SP: אלה המשפטים אשר תשים לפניהם
MT: ואלה המשׁפטים אשׁר תשׂים לפניהם
SP: כי תקנה עבד עברי שש שנים יעבדך ובשבעית יצא לחפשי חנם
MT: כי תקנה עבד עברי שׁשׁ שׁנים יעבד ובשׁבעת יצא לחפשׁי חנם
SP: אם בגפיו יבוא בגפיו יצא אם בעל אשה הוא ויצאה אשתו עמו
MT: אם בגפו יבא בגפו יצא אם בעל אשׁה הוא ויצאה אשׁתו עמו
SP: אם אדניו יתן לו אשה וילדה לו בנים או בנות האשה וילידיה תהיה לאדניו והוא יצא בגפיו
MT: אם אדניו יתן לו אשׁה וילדה לו בנים או בנות האשׁה וילדיה תהיה לאדניה והוא יצא בגפו
SP: אם אמר יאמר העבד אהבתי את אדני את אשתי ואת בני לא אצא חפשי
MT: ואם אמר יאמר העבד אהבתי את אדני את אשׁתי ואת בני לא אצא חפשׁי
SP: והגישו אדניו אל האלהים והגישו אל הדלת או אל המזוזה ורצע אדניו את אזנו במרצע ועבדו לעולם
MT: והגישׁו אדניו אל האלהים והגישׁו אל הדלת או אל המזוזה ורצע אדניו את אזנו במרצע ועבדו לעלם
SP: אם רעה היא בעיני אדניה אשר לא העידה והפדה לעם נכרי לא ימשל למכרה בבגדו בה
MT: אם רעה בעיני אדניה אשׁר לא יעדה והפדה לעם נכרי לא ימשׁל למכרה בבגדו בה
SP: ואם לבנו יעידנה כמשפט הבנות יעשה לה
MT: ואם לבנו ייעדנה כמשׁפט הבנות יעשׂה לה
SP: ואם אחרת יקח לו שארה כסותה וענתה לא יגרע
MT: אם אחרת יקח לו שׁארה כסותה וענתה לא יגרע
SP: וכי יזיד איש על רעהו להרגו בערמה מעם מזבחי תקחנו למות
MT: וכי יזד אישׁ על רעהו להרגו בערמה מעם מזבחי תקחנו למות
SP: וכי יריבון אנשים והכו איש את רעהו ולא ימות ונפל למשכב
MT: וכי יריבן אנשׁים והכה אישׁ את רעהו באבן או באגרף ולא ימות ונפל למשׁכב
SP: וכי יכה איש את עבדו או את אמתו ומת תחת ידו מות יומת
MT: וכי יכה אישׁ את עבדו או את אמתו בשׁבט ומת תחת ידו נקם ינקם
SP: אך אם יום או יומים יעמד לא יומת כי כספו הוא
MT: אך אם יום או יומים יעמד לא יקם כי כספו הוא
SP: וכי ינצו אנשים ונגפו אשה הרה ויצא ולדה ולא יהיה אסון ענש יענש כאשר ישית עליו בעל האשה ונתן בפללים
MT: וכי ינצו אנשׁים ונגפו אשׁה הרה ויצאו ילדיה ולא יהיה אסון ענושׁ יענשׁ כאשׁר ישׁית עליו בעל האשׁה ונתן בפללים
SP: מכוה תחת מכוה פצע תחת פצע חבורה תחת חבורה
MT: כויה תחת כויה פצע תחת פצע חבורה תחת חבורה
SP: ואם שן עבדו או שן אמתו יפל לחפשי ישלחנו תחת שנו
MT: ואם שׁן עבדו או שׁן אמתו יפיל לחפשׁי ישׁלחנו תחת שׁנו
SP: וכי יכה שור וכל בהמה את איש או את אשה ומת סקל יסקל הבהמה ולא יאכל את בשרו ובעל הבהמה נקיא
MT: וכי יגח שׁור את אישׁ או את אשׁה ומת סקול יסקל השׁור ולא יאכל את בשׂרו ובעל השׁור נקי
SP: ואם בהמה מכה היא מתמול שלשום והועד בבעליו ולא ישמרנו והמית איש או אשה הבהמה תסקל וגם בעליו יומת
MT: ואם שׁור נגח הוא מתמל שׁלשׁם והועד בבעליו ולא ישׁמרנו והמית אישׁ או אשׁה השׁור יסקל וגם בעליו יומת
SP: אם כופר יושת עליו ונתן פדיון נפשו ככל אשר יושת עליו
MT: אם כפר יושׁת עליו ונתן פדין נפשׁו ככל אשׁר יושׁת עליו
SP: או בן יכה או בת כמשפט הזה יעשה לו
MT: או בן יגח או בת יגח כמשׁפט הזה יעשׂה לו
SP: אם עבד תכה הבהמה או אמה כסף שלשים שקלים יתן לאדניו והבהמה תסקל
MT: אם עבד יגח השׁור או אמה כסף׀ שׁלשׁים שׁקלים יתן לאדניו והשׁור יסקל
SP: וכי יפתח איש בור או כי יכרה איש בור ולא יכסנו ונפל שם שור או חמור או כל בהמה
MT: וכי יפתח אישׁ בור או כי יכרה אישׁ בר ולא יכסנו ונפל שׁמה שׁור או חמור
SP: וכי יגף שור איש או כל בהמתו את שור רעהו או את כל בהמתו ומת ומכרו את החי וחצו את כספו וגם את המת יחצון
MT: וכי יגף שׁור אישׁ את שׁור רעהו ומת ומכרו את השׁור החי וחצו את כספו וגם את המת יחצון
SP: או נודע כי בהמה מכה היא מתמול שלשום ולא ישמרנו בעליו שלם ישלם בהמה תחת בהמה והמת יהיה לו
MT: או נודע כי שׁור נגח הוא מתמול שׁלשׁם ולא ישׁמרנו בעליו שׁלם ישׁלם שׁור תחת השׁור והמת יהיה לו
SP: וכי יגנב איש שור או שה וטבחו או מכרו חמשה בקר ישלם תחת השור וארבע צאן תחת השה
MT: כי יגנב אישׁ שׁור או שׂה וטבחו או מכרו חמשׁה בקר ישׁלם תחת השׁור וארבע צאן תחת השׂה
SP: אם במחתרת ימצא הגנב והכהו ומת אין לו דם
MT: אם במחתרת ימצא הגנב והכה ומת אין לו דמים
SP: אם זרחה השמש עליו דם לו שלם ישלם אם אין לו ונמכר בגנבתו
MT: אם זרחה השׁמשׁ עליו דמים לו שׁלם ישׁלם אם אין לו ונמכר בגנבתו
SP: אם המצא תמצא בידו הגנבה משור עד חמור עד שה עד כל בהמה חיים אחד שנים ישלם
MT: אם המצא תמצא בידו הגנבה משׁור עד חמור עד שׂה חיים שׁנים ישׁלם
SP: וכי יבעיר איש שדה או כרם ושלח את בעירו ובער בשדה אחר שלם ישלם משדהו כתבואתה ואם כל השדה יבעה מיטב שדהו ומיטב כרמו ישלם
MT: כי יבער אישׁ שׂדה או כרם ושׁלח את בעירה ובער בשׂדה אחר מיטב שׂדהו ומיטב כרמו ישׁלם
SP: כי תצא אש ומצאה קוצים ונאכל גדיש או הקמה או שדה שלם ישלם המבעיר את הבעירה
MT: כי תצא אשׁ ומצאה קצים ונאכל גדישׁ או הקמה או השׂדה שׁלם ישׁלם המבער את הבערה
SP: וכי יתן איש אל רעהו כסף או כלים לשמר ונגנב מבית האיש אם ימצא הגנב ושלם אחד שנים
MT: כי יתן אישׁ אל רעהו כסף או כלים לשׁמר וגנב מבית האישׁ אם ימצא הגנב ישׁלם שׁנים
SP: ואם לא ימצא הגנב ונקרב בעל הבית אל האלהים אם לא שלח ידו במלאכת רעהו
MT: אם לא ימצא הגנב ונקרב בעל הבית אל האלהים אם לא שׁלח ידו במלאכת רעהו
SP: על כל דבר פשע על שור על חמור על שה על שמלה על כל האבדה אשר יאמר כי הוא זה עד יהוה יבוא דבר שניהם אשר ירשיענו האלהים ישלם אחד שנים לרעהו
MT: על כל דבר פשׁע על שׁור על חמור על שׂה על שׂלמה על כל אבדה אשׁר יאמר כי הוא זה עד האלהים יבא דבר שׁניהם אשׁר ירשׁיען אלהים ישׁלם שׁנים לרעהו
SP: וכי יתן איש אל רעהו חמור או שור או שה או כל בהמה לשמר ומת או נשבר או נשבה אין ראה
MT: כי יתן אישׁ אל רעהו חמור או שׁור או שׂה וכל בהמה לשׁמר ומת או נשׁבר או נשׁבה אין ראה
SP: שבועת יהוה תהיה בין שניהם אם לא שלח ידו במלאכת רעהו ולקח בעליו ולא ישלם
MT: שׁבעת יהוה תהיה בין שׁניהם אם לא שׁלח ידו במלאכת רעהו ולקח בעליו ולא ישׁלם
SP: אם גנב יגנב מעמו ושלם לבעליו
MT: ואם גנב יגנב מעמו ישׁלם לבעליו
SP: אם טרף יטרף יביא עד הטרפה ולא ישלם
MT: אם טרף יטרף יבאהו עד הטרפה לא ישׁלם
SP: אם בעליו עמו לא ישלם אם שכיר הוא ובא בשכרו
MT: אם בעליו עמו לא ישׁלם אם שׂכיר הוא בא בשׂכרו
SP: ואם מאן ימאן אביה לתתה לו כסף ישקל כמהר הבתולות
MT: אם מאן ימאן אביה לתתה לו כסף ישׁקל כמהר הבתולת
SP: זבח לאלהים אחרים יחרם
MT: זבח לאלהים יחרם בלתי ליהוה לבדו
SP: וגר לא תונו ולא תלחצו כי גרים הייתם בארץ מצרים
MT: וגר לא תונה ולא תלחצנו כי גרים הייתם בארץ מצרים
SP: כל אלמנה ויתום לא תענו
MT: כל אלמנה ויתום לא תענון
SP: כי אם ענה תענו אתו כי אם צעק יצעק אלי שמע אשמע צעקתו
MT: אם ענה תענה אתו כי אם צעק יצעק אלי שׁמע אשׁמע צעקתו
SP: וחרה אפי והרגתי אתכם בחרב והיו נשיכם אלמנות ובניכם יתומים
MT: וחרה אפי והרגתי אתכם בחרב והיו נשׁיכם אלמנות ובניכם יתמים
SP: אם כסף תלוה את עמי את עני עמך לא תהיה לו כנשא לא תשימנו עליו נשך
MT: אם כסף׀ תלוה את עמי את העני עמך לא תהיה לו כנשׁה לא תשׂימון עליו נשׁך
SP: אם חבל תחבל את שמלת רעך עד בא השמש תשיבנה לו
MT: אם חבל תחבל שׂלמת רעך עד בא השׁמשׁ תשׁיבנו לו
SP: כי היא כסותו לבדה היא שמלתו לעורו במה ישכב והיה כי יצעק אלי ושמעתי כי חנון אנכי
MT: כי הוא כסותה לבדה הוא שׂמלתו לערו במה ישׁכב והיה כי יצעק אלי ושׁמעתי כי חנון אני
SP: מליתך ודמעך לא תאחר בכור בניך תתן לי
MT: מלאתך ודמעך לא תאחר בכור בניך תתן לי
SP: כן תעשה לשורך ולצאנך שבעת ימים יהיה עם אמו וביום השמיני תתננו לי
MT: כן תעשׂה לשׁרך לצאנך שׁבעת ימים יהיה עם אמו ביום השׁמיני תתנו לי
SP: ואנשי קדש תהיו לי ובשר בשדה טרפה לא תאכלו השליך תשליכו אתו
MT: ואנשׁי קדשׁ תהיון לי ובשׂר בשׂדה טרפה לא תאכלו לכלב תשׁלכון אתו
SP: לא תשא שמע שוא אל תשית ידך עם רשע להיות עד חמס
MT: לא תשׂא שׁמע שׁוא אל תשׁת ידך עם רשׁע להית עד חמס
SP: לא תהיה אחרי רבים לרעות ולא תענה על ריב לנטות אחרי רבים להטות
MT: לא תהיה אחרי רבים לרעת ולא תענה על רב לנטת אחרי רבים להטת
SP: כי תפגע שור איבך או חמורו או כל בהמתו תעה השב תשיבנו לו
MT: כי תפגע שׁור איבך או חמרו תעה השׁב תשׁיבנו לו
SP: לא תטה משפט אביונך בריבו
MT: לא תטה משׁפט אבינך בריבו
SP: מדבר שקר תרחק ונקיא וצדיק אל תהרג כי לא הצדיק רשע
MT: מדבר שׁקר תרחק ונקי וצדיק אל תהרג כי לא אצדיק רשׁע
SP: ושחד אל תקח כי השחד יעור עיני פקחים ויסלף דברי צדקים
MT: ושׁחד לא תקח כי השׁחד יעור פקחים ויסלף דברי צדיקים
SP: וגר לא תלחצו ואתם ידעתם את נפש הגר כי גרים הייתם בארץ מצרים
MT: וגר לא תלחץ ואתם ידעתם את נפשׁ הגר כי גרים הייתם בארץ מצרים
SP: והשביעית תשמטנה ונטשתה ואכלו אביוני עמך ויתרם תאכל חית השדה כן תעשה לכרמך ולזיתיך
MT: והשׁביעת תשׁמטנה ונטשׁתה ואכלו אביני עמך ויתרם תאכל חית השׂדה כן תעשׂה לכרמך לזיתך
SP: ששת ימים תעשה מעשיך וביום השביעי תשבת למען ינוח עבדך ואמתך כמוך וכל בהמתך והגר
MT: שׁשׁת ימים תעשׂה מעשׂיך וביום השׁביעי תשׁבת למען ינוח שׁורך וחמרך וינפשׁ בן אמתך והגר
SP: וכל אשר אמרתי אליכם תשמרו ושם אלהים אחרים לא תזכר ולא ישמעו על פיך
MT: ובכל אשׁר אמרתי אליכם תשׁמרו ושׁם אלהים אחרים לא תזכירו לא ישׁמע על פיך
SP: את חג המצות תשמר שבעת ימים תאכל מצות כאשר צויתיך למועד חדש האביב כי בו יצאת ממצרים ולא יראו פני רקים
MT: את חג המצות תשׁמר שׁבעת ימים תאכל מצות כאשׁר צויתך למועד חדשׁ האביב כי בו יצאת ממצרים ולא יראו פני ריקם
SP: שלש פעמים בשנה יראה כל זכורך את פני הארון יהוה
MT: שׁלשׁ פעמים בשׁנה יראה כל זכורך אל פני האדן׀ יהוה
SP: ראשית בכורי אדמתך תביא ביתה יהוה אלהיך לא תבשל גדי בחלב אמו כי עשה זאת כזבח שכח ועברה היא לאלהי יעקב
MT: ראשׁית בכורי אדמתך תביא בית יהוה אלהיך לא תבשׁל גדי בחלב אמו
SP: הנה אנכי שלח מלאכי לפניך לשמרך בדרך ולהביאך אל המקום אשר הכנתי
MT: הנה אנכי שׁלח מלאך לפניך לשׁמרך בדרך ולהביאך אל המקום אשׁר הכנתי
SP: השמר מפניו ושמע בקולו אל תמרי בו כי לא ישא לפשעכם כי שמי בקרבו
MT: השׁמר מפניו ושׁמע בקלו אל תמר בו כי לא ישׂא לפשׁעכם כי שׁמי בקרבו
SP: כי אם שמע תשמעו בקולי ועשיתם את כל אשר אדבר ואיבתי את איביך וצרתי את צרריך
MT: כי אם שׁמע תשׁמע בקלו ועשׂית כל אשׁר אדבר ואיבתי את איביך וצרתי את צרריך
SP: כי ילך מלאכי לפניך והביאך אל הכנעני והאמרי והחתי והגרגשי והפרזי והחוי והיבוסי והכחדתיו
MT: כי ילך מלאכי לפניך והביאך אל האמרי והחתי והפרזי והכנעני החוי והיבוסי והכחדתיו
SP: לא תשתחוי לאלהיהם ולא תעבדם ולא תעשה כמעשיהם כי הרס תהרסם ושבר תשבר מצבתיהם
MT: לא תשׁתחוה לאלהיהם ולא תעבדם ולא תעשׂה כמעשׂיהם כי הרתהרסם ושׁבר תשׁבר מצבתיהם
SP: ולא תהיה משכלה ועקרה בארצך את מספר ימיך אמלא
MT: לא תהיה משׁכלה ועקרה בארצך את מספר ימיך אמלא
SP: את אימתי אשלח לפניך והמתי את כל העם אשר תבוא בהן ונתתי את כל איביך אליך ערף
MT: את אימתי אשׁלח לפניך והמתי את כל העם אשׁר תבא בהם ונתתי את כל איביך אליך ערף
SP: ושלחתי את הצרעה לפניך וגרשה את הכנעני ואת האמרי ואת החתי ואת הגרגשי ואת הפרזי ואת החוי ואת היבוסי מלפניך
MT: ושׁלחתי את הצרעה לפניך וגרשׁה את החוי את הכנעני ואת החתי מלפניך
SP: ושתי את גבולך מים סוף ועד ים פלשתים וממדבר עד הנהר כי אתן בידכם את ישבי הארץ וגרשתים מפניך
MT: ושׁתי את גבלך מים סוף ועד ים פלשׁתים וממדבר עד הנהר כי׀ אתן בידכם את ישׁבי הארץ וגרשׁתמו מפניך
SP: לא ישבו בארצך פן יחטיאו אתך לי כי תעבד את אלהיהם כי יהיו לך למוקש
MT: לא ישׁבו בארצך פן יחטיאו אתך לי כי תעבד את אלהיהם כי יהיה לך למוקשׁ
SP: ואל משה אמר עלה אל יהוה אתה ואהרן נדב ואביהוא אלעזר ואיתמר ושבעים מזקני ישראל והשתחויתם מרחק
MT: ואל משׁה אמר עלה אל יהוה אתה ואהרן נדב ואביהוא ושׁבעים מזקני ישׂראל והשׁתחויתם מרחק
SP: ונגש משה לבדו אל יהוה והם לא יגשו והעם לא יעלה עמו
MT: ונגשׁ משׁה לבדו אל יהוה והם לא יגשׁו והעם לא יעלו עמו
SP: ויבא משה ויספר לעם את כל דברי יהוה ואת כל המשפטים ויענו כל העם קול אחד ויאמרו כל הדברים אשר דבר יהוה נעשה
MT: ויבא משׁה ויספר לעם את כל דברי יהוה ואת כל המשׁפטים ויען כל העם קול אחד ויאמרו כל הדברים אשׁר דבר יהוה נעשׂה
SP: ויכתב משה את כל דברי יהוה וישכם בבקר ויבן מזבח תחת ההר ושתים עשרה אבנים לשנים עשר שבטי ישראל
MT: ויכתב משׁה את כל דברי יהוה וישׁכם בבקר ויבן מזבח תחת ההר ושׁתים עשׂרה מצבה לשׁנים עשׂר שׁבטי ישׂראל
SP: וישלח את נערי בני ישראל ויעלו עלות ויזבחו זבחים שלמים ליהוה פרים בני בקר
MT: וישׁלח את נערי בני ישׂראל ויעלו עלת ויזבחו זבחים שׁלמים ליהוה פרים
SP: ויקח משה חצי הדם וישם באגנות וחצי הדם זרק על המזבח
MT: ויקח משׁה חצי הדם וישׂם באגנת וחצי הדם זרק על המזבח
SP: ויקח ספר הברית ויקרא באזני העם ויאמרו כל אשר דבר יהוה נשמע ונעשה
MT: ויקח ספר הברית ויקרא באזני העם ויאמרו כל אשׁר דבר יהוה נעשׂה ונשׁמע
SP: ויקח משה את הדם ויזרקהו על העם ויאמר הנה דם הברית אשר כרת יהוה עמכם על כל הדברים האלה
MT: ויקח משׁה את הדם ויזרק על העם ויאמר הנה דם הברית אשׁר כרת יהוה עמכם על כל הדברים האלה
SP: ויעל משה ואהרן נדב ואביהוא אלעזר ואיתמר ושבעים מזקני ישראל
MT: ויעל משׁה ואהרן נדב ואביהוא ושׁבעים מזקני ישׂראל
SP: ויראו את אלהי ישראל ותחת רגליו כמעשה לבנת הספיר וכעצם השמים לטהור
MT: ויראו את אלהי ישׂראל ותחת רגליו כמעשׂה לבנת הספיר וכעצם השׁמים לטהר
SP: ואל אצלי בני ישראל לא שלח ידו ויאחזו את האלהים ויאכלו וישתו
MT: ואל אצילי בני ישׂראל לא שׁלח ידו ויחזו את האלהים ויאכלו וישׁתו
SP: ויאמר יהוה אל משה עלה אלי ההרה והוי שם ואתן לך את לוחת האבנים התורה והמצוה אשר כתבתי להורתם
MT: ויאמר יהוה אל משׁה עלה אלי ההרה והיה שׁם ואתנה לך את לחת האבן והתורה והמצוה אשׁר כתבתי להורתם
SP: ואל הזקנים אמר שבו לנו בזה עד אשר נשוב אליכם הנה אהרן וחור עמכם מי בעל דברים יגש אליהם
MT: ואל הזקנים אמר שׁבו לנו בזה עד אשׁר נשׁוב אליכם והנה אהרן וחור עמכם מי בעל דברים יגשׁ אלהם