SP: וזאת התרומה אשר תקחו מאתם זהב כסף ונחשת
MT: וזאת התרומה אשׁר תקחו מאתם זהב וכסף ונחשׁת
SP: תכלת וארגמן ותולעת שני ושש ועזים
MT: ותכלת וארגמן ותולעת שׁני ושׁשׁ ועזים
SP: ועורות אילים מאדמים ועורות תחשים ועצי שטים
MT: וערת אילם מאדמים וערת תחשׁים ועצי שׁטים
SP: ושמן למאור ובשמים לשמן המשחה ולקטרת הסמים
MT: שׁמן למאר בשׂמים לשׁמן המשׁחה ולקטרת הסמים
SP: ואבני שהם ואבני מלאים לאפוד ולחשן
MT: אבני שׁהם ואבני מלאים לאפד ולחשׁן
SP: ועשו לי מקדש ושכנתי בתוככם
MT: ועשׂו לי מקדשׁ ושׁכנתי בתוכם
SP: ככל אשר אני מראה אתך בהר את תבנית המשכן ואת תבנית כל כליו וכן תעשה
MT: ככל אשׁר אני מראה אותך את תבנית המשׁכן ואת תבנית כל כליו וכן תעשׂו
SP: ועשית ארון עצי שטים אמתים וחצי ארכו ואמה וחצי רחבו ואמה וחצי קומתו
MT: ועשׂו ארון עצי שׁטים אמתים וחצי ארכו ואמה וחצי רחבו ואמה וחצי קמתו
SP: וצפית אתו זהב טהור מבית ומחוץ תצפנו ועשית לו זר זהב סביב
MT: וצפית אתו זהב טהור מבית ומחוץ תצפנו ועשׂית עליו זר זהב סביב
SP: ויצקת לו ארבע טבעות זהב ונתתה על ארבע פעמתיו ושתי טבעות על צלעו האחד ושתי טבעות על צלעו השני
MT: ויצקת לו ארבע טבעת זהב ונתתה על ארבע פעמתיו ושׁתי טבעת על צלעו האחת ושׁתי טבעת על צלעו השׁנית
SP: והבאת את הבדים בטבעות על צלעות הארון לשאת את הארון בהם
MT: והבאת את הבדים בטבעת על צלעת הארן לשׂאת את הארן בהם
SP: בטבעות הארון יהיו הבדים לא יסורו ממנו
MT: בטבעת הארן יהיו הבדים לא יסרו ממנו
SP: ונתתה אל הארון את העדות אשר אתן אליך
MT: ונתת אל הארן את העדת אשׁר אתן אליך
SP: ועשית כפרת זהב טהור אמתים וחצי ארכו ואמה וחצי רחבו
MT: ועשׂית כפרת זהב טהור אמתים וחצי ארכה ואמה וחצי רחבה
SP: ועשית שני כרובים זהב מקשה תעשה אתם משני קצות הכפרת יעשו
MT: ועשׂית שׁנים כרבים זהב מקשׁה תעשׂה אתם משׁני קצות הכפרת
SP: כרוב אחד מקצה מזה וכרוב אחד מקצה מזה מן הכפרת תעשה את הכרובים על שני קצתיו
MT: ועשׂה כרוב אחד מקצה מזה וכרוב אחד מקצה מזה מן הכפרת תעשׂו את הכרבים על שׁני קצותיו
SP: והיו הכרובים פרשי כנפים למעלה סככים בכנפיהם על הכפרת ופניהם אחד אל אחד אל הכפרת יהיו פני הכרובים
MT: והיו הכרבים פרשׂי כנפים למעלה סככים בכנפיהם על הכפרת ופניהם אישׁ אל אחיו אל הכפרת יהיו פני הכרבים
SP: ונתתה את הכפרת על הארון מלמעלה ואל הארון תתן את העדות
MT: ונתת את הכפרת על הארן מלמעלה ואל הארן תתן את העדת אשׁר אתן אליך
SP: ונועדתי לך שם ודברתי אתך מעל הכפרת מבין שני הכרובים אשר על ארון העדות את כל אשר אצוה אתך אל בני ישראל
MT: ונועדתי לך שׁם ודברתי אתך מעל הכפרת מבין שׁני הכרבים אשׁר על ארן העדת את כל אשׁר אצוה אותך אל בני ישׂראל
SP: ועשית שלחן עצי שטים אמתים ארכו ואמה רחבו ואמה וחצי קומתו
MT: ועשׂית שׁלחן עצי שׁטים אמתים ארכו ואמה רחבו ואמה וחצי קמתו
SP: ועשית לו ארבע טבעות זהב ונתתה את הטבעות על ארבע הפאות אשר לארבע רגליו
MT: ועשׂית לו ארבע טבעת זהב ונתת את הטבעת על ארבע הפאת אשׁר לארבע רגליו
SP: לעמת המסגרת תהינה הטבעות בתים לבדים לשאת את השלחן
MT: לעמת המסגרת תהיין הטבעת לבתים לבדים לשׂאת את השׁלחן
SP: ועשית את הבדים עצי שטים וצפית אתם זהב ונשאו בהם את השלחן
MT: ועשׂית את הבדים עצי שׁטים וצפית אתם זהב ונשׂא בם את השׁלחן
SP: ועשית את קערתיו וכפתיו ומנקיתיו וקשתיו אשר יסכו בהם זהב טהור תעשה אתם
MT: ועשׂית קערתיו וכפתיו וקשׂותיו ומנקיתיו אשׁר יסך בהן זהב טהור תעשׂה אתם
SP: ונתתה על השלחן לחם פנים לפני תמיד
MT: ונתת על השׁלחן לחם פנים לפני תמיד
SP: ועשית מנורת זהב טהור מקשה תעשה את המנורה ירכיה קניה גביעיה כפתריה ופרחיה ממנה יהיו
MT: ועשׂית מנרת זהב טהור מקשׁה תעשׂה המנורה ירכה וקנה גביעיה כפתריה ופרחיה ממנה יהיו
SP: וששה קנים יוצאים מצדיה שלשה קני מנורה מצדה האחד ושלשה קני מנורה מצדה השני
MT: ושׁשׁה קנים יצאים מצדיה שׁלשׁה׀ קני מנרה מצדה האחד ושׁלשׁה קני מנרה מצדה השׁני
SP: שלשה גבעים משקדים בקנה אחד כפתר ופרח ושלשה גבעים משקדים בקנה אחד כפתר ופרח כן תעשה לששת הקנים היצאים מן המנורה
MT: שׁלשׁה גבעים משׁקדים בקנה האחד כפתר ופרח ושׁלשׁה גבעים משׁקדים בקנה האחד כפתר ופרח כן לשׁשׁת הקנים היצאים מן המנרה
SP: ובמנורה ארבעה גבעים משקדים כפתריה ופרחיה
MT: ובמנרה ארבעה גבעים משׁקדים כפתריה ופרחיה
SP: וכפתר תחת שני הקנים ממנה וכפתר תחת שני הקנים ממנה וכפתר תחת שני הקנים ממנה לששת הקנים היוצאים מן המנורה
MT: וכפתר תחת שׁני הקנים ממנה וכפתר תחת שׁני הקנים ממנה וכפתר תחת שׁני הקנים ממנה לשׁשׁת הקנים היצאים מן המנרה
SP: כפתריהם וקנותם ממנה יהיו כלה מקשה אחד זהב טהור
MT: כפתריהם וקנתם ממנה יהיו כלה מקשׁה אחת זהב טהור
SP: ועשית את נרתיה שבעה והעלית את נרתיה והאירו אל עבר פניה
MT: ועשׂית את נרתיה שׁבעה והעלה את נרתיה והאיר על עבר פניה
SP: ומלקחיה ומחתיתיה זהב טהור
MT: ומלקחיה ומחתתיה זהב טהור
SP: ככר זהב טהור תעשה אתה ואת כל הכלים האלה
MT: ככר זהב טהור יעשׂה אתה את כל הכלים האלה
SP: ואת המשכן תעשה עשר יריעות שש משזר תכלת וארגמן ותולעת שני כרובים מעשה חשב תעשה אתם
MT: ואת המשׁכן תעשׂה עשׂר יריעת שׁשׁ משׁזר ותכלת וארגמן ותלעת שׁני כרבים מעשׂה חשׁב תעשׂה אתם
SP: ארך היריעה האחת שמנה ועשרים באמה ורחב ארבע באמה היריעה האחת מדה אחת לכל היריעות
MT: ארך׀ היריעה האחת שׁמנה ועשׂרים באמה ורחב ארבע באמה היריעה האחת מדה אחת לכל היריעת
SP: וחמש היריעות תהינה חברות אחת אל אחת וחמש היריעות תהינה חברות אחת אל אחת
MT: חמשׁ היריעת תהיין חברת אשׁה אל אחתה וחמשׁ יריעת חברת אשׁה אל אחתה
SP: ועשית ללאות תכלת על שפת היריעה האחת בקצה במחברת וכן תעשה בשפת היריעה הקצונה במחברת השנית
MT: ועשׂית ללאת תכלת על שׂפת היריעה האחת מקצה בחברת וכן תעשׂה בשׂפת היריעה הקיצונה במחברת השׁנית
SP: חמשים ללאות תעשה ביריעה האחת וחמשים ללאות תעשה בקצה היריעה אשר במחברת השנית מקבלות הללאות אחת אל אחת
MT: חמשׁים ללאת תעשׂה ביריעה האחת וחמשׁים ללאת תעשׂה בקצה היריעה אשׁר במחברת השׁנית מקבילת הללאת אשׁה אל אחתה
SP: ועשית חמשים קרסי זהב וחברת את היריעות אחת אל אחת בקרסים והיה המשכן אחד
MT: ועשׂית חמשׁים קרסי זהב וחברת את היריעת אשׁה אל אחתה בקרסים והיה המשׁכן אחד
SP: ועשית יריעות עזים לאהל על המשכן עשתה עשרה יריעות תעשה אתם
MT: ועשׂית יריעת עזים לאהל על המשׁכן עשׁתי עשׂרה יריעת תעשׂה אתם
SP: ארך היריעה האחת שלשים באמה וארבע אמות רחב היריעה האחת מדה אחת לעשתה עשרה היריעות
MT: ארך׀ היריעה האחת שׁלשׁים באמה ורחב ארבע באמה היריעה האחת מדה אחת לעשׁתי עשׂרה יריעת
SP: וחברת את חמש היריעות לבד ואת שש היריעות לבד וכפלת את היריעה הששית אל מול פני האהל
MT: וחברת את חמשׁ היריעת לבד ואת שׁשׁ היריעת לבד וכפלת את היריעה השׁשׁית אל מול פני האהל
SP: ועשית ללאות חמשים על שפת היריעה האחת הקצונה במחברת וחמשים ללאות תעשה על שפת היריעה החברת השנית
MT: ועשׂית חמשׁים ללאת על שׂפת היריעה האחת הקיצנה בחברת וחמשׁים ללאת על שׂפת היריעה החברת השׁנית
SP: ועשית קרסי נחשת חמשים והבאת את הקרסים בללאות וחברת את האהל והיה אחד
MT: ועשׂית קרסי נחשׁת חמשׁים והבאת את הקרסים בללאת וחברת את האהל והיה אחד
SP: וסרח העדף ביריעות האהל חצי היריעה העדפת תסרח אל אחרי המשכן
MT: וסרח העדף ביריעת האהל חצי היריעה העדפת תסרח על אחרי המשׁכן
SP: והאמה מזה והאמה מזה בעדף בארך יריעות האהל יהיה סרוח אל צדי המשכן מזה ומזה לכסותו
MT: והאמה מזה והאמה מזה בעדף בארך יריעת האהל יהיה סרוח על צדי המשׁכן מזה ומזה לכסתו
SP: ועשית מכסה לאהל עורות אילים מאדמים ומכסה עורות תחשים מלמעלה
MT: ועשׂית מכסה לאהל ערת אילם מאדמים ומכסה ערת תחשׁים מלמעלה
SP: עשר אמות ארך הקרש האחד אמה וחצי האמה רחב הקרש האחד
MT: עשׂר אמות ארך הקרשׁ ואמה וחצי האמה רחב הקרשׁ האחד
SP: שתי ידות לקרש האחד משלבות אחת אל אחת כן תעשה לכל קרשי המשכן
MT: שׁתי ידות לקרשׁ האחד משׁלבת אשׁה אל אחתה כן תעשׂה לכל קרשׁי המשׁכן
SP: ועשית את הקרשים למשכן עשרים קרשים לפאת נגבה תימנה
MT: ועשׂית את הקרשׁים למשׁכן עשׂרים קרשׁ לפאת נגבה תימנה
SP: וארבעים אדני כסף תעשה תחת עשרים הקרשים שני אדנים תחת הקרש האחד לשתי יתדתיו ושני אדנים תחת הקרש האחד לשתי יתדתיו
MT: וארבעים אדני כסף תעשׂה תחת עשׂרים הקרשׁ שׁני אדנים תחת הקרשׁ האחד לשׁתי ידתיו ושׁני אדנים תחת הקרשׁ האחד לשׁתי ידתיו
SP: ולצלע המשכן השנית לפאת צפונה תעשה עשרים קרשים
MT: ולצלע המשׁכן השׁנית לפאת צפון עשׂרים קרשׁ
SP: ושני קרשים תעשה למקצעות המשכן בירכתים
MT: ושׁני קרשׁים תעשׂה למקצעת המשׁכן בירכתים
SP: והיו תאמים מלמטה יחדו יהיו תאמים אל ראשו אל הטבעת האחת כן יהיה לשניהם לשני המקצעות יהיו
MT: ויהיו תאמים מלמטה ויחדו יהיו תמים על ראשׁו אל הטבעת האחת כן יהיה לשׁניהם לשׁני המקצעת יהיו
SP: והיו שמנה קרשים ואדניהם כסף ששה עשר אדנים שני אדנים שני אדנים לקרש האחד
MT: והיו שׁמנה קרשׁים ואדניהם כסף שׁשׁה עשׂר אדנים שׁני אדנים תחת הקרשׁ האחד ושׁני אדנים תחת הקרשׁ האחד
SP: ועשית בריחי עצי שטים חמשה לקרשי צלע המשכן האחד
MT: ועשׂית בריחם עצי שׁטים חמשׁה לקרשׁי צלע המשׁכן האחד
SP: וחמשה בריחים לקרשי צלע המשכן השנית וחמשה בריחים לקרשי צלע המשכן לירכתים ימה
MT: וחמשׁה בריחם לקרשׁי צלע המשׁכן השׁנית וחמשׁה בריחם לקרשׁי צלע המשׁכן לירכתים ימה
SP: והבריח התיכון בתוך הקרשים מבריח מן הקצה אל הקצה
MT: והבריח התיכן בתוך הקרשׁים מברח מן הקצה אל הקצה
SP: ואת הקרשים תצפה זהב ואת טבעתיהם תעשה זהב בתים לבריחים וצפית את הבריחים זהב
MT: ואת הקרשׁים תצפה זהב ואת טבעתיהם תעשׂה זהב בתים לבריחם וצפית את הבריחם זהב
SP: והקמת את המשכן כמשפטו אשר הראת בהר
MT: והקמת את המשׁכן כמשׁפטו אשׁר הראית בהר
SP: ועשית פרכת תכלת וארגמן ותולעת שני ושש משזר מעשה חשב יעשו אתה כרובים
MT: ועשׂית פרכת תכלת וארגמן ותולעת שׁני ושׁשׁ משׁזר מעשׂה חשׁב יעשׂה אתה כרבים
SP: ונתתה אתה על ארבעה עמודי שטים מצפים זהב וויהם זהב על ארבע אדני כסף
MT: ונתתה אתה על ארבעה עמודי שׁטים מצפים זהב וויהם זהב על ארבעה אדני כסף
SP: ונתתה את הפרכת תחת הקרסים והבאת שם מבית לפרכת את ארון העדות והבדילה הפרכת לכם בין הקדש ובין קדש הקדשים
MT: ונתתה את הפרכת תחת הקרסים והבאת שׁמה מבית לפרכת את ארון העדות והבדילה הפרכת לכם בין הקדשׁ ובין קדשׁ הקדשׁים
SP: ונתתה את הכפרת על ארון העדות בקדש הקדשים
MT: ונתת את הכפרת על ארון העדת בקדשׁ הקדשׁים
SP: ושמת את השלחן מחוץ לפרכת ואת המנורה נכח השלחן על ירך המשכן תימנה ואת השלחן תתן על צלע צפונה ועשית מזבח מקטיר קטרת עצי שטים תעשה אתו אמה ארכו ואמה רחבו רבוע יהיה ואמתים קומתו ממנו קרנתיו וצפית אתו זהב טהור את גגו ואת קירתיו סביב ואת קרנתיו ועשית לו זר זהב סביב ושתי טבעות זהב תעשה לו מתחת לזרו על שתי צלעתיו תעשה על שני צדיו והיו לבתים לבדים לשאת אתו בהם ועשית את הבדים עצי שטים וצפית אתם זהב ונתתה אתו לפני הפרכת אשר על ארון העדות אשר אועד לך שמה והקטיר עליו אהרן קטרת סמים בבקר בבקר בהטיבו את הנרות יקטירנו ובהעלות אהרן את הנרות בין הערבים יקטירנה קטרת תמיד לפני יהוה לדרתיכם לא תעלו עליו קטרת זרה ועלה ומנחה ונסך לא תסכו עליו וכפר אהרן על קרנתיו אחת בשנה מדם חטאת הכפורים אחת בשנה יכפר עליו לדרתיכם קדש קדשים הוא ליהוה
MT: ושׂמת את השׁלחן מחוץ לפרכת ואת המנרה נכח השׁלחן על צלע המשׁכן תימנה והשׁלחן תתן על צלע צפון
SP: ועשית למסך חמשה עמודי שטים וצפית אתם זהב טהור וויהם זהב ויצקת להם חמשה אדני נחשת
MT: ועשׂית למסך חמשׁה עמודי שׁטים וצפית אתם זהב וויהם זהב ויצקת להם חמשׁה אדני נחשׁת
SP: ועשית מזבח עצי שטים חמש אמות ארך וחמש אמות רחב רבוע יהיה המזבח ושלש אמות קומתו
MT: ועשׂית את המזבח עצי שׁטים חמשׁ אמות ארך וחמשׁ אמות רחב רבוע יהיה המזבח ושׁלשׁ אמות קמתו
SP: ועשית קרנתיו על ארבע פנתיו ממנו תהינה קרנתיו וצפית אתו נחשת
MT: ועשׂית קרנתיו על ארבע פנתיו ממנו תהיין קרנתיו וצפית אתו נחשׁת
SP: ועשית סירתיו לדשנו ויעיו ומזרקתיו ומזלגתיו ומחתיתיו לכל כליו תעשה נחשת
MT: ועשׂית סירתיו לדשׁנו ויעיו ומזרקתיו ומזלגתיו ומחתתיו לכל כליו תעשׂה נחשׁת
SP: ועשית לו מכבר מעשה רשת נחשת ועשית על הרשת ארבע טבעות נחשת על ארבע קצתיו
MT: ועשׂית לו מכבר מעשׂה רשׁת נחשׁת ועשׂית על הרשׁת ארבע טבעת נחשׁת על ארבע קצותיו
SP: ונתתה אתו תחת כרכב המזבח מלמטה והיתה הרשת עד חצי המזבח
MT: ונתתה אתה תחת כרכב המזבח מלמטה והיתה הרשׁת עד חצי המזבח
SP: ועשית בדים למזבח בדי עצי שטים וצפית אתם נחשת
MT: ועשׂית בדים למזבח בדי עצי שׁטים וצפית אתם נחשׁת
SP: והבאת את הבדים בטבעות והיו הבדים על שתי צלעות המזבח בשאת אתו
MT: והובא את בדיו בטבעת והיו הבדים על שׁתי צלעת המזבח בשׂאת אתו
SP: נבוב לוחות תעשה אתו כאשר הראה אתך בהר וכן יעשו
MT: נבוב לחת תעשׂה אתו כאשׁר הראה אתך בהר כן יעשׂו
SP: ועשית את חצר המשכן לפאת נגבה תימנה קלעים לחצר שש משזר מאה באמה ארך לפאה האחת
MT: ועשׂית את חצר המשׁכן לפאת נגב תימנה קלעים לחצר שׁשׁ משׁזר מאה באמה ארך לפאה האחת
SP: ועמודיו עשרים ואדניהם עשרים נחשת וויהם וחשקיהם כסף
MT: ועמדיו עשׂרים ואדניהם עשׂרים נחשׁת ווי העמדים וחשׁקיהם כסף
SP: וכן לפאת צפונה בארך קלעים מאה באמה עמודיהם עשרים ואדניהם עשרים נחשת וויהם וחשקיהם כסף
MT: וכן לפאת צפון בארך קלעים מאה ארך ועמדו עשׂרים ואדניהם עשׂרים נחשׁת ווי העמדים וחשׁקיהם כסף
SP: ורחב החצר לפאת ימה קלעים חמשים אמה עמודיהם עשרה ואדניהם עשרה נחשת
MT: ורחב החצר לפאת ים קלעים חמשׁים אמה עמדיהם עשׂרה ואדניהם עשׂרה
SP: חמש עשרה אמה קלעים לכתף עמודיהם שלשה ואדניהם שלשה נחשת
MT: וחמשׁ עשׂרה אמה קלעים לכתף עמדיהם שׁלשׁה ואדניהם שׁלשׁה
SP: ולפאת השנית חמש עשרה אמה קלעים עמודיהם שלשה ואדניהם שלשה נחשת
MT: ולכתף השׁנית חמשׁ עשׂרה קלעים עמדיהם שׁלשׁה ואדניהם שׁלשׁה
SP: ולשער החצר מסך עשרים אמה תכלת וארגמן ותולעת שני ושש משזר מעשה רקם ועמודיהם ארבעה ואדניהם ארבעה נחשת
MT: ולשׁער החצר מסך׀ עשׂרים אמה תכלת וארגמן ותולעת שׁני ושׁשׁ משׁזר מעשׂה רקם עמדיהם ארבעה ואדניהם ארבעה
SP: ארך החצר מאה באמה ורחב חמשים באמה וקומה חמש אמות שש משזר ואדניהם נחשת
MT: ארך החצר מאה באמה ורחב׀ חמשׁים בחמשׁים וקמה חמשׁ אמות שׁשׁ משׁזר ואדניהם נחשׁת
SP: ועשית את כל כלי המשכן בכל עבדתו ובכל יתדתיו וכל יתדות החצר נחשת ועשית בגדי תכלת וארגמן ותולעת שני לשרת בהם בקדש
MT: לכל כלי המשׁכן בכל עבדתו וכל יתדתיו וכל יתדת החצר נחשׁת