הארון עצי שטים אמתים וחצי ארכו ואמה וחצי רחבו ואמה וחצי קומתו
MT: ויעשׂ בצלאל את הארן עצי שׁטים אמתים וחצי ארכו ואמה וחצי רחבו ואמה וחצי קמתו
SP: ויצק לו ארבע טבעות זהב על ארבע פעמתיו ושתי טבעות על צלעו האחד ושתי טבעות על צלעו השני
MT: ויצק לו ארבע טבעת זהב על ארבע פעמתיו ושׁתי טבעת על צלעו האחת ושׁתי טבעות על צלעו השׁנית
SP: ויעש בדי עצי שטים ויצף אתם זהב
MT: ויעשׂ בדי עצי שׁטים ויצף אתם זהב
SP: ויבא את הבדים בטבעות על צלעות הארון לשאת את הארון בהם
MT: ויבא את הבדים בטבעת על צלעת הארן לשׂאת את הארן
SP: ויעש כפרת זהב טהור אמתים וחצי ארכו ואמה וחצי רחבו
MT: ויעשׂ כפרת זהב טהור אמתים וחצי ארכה ואמה וחצי רחבה
SP: ויעש שני כרובים זהב מקשה עשה אתם משני קצות הכפרת
MT: ויעשׂ שׁני כרבים זהב מקשׁה עשׂה אתם משׁני קצות הכפרת
SP: כרוב אחד מקצה מזה וכרוב אחד מקצה מזה מן הכפרת עשה את הכרובים משני קצתיו
MT: כרוב אחד מקצה מזה וכרוב אחד מקצה מזה מן הכפרת עשׂה את הכרבים משׁני קצוותו
SP: והיו הכרובים פרשי כנפים למעלה סככים בכנפיהם על הכפרת ופניהם אחד אל אחד אל הכפרת היו פני הכרובים
MT: ויהיו הכרבים פרשׂי כנפים למעלה סככים בכנפיהם על הכפרת ופניהם אישׁ אל אחיו אל הכפרת היו פני הכרבים
SP: ויעש את השלחן עצי שטים אמתים ארכו ואמה רחבו ואמה וחצי קומתו
MT: ויעשׂ את השׁלחן עצי שׁטים אמתים ארכו ואמה רחבו ואמה וחצי קמתו
SP: ויצק ארבע טבעות זהב ויתן את הטבעות על ארבע הפאות אשר לארבע רגליו
MT: ויצק לו ארבע טבעת זהב ויתן את הטבעת על ארבע הפאת אשׁר לארבע רגליו
SP: לעמת המסגרת היו הטבעות בתים לבדים לשאת את השלחן
MT: לעמת המסגרת היו הטבעת בתים לבדים לשׂאת את השׁלחן
SP: ויעש את הכלים אשר על השלחן את קערתיו ואת כפתיו ואת מנקיתיו ואת הקשות אשר יוסך בהם זהב טהור
MT: ויעשׂ את הכלים׀ אשׁר על השׁלחן את קערתיו ואת כפתיו ואת מנקיתיו ואת הקשׂות אשׁר יסך בהן זהב טהור
SP: ויעש את המנורה זהב טהור מקשה עשה את המנורה ירכיה קניה גבעיה כפתריה ופרחיה ממנה היו
MT: ויעשׂ את המנרה זהב טהור מקשׁה עשׂה את המנרה ירכה וקנה גביעיה כפתריה ופרחיה ממנה היו
SP: וששה קנים יוצאים מצדיה שלשה קני מנורה מצדה האחד ושלשה קני מנורה מצדה השני
MT: ושׁשׁה קנים יצאים מצדיה שׁלשׁה׀ קני מנרה מצדה האחד ושׁלשׁה קני מנרה מצדה השׁני
SP: שלשה גבעים משקדים בקנה אחד כפתר ופרח ושלשה גבעים משקדים בקנה אחד כפתר ופרח כן לששת הקנים היוצאים מן המנורה
MT: שׁלשׁה גבעים משׁקדים בקנה האחד כפתר ופרח ושׁלשׁה גבעים משׁקדים בקנה אחד כפתר ופרח כן לשׁשׁת הקנים היצאים מן המנרה
SP: ובמנורה ארבעה גבעים משקדים כפתריה ופרחיה
MT: ובמנרה ארבעה גבעים משׁקדים כפתריה ופרחיה
SP: כפתריהם וקנותם ממנה היו כלה מקשה אחד זהב טהור
MT: כפתריהם וקנתם ממנה היו כלה מקשׁה אחת זהב טהור
SP: ויעש את נרתיה שבעה ומלקחיה ומחתיתיה זהב טהור
MT: ויעשׂ את נרתיה שׁבעה ומלקחיה ומחתתיה זהב טהור
SP: ויעש את מזבח הקטרת עצי שטים אמה ארכו ואמה רחבו רבוע ואמתים קומתו ממנו היו קרנתיו
MT: ויעשׂ את מזבח הקטרת עצי שׁטים אמה ארכו ואמה רחבו רבוע ואמתים קמתו ממנו היו קרנתיו
SP: ושתי טבעות זהב עשה לו מתחת לזרו על שתי צלעתיו על שני צדיו לבתים לבדים לשאת אתו בהם
MT: ושׁתי טבעת זהב עשׂה לו׀ מתחת לזרו על שׁתי צלעתיו על שׁני צדיו לבתים לבדים לשׂאת אתו בהם
SP: ויעש את מזבח העלה עצי שטים חמש אמות ארך וחמש אמות רחב ושלש אמות קומתו
MT: ויעשׂ את מזבח העלה עצי שׁטים חמשׁ אמות ארכו וחמשׁ אמות רחבו רבוע ושׁלשׁ אמות קמתו
SP: ויעש את כל כלי המזבח את הסירות ואת היעים ואת המזרקות ואת המזלגות ואת המחתות כל כליו עשה נחשת
MT: ויעשׂ את כל כלי המזבח את הסירת ואת היעים ואת המזרקת את המזלגת ואת המחתת כל כליו עשׂה נחשׁת
SP: ויצק ארבע טבעות בארבע הקצות למכבר הנחשת בתים לבדים
MT: ויצק ארבע טבעת בארבע הקצות למכבר הנחשׁת בתים לבדים
SP: ויבא את הבדים בטבעות על צלעות המזבח לשאת אתו בהם נבוב לוחת עשה אתו
MT: ויבא את הבדים בטבעת על צלעת המזבח לשׂאת אתו בהם נבוב לחת עשׂה אתו
SP: ויעש את הכיור נחשת ואת כנו נחשת במראות הצבאות אשר צבאו פתח אהל מועד
MT: ויעשׂ את הכיור נחשׁת ואת כנו נחשׁת במראת הצבאת אשׁר צבאו פתח אהל מועד
SP: ויעש את החצר לפאת נגבה תימנה קלעי החצר שש משזר מאה באמה
MT: ויעשׂ את החצר לפאת׀ נגב תימנה קלעי החצר שׁשׁ משׁזר מאה באמה
SP: ועמודיו עשרים ואדניהם עשרים ווי העמודים וחשקיהם כסף
MT: עמודיהם עשׂרים ואדניהם עשׂרים נחשׁת ווי העמדים וחשׁקיהם כסף
SP: ולפאת צפונה מאה באמה עמודיהם עשרים ואדניהם עשרים נחשת ווי העמודים וחשקיהם כסף
MT: ולפאת צפון מאה באמה עמודיהם עשׂרים ואדניהם עשׂרים נחשׁת ווי העמודים וחשׁקיהם כסף
SP: ולפאת ימה קלעים חמשים אמה עמודיהם עשרה ואדניהם עשרה ווי העמודים וחשקיהם כסף
MT: ולפאת ים קלעים חמשׁים באמה עמודיהם עשׂרה ואדניהם עשׂרה ווי העמדים וחשׁוקיהם כסף
SP: ולכתף השנית מזה ומזה לשער החצר קלעים חמש עשרה אמה עמודיהם שלשה ואדניהם שלשה
MT: ולכתף השׁנית מזה ומזה לשׁער החצר קלעים חמשׁ עשׂרה אמה עמדיהם שׁלשׁה ואדניהם שׁלשׁה
SP: והאדנים לעמודים נחשת וויהם כסף וצפוי ראשיהם כסף והם מחשקים כסף לכל עמודי החצר
MT: והאדנים לעמדים נחשׁת ווי העמודים וחשׁוקיהם כסף וצפוי ראשׁיהם כסף והם מחשׁקים כסף כל עמדי החצר
SP: עמודיהם ארבעה ואדניהם ארבעה נחשת וויהם כסף וצפוי ראשיהם וחשקיהם כסף
MT: ועמדיהם ארבעה ואדניהם ארבעה נחשׁת וויהם כסף וצפוי ראשׁיהם וחשׁקיהם כסף
SP: וכל יתדות למשכן ולחצר סביב נחשת
MT: וכל היתדת למשׁכן ולחצר סביב נחשׁת