SP: ויהי בשלח פרעה את העם ולא נחם אלהים דרך ארץ פלשתים כי קרוב הוא כי אמר אלהים פן ינחם העם בראותם מלחמה ושבו מצרימה
MT: ויהי בשׁלח פרעה את העם ולא נחם אלהים דרך ארץ פלשׁתים כי קרוב הוא כי׀ אמר אלהים פן ינחם העם בראתם מלחמה ושׁבו מצרימה
SP: ויסב אלהים את העם דרך מדבר ים סוף וחמישים עלו בני ישראל מארץ מצרים
MT: ויסב אלהים׀ את העם דרך המדבר ים סוף וחמשׁים עלו בני ישׂראל מארץ מצרים
SP: ויקח משה את עצמות יוסף עמו כי השבע השביע יוסף את בני ישראל לאמר פקד יפקד אלהים אתכם והעליתם את עצמתי מזה אתכם
MT: ויקח משׁה את עצמות יוסף עמו כי השׁבע השׁביע את בני ישׂראל לאמר פקד יפקד אלהים אתכם והעליתם את עצמתי מזה אתכם
SP: ויסעו מסכות ויחנו באתם אשר בקצה המדבר
MT: ויסעו מסכת ויחנו באתם בקצה המדבר
SP: ויהוה הלך לפניהם יומם בעמוד ענן נחתם דרך ולילה בעמוד אש להאיר להם ללכת יומם ולילה
MT: ויהוה הלך לפניהם יומם בעמוד ענן לנחתם הדרך ולילה בעמוד אשׁ להאיר להם ללכת יומם ולילה
SP: לא ימוש עמוד הענן יומם ועמוד אש לילה לפני העם
MT: לא ימישׁ עמוד הענן יומם ועמוד האשׁ לילה לפני העם
SP: דבר אל בני ישראל וישובו ויחנו לפני פי החירת בין מגדל ובין הים לפני בעל צפון נכחו תחנו על הים
MT: דבר אל בני ישׂראל וישׁבו ויחנו לפני פי החירת בין מגדל ובין הים לפני בעל צפן נכחו תחנו על הים
SP: והחזקתי את לב פרעה ורדף אחריהם ואכבדה בפרעה ובכל חילו וידעו מצרים כי אני יהוה ויעשו כן
MT: וחזקתי את לב פרעה ורדף אחריהם ואכבדה בפרעה ובכל חילו וידעו מצרים כי אני יהוה ויעשׂו כן
SP: ויגד למלך מצרים כי ברח העם ויהפך לב פרעה ועבדיו על העם ויאמרו מה זאת עשינו כי שלחנו את ישראל מעבדנו
MT: ויגד למלך מצרים כי ברח העם ויהפך לבב פרעה ועבדיו אל העם ויאמרו מה זאת עשׂינו כי שׁלחנו את ישׂראל מעבדנו
SP: ויקח שש מאות רכב בחור וכל רכב מצרים ושלישים על כלו
MT: ויקח שׁשׁ מאות רכב בחור וכל רכב מצרים ושׁלשׁם על כלו
SP: ויחזק יהוה את לב פרעה מלך מצרים וירדף אחרי בני ישראל ובני ישראל יוצאים ביד רמה
MT: ויחזק יהוה את לב פרעה מלך מצרים וירדף אחרי בני ישׂראל ובני ישׂראל יצאים ביד רמה
SP: וירדפו מצרים אחריהם וישגו אתם חנים על הים כל סוס רכב פרעה ופרשיו וחילו על פי החירת לפני בעל צפון
MT: וירדפו מצרים אחריהם וישׂיגו אותם חנים על הים כל סורכב פרעה ופרשׁיו וחילו על פי החירת לפני בעל צפן
SP: ופרעה הקריב וישאו בני ישראל את עיניהם ויראו והנה מצרים נסעים אחריהם וייראו מאד ויצעקו בני ישראל אל יהוה
MT: ופרעה הקריב וישׂאו בני ישׂראל את עיניהם והנה מצרים׀ נסע אחריהם וייראו מאד ויצעקו בני ישׂראל אל יהוה
SP: הלוא זה הדבר אשר דברנו אליך במצרים לאמר חדל נא ממנו ונעבדה את מצרים כי טוב לנו עבד את מצרים ממותנו במדבר
MT: הלא זה הדבר אשׁר דברנו אליך במצרים לאמר חדל ממנו ונעבדה את מצרים כי טוב לנו עבד את מצרים ממתנו במדבר
SP: ויאמר משה אל העם אל תיראו התיצבו וראו את ישועת יהוה אשר יעשה לכם היום כי כאשר ראיתם את מצרים היום לא תוסיפון לראותם עוד עד עולם
MT: ויאמר משׁה אל העם אל תיראו התיצבו וראו את ישׁועת יהוה אשׁר יעשׂה לכם היום כי אשׁר ראיתם את מצרים היום לא תסיפו לראתם עוד עד עולם
SP: ואני הנני מחזיק את לב מצרים ויבאו אחריהם ואכבדה בפרעה ובכל חילו ברכבו ובפרשיו
MT: ואני הנני מחזק את לב מצרים ויבאו אחריהם ואכבדה בפרעה ובכל חילו ברכבו ובפרשׁיו
SP: וידעו כל מצרים כי אני יהוה בהכבדי בפרעה ובכל חילו ברכבו ובפרשיו
MT: וידעו מצרים כי אני יהוה בהכבדי בפרעה ברכבו ובפרשׁיו
SP: ויבא בין מחנה מצרים ובין מחנה ישראל ויהי הענן החשך ויאר את הלילה ולא קרב זה אל זה כל הלילה
MT: ויבא בין׀ מחנה מצרים ובין מחנה ישׂראל ויהי הענן והחשׁך ויאר את הלילה ולא קרב זה אל זה כל הלילה
SP: ויט משה את ידו על הים ויולך יהוה את הים ברוח קדים עזה כל הלילה וישם את הים לחרבה ויבקעו המים
MT: ויט משׁה את ידו על הים ויולך יהוה׀ את הים ברוח קדים עזה כל הלילה וישׂם את הים לחרבה ויבקעו המים
SP: ויבאו בני ישראל בתוך הים ביבשה והמים להם חומה מימינם ומשמאלם
MT: ויבאו בני ישׂראל בתוך הים ביבשׁה והמים להם חמה מימינם ומשׂמאלם
SP: ויהי באשמרת הבקר וישקף יהוה על מחנה מצרים בעמוד אש וענן ויהם את מחנה מצרים
MT: ויהי באשׁמרת הבקר וישׁקף יהוה אל מחנה מצרים בעמוד אשׁ וענן ויהם את מחנה מצרים
SP: ויאסר את אפן מרכבתיו וינהגהו בכבודות ויאמרו מצרים אנוסה מפני ישראל כי יהוה הנלחם להם במצרים
MT: ויסר את אפן מרכבתיו וינהגהו בכבדת ויאמר מצרים אנוסה מפני ישׂראל כי יהוה נלחם להם במצרים
SP: ויאמר יהוה אל משה נטה את ידך על הים וישובו המים על מצרים על רכבו ועל פרשיו
MT: ויאמר יהוה אל משׁה נטה את ידך על הים וישׁבו המים על מצרים על רכבו ועל פרשׁיו
SP: ויט משה את ידו על הים וישב הים לפנות הבקר לאיתנו ומצרים נסעים לקראתו וינער יהוה את מצרים תוך הים
MT: ויט משׁה את ידו על הים וישׁב הים לפנות בקר לאיתנו ומצרים נסים לקראתו וינער יהוה את מצרים בתוך הים
SP: וישובו המים ויכסו את הרכב ואת הפרשים לכל חיל פרעה הבאים אחריהם בים לא נשאר בהם עד אחד
MT: וישׁבו המים ויכסו את הרכב ואת הפרשׁים לכל חיל פרעה הבאים אחריהם בים לא נשׁאר בהם עד אחד
SP: ובני ישראל הלכו ביבשה בתוך הים והמים להם חומה מימינם ומשמאלם
MT: ובני ישׂראל הלכו ביבשׁה בתוך הים והמים להם חמה מימינם ומשׂמאלם
SP: ויושיע יהוה ביום ההוא את ישראל מיד מצרים וירא ישראל את מצרים מת על שפת הים
MT: ויושׁע יהוה ביום ההוא את ישׂראל מיד מצרים וירא ישׂראל את מצרים מת על שׂפת הים
SP: וירא ישראל את היד הגדלה אשר עשה יהוה במצרים וייראו העם את יהוה ויאמנו ביהוה ובמשה עבדו
MT: וירא ישׂראל את היד הגדלה אשׁר עשׂה יהוה במצרים וייראו העם את יהוה ויאמינו ביהוה ובמשׁה עבדו
SP: אז ישר משה ובני ישראל את השירה הזאת ליהוה ויאמרו לאמר אשירו ליהוה כי גוי גאה סוס ורכבו רמה בים
MT: אז ישׁיר משׁה ובני ישׂראל את השׁירה הזאת ליהוה ויאמרו לאמר אשׁירה ליהוה כי גאה גאה סוורכבו רמה בים
SP: עזי וזמרתי ויהי לי לישועה זה אלי ואנוהו אלהי אבי וארממנהו
MT: עזי וזמרת יה ויהי לי לישׁועה זה אלי ואנוהו אלהי אבי וארממנהו
SP: יהוה גיבור במלחמה יהוה שמו
MT: יהוה אישׁ מלחמה יהוה שׁמו
SP: מרכבת פרעה וחיליו ירא בים ומבחר שלישיו טבעו בים סוף
MT: מרכבת פרעה וחילו ירה בים ומבחר שׁלשׁיו טבעו בים סוף
SP: תהומות יכסמו ירדו במצלות כמו אבן
MT: תהמת יכסימו ירדו במצולת כמו אבן
SP: ימינך יהוה נדארי בכח ימינך יהוה תרעץ אויב
MT: ימינך יהוה נאדרי בכח ימינך יהוה תרעץ אויב
SP: וברב גאניך תהרס קמיך תשלח חרונך יאכלמו כקש
MT: וברב גאונך תהרקמיך תשׁלח חרנך יאכלמו כקשׁ
SP: וברוח אפך נערמו מים נצבו כמו נד נזלים קפאו תהומות בלב ים
MT: וברוח אפיך נערמו מים נצבו כמו נד נזלים קפאו תהמת בלב ים
SP: נשבת ברוחך כסמו ים צללו כעופרת במים אדירים
MT: נשׁפת ברוחך כסמו ים צללו כעופרת במים אדירים
SP: מי כמוך באלים יהוה מי כמוך נדארי בקדש נורא תהלת עשה פלאה
MT: מי כמכה באלם יהוה מי כמכה נאדר בקדשׁ נורא תהלת עשׂה פלא
SP: נטית ימינך תבלעמו הארץ
MT: נטית ימינך תבלעמו ארץ
SP: נחית בחסדך עם זה גאלת נחלת בעזך אל נוה קדשך
MT: נחית בחסדך עם זו גאלת נהלת בעזך אל נוה קדשׁך
SP: שמעו עמים וירגזו חיל אחז ישבי פלשת
MT: שׁמעו עמים ירגזון חיל אחז ישׁבי פלשׁת
SP: תפל עליהם אימה ופחד ובגדול זרועך ידמאו כאבן עד יעבר עמך יהוה עד יעבר עם זה קנית
MT: תפל עליהם אימתה ופחד בגדל זרועך ידמו כאבן עד יעבר עמך יהוה עד יעבר עם זו קנית
SP: תביאמו ותטעמו בהר נחלתך מכון לשבתך פעלת יהוה מקדש יהוה כוננו ידך
MT: תבאמו ותטעמו בהר נחלתך מכון לשׁבתך פעלת יהוה מקדשׁ אדני כוננו ידיך
SP: יהוה ימלך עולם ועוד
MT: יהוה׀ ימלך לעלם ועד
SP: כי בא סוס פרעה ברכבו ובפרשיו בים וישב יהוה עליהם את מי הים ובני ישראל הלכו ביבשה בתוך הים
MT: כי בא סופרעה ברכבו ובפרשׁיו בים וישׁב יהוה עלהם את מי הים ובני ישׂראל הלכו ביבשׁה בתוך הים
SP: ותקח מרים הנביאה אחות אהרן את התף בידה ותצאנה כל הנשים אחריה בתפים ובמחלות
MT: ותקח מרים הנביאה אחות אהרן את התף בידה ותצאן כל הנשׁים אחריה בתפים ובמחלת
SP: ותען להם מרים שירו ליהוה כי גוי גאה סוס ורכבו רמה בים
MT: ותען להם מרים שׁירו ליהוה כי גאה גאה סוורכבו רמה בים
SP: ויסע משה את ישראל מים סוף ויוציאהו אל מדבר שור וילכו דרך שלשת ימים במדבר ולא מצאו מים
MT: ויסע משׁה את ישׂראל מים סוף ויצאו אל מדבר שׁור וילכו שׁלשׁת ימים במדבר ולא מצאו מים
SP: ויבאו מרתה ולא יכלו לשתות מים ממרה כי מרים הם על כן קרא שמה מרה
MT: ויבאו מרתה ולא יכלו לשׁתת מים ממרה כי מרים הם על כן קרא שׁמה מרה
SP: וילן העם על משה לאמר מה נשתה
MT: וילנו העם על משׁה לאמר מה נשׁתה
SP: ויצעק משה אל יהוה ויראהו יהוה עץ וישלך אל המים וימתקו המים שם שם לו חק ומשפט ושם נסהו
MT: ויצעק אל יהוה ויורהו יהוה עץ וישׁלך אל המים וימתקו המים שׁם שׂם לו חק ומשׁפט ושׁם נסהו
SP: ויאמר אם שמע תשמע לקול יהוה אלהיך והישר בעיניו תעשה והאזנת למצותיו ושמרת כל חקיו כל המחלה אשר שמתי במצרים לא אשים עליך כי אני יהוה רפאך
MT: ויאמר אם שׁמוע תשׁמע לקול׀ יהוה אלהיך והישׁר בעיניו תעשׂה והאזנת למצותיו ושׁמרת כל חקיו כל המחלה אשׁר שׂמתי במצרים לא אשׂים עליך כי אני יהוה רפאך
SP: ויבאו אילים ובאילים שתים עשרה עינות מים ושבעים תמרים ויחנו שם על המים
MT: ויבאו אילמה ושׁם שׁתים עשׂרה עינת מים ושׁבעים תמרים ויחנו שׁם על המים
SP: ויסעו מאילים ויבאו כל עדת בני ישראל אל מדבר סין אשר בין אילים ובין סיני בחמשה עשר יום לחדש השני לצאתם מארץ מצרים
MT: ויסעו מאילם ויבאו כל עדת בני ישׂראל אל מדבר סין אשׁר בין אילם ובין סיני בחמשׁה עשׂר יום לחדשׁ השׁני לצאתם מארץ מצרים
SP: וילנו כל עדת בני ישראל על משה ועל אהרן במדבר
MT: וילינו כל עדת בני ישׂראל על משׁה ועל אהרן במדבר
SP: ויאמרו אליהם בני ישראל מי יתן מותנו ביד יהוה בארץ מצרים בשבתנו על סיר הבשר באכלנו לחם לשבע כי הוצאתם אתנו אל המדבר הזה להמית את כל הקהל הזה ברעב
MT: ויאמרו אלהם בני ישׂראל מי יתן מותנו ביד יהוה בארץ מצרים בשׁבתנו על סיר הבשׂר באכלנו לחם לשׂבע כי הוצאתם אתנו אל המדבר הזה להמית את כל הקהל הזה ברעב
SP: ויאמר יהוה אל משה הנני ממטיר לכם לחם מן השמים ויצא העם ולקטו דבר יום ביומו למען אנסנו הילכו בתורותי אם לא
MT: ויאמר יהוה אל משׁה הנני ממטיר לכם לחם מן השׁמים ויצא העם ולקטו דבר יום ביומו למען אנסנו הילך בתורתי אם לא
SP: והיה ביום הששי והכינו את אשר יביאו והיה משנה על אשר ילקטו יום ויום
MT: והיה ביום השׁשׁי והכינו את אשׁר יביאו והיה משׁנה על אשׁר ילקטו יום׀ יום
SP: ובקר וראיתם את כבוד יהוה בשמעו את תלנתיכם על יהוה ואנחנו מה כי תלנו עלינו
MT: ובקר וראיתם את כבוד יהוה בשׁמעו את תלנתיכם על יהוה ונחנו מה כי תלונו עלינו
SP: ויאמר משה בתת יהוה לכם בערב בשר לאכל ולחם בבקר לשבע בשמע יהוה את תלנתיכם אשר אתם מלנים עליו ואנחנו מה לא עלינו תלנתיכם כי על יהוה
MT: ויאמר משׁה בתת יהוה לכם בערב בשׂר לאכל ולחם בבקר לשׂבע בשׁמע יהוה את תלנתיכם אשׁר אתם מלינם עליו ונחנו מה לא עלינו תלנתיכם כי על יהוה
SP: שמעתי את תלנות בני ישראל דבר אליהם לאמר בין הערבים תאכלו בשר ובבקר תשבעו לחם וידעתם כי אני יהוה אלהיכם
MT: שׁמעתי את תלונת בני ישׂראל דבר אלהם לאמר בין הערבים תאכלו בשׂר ובבקר תשׂבעו לחם וידעתם כי אני יהוה אלהיכם
SP: ויהי בערב ותעל השלוי ותכס את המחנה ובבקר היתה שכבת הטל סביב למחנה
MT: ויהי בערב ותעל השׂלו ותכאת המחנה ובבקר היתה שׁכבת הטל סביב למחנה
SP: ותעל שכבת הטל והנה על פני המדבר דק מחספס דק ככופר על הארץ
MT: ותעל שׁכבת הטל והנה על פני המדבר דק מחספדק ככפר על הארץ
SP: ויראו בני ישראל ויאמרו איש אל אחיו מן הוא כי לא ידעו מה הוא ויאמר משה אליהם הוא הלחם אשר נתן יהוה לכם לאכלה
MT: ויראו בני ישׂראל ויאמרו אישׁ אל אחיו מן הוא כי לא ידעו מה הוא ויאמר משׁה אלהם הוא הלחם אשׁר נתן יהוה לכם לאכלה
SP: ויאמר משה אליהם איש אל יותיר ממנו עד בקר
MT: ויאמר משׁה אלהם אישׁ אל יותר ממנו עד בקר
SP: ולא שמעו אל משה ויותירו אנשים ממנו עד בקר וירם תולעים ויבאש ויקצף עליהם משה
MT: ולא שׁמעו אל משׁה ויותרו אנשׁים ממנו עד בקר וירם תולעים ויבאשׁ ויקצף עלהם משׁה
SP: וילקטו אתו בבקר בבקר איש לפי אכלו וחמה השמש ונמס
MT: וילקטו אתו בבקר בבקר אישׁ כפי אכלו וחם השׁמשׁ ונמס
SP: ויהי ביום הששי לקטו לחם משנה שני העמר לאחד ויבאו כל נשיאי העדה ויגדו למשה
MT: ויהי׀ ביום השׁשׁי לקטו לחם משׁנה שׁני העמר לאחד ויבאו כל נשׂיאי העדה ויגידו למשׁה
SP: ויאמר אליהם הוא אשר דבר יהוה שבתון שבת קדש ליהוה מחר את אשר תאפו אפו ואת אשר תבשלו בשלו ואת כל העדף הניחו לכם למשמרת עד בקר
MT: ויאמר אלהם הוא אשׁר דבר יהוה שׁבתון שׁבת קדשׁ ליהוה מחר את אשׁר תאפו אפו ואת אשׁר תבשׁלו בשׁלו ואת כל העדף הניחו לכם למשׁמרת עד הבקר
SP: ויאמר משה אכלהו היום כי שבת היום ליהוה היום לא תמצאו בשדה
MT: ויאמר משׁה אכלהו היום כי שׁבת היום ליהוה היום לא תמצאהו בשׂדה
SP: ויאמר יהוה אל משה עד הנה מאנתם לשמר מצותי ותורותי
MT: ויאמר יהוה אל משׁה עד אנה מאנתם לשׁמר מצותי ותורתי
SP: ראו כי יהוה נתן לכם את השבת על כן הוא נתן לכם ביום הששי לחם יומים שבו איש תחתיו אל יצא איש ממקומו ביום השבת
MT: ראו כי יהוה נתן לכם השׁבת על כן הוא נתן לכם ביום השׁשׁי לחם יומים שׁבו׀ אישׁ תחתיו אל יצא אישׁ ממקמו ביום השׁביעי
SP: וישבת העם ביום השביעי
MT: וישׁבתו העם ביום השׁבעי
SP: ויקראו בית ישראל את שמו מן והוא כזרע גד לבן וטעמו כצפחית בדבש
MT: ויקראו בית ישׂראל את שׁמו מן והוא כזרע גד לבן וטעמו כצפיחת בדבשׁ
SP: ויאמר משה זה הדבר אשר צוה יהוה מלאו העמר ממנו למשמרת לדרתיכם למען יראו את הלחם אשר האכלתי אתכם במדבר בהוצאי אתכם מארץ מצרים
MT: ויאמר משׁה זה הדבר אשׁר צוה יהוה מלא העמר ממנו למשׁמרת לדרתיכם למען׀ יראו את הלחם אשׁר האכלתי אתכם במדבר בהוציאי אתכם מארץ מצרים
SP: ויאמר משה אל אהרן קח צנצנת אחת ותן שם מלוא העמר מן והניח אתו לפני יהוה למשמרת לדרתיכם
MT: ויאמר משׁה אל אהרן קח צנצנת אחת ותן שׁמה מלא העמר מן והנח אתו לפני יהוה למשׁמרת לדרתיכם
SP: כאשר צוה יהוה את משה ויניחהו אהרן לפני העדות למשמרת
MT: כאשׁר צוה יהוה אל משׁה ויניחהו אהרן לפני העדת למשׁמרת
SP: והעמר עשירת האיפה הוא
MT: והעמר עשׂרית האיפה הוא
SP: ויסעו כל עדת בני ישראל ממדבר סין למסעיהם על פי יהוה ויחנו ברפידים ואין מים לשתות העם
MT: ויסעו כל עדת בני ישׂראל ממדבר סין למסעיהם על פי יהוה ויחנו ברפידים ואין מים לשׁתת העם
SP: וירב העם עם משה ויאמר תנה לנו מים ונשתה ויאמר להם משה מה תריבון עמדי ומה תנסו את יהוה
MT: וירב העם עם משׁה ויאמרו תנו לנו מים ונשׁתה ויאמר להם משׁה מה תריבון עמדי מה תנסון את יהוה
SP: ויצמא שם העם למים וילן העם על משה ויאמרו למה העליתנו ממצרים להמית אתי ואת בני ואת מקני בצמא
MT: ויצמא שׁם העם למים וילן העם על משׁה ויאמר למה זה העליתנו ממצרים להמית אתי ואת בני ואת מקני בצמא
SP: ויצעק משה אל יהוה לאמר מה אעשה לעם הזה עוד מעט וסקלוני
MT: ויצעק משׁה אל יהוה לאמר מה אעשׂה לעם הזה עוד מעט וסקלני
SP: ויאמר יהוה אל משה עבר לפני העם וקח אתך מזקני ישראל ומטך אשר הכית בו את היאר תקח בידך והלכת
MT: ויאמר יהוה אל משׁה עבר לפני העם וקח אתך מזקני ישׂראל ומטך אשׁר הכית בו את היאר קח בידך והלכת
SP: הנני עמד לפניך שם על הצור בחורב והכית בצור ויצא ממנו מים ושתה העם ויעש כן משה לעיני זקני ישראל
MT: הנני עמד לפניך שׁם׀ על הצור בחרב והכית בצור ויצאו ממנו מים ושׁתה העם ויעשׂ כן משׁה לעיני זקני ישׂראל
SP: ויקרא שם המקום מסה ומריבה על ריב בני ישראל ועל נסותם את יהוה לאמר היש יהוה בקרבנו אם אין
MT: ויקרא שׁם המקום מסה ומריבה על ריב׀ בני ישׂראל ועל נסתם את יהוה לאמר הישׁ יהוה בקרבנו אם אין
SP: ויבא עמלק וילחם עם ישראל ברפידים
MT: ויבא עמלק וילחם עם ישׂראל ברפידם
SP: ויאמר משה ליהושע בחר לנו אנשים וצא הלחם בעמלק מחר אנכי נצב על ראש הגבעה ומטה האלהים בידי
MT: ויאמר משׁה אל יהושׁע בחר לנו אנשׁים וצא הלחם בעמלק מחר אנכי נצב על ראשׁ הגבעה ומטה האלהים בידי
SP: ויעש יהושע כאשר אמר לו משה להלחם בעמלק ומשה ואהרן וחור עלו אל ראש הגבעה
MT: ויעשׂ יהושׁע כאשׁר אמר לו משׁה להלחם בעמלק ומשׁה אהרן וחור עלו ראשׁ הגבעה
SP: והיה כאשר ירים משה ידיו וגבר ישראל וכאשר יניח ידיו וגבר עמלק
MT: והיה כאשׁר ירים משׁה ידו וגבר ישׂראל וכאשׁר יניח ידו וגבר עמלק
SP: וידי משה כבדים ויקחו אבן וישמו תחתיו וישב עליה ואהרן וחור תמכו בידיו מזה אחד ומזה אחד ויהיו ידיו אמונה עד בא השמש
MT: וידי משׁה כבדים ויקחו אבן וישׂימו תחתיו וישׁב עליה ואהרן וחור תמכו בידיו מזה אחד ומזה אחד ויהי ידיו אמונה עד בא השׁמשׁ
SP: ויחלש יהושע את עמלק ואת עמו ויכם לפי חרב
MT: ויחלשׁ יהושׁע את עמלק ואת עמו לפי חרב
SP: ויבן משה מזבח ויקרא שמו יהוה נסי
MT: ויבן משׁה מזבח ויקרא שׁמו יהוה׀ נסי
SP: ויאמר כי יד על כסא מלחמה ליהוה בעמלק מדר ודר
MT: ויאמר כי יד על כיה מלחמה ליהוה בעמלק מדר דר