SP: ויקרא אלהים לאור יום ולחשך קרא לילה ויהי ערב ויהי בקר יום אחד
MT: ויקרא אלהים׀ לאור יום ולחשׁך קרא לילה ויהי ערב ויהי בקר יום אחד
SP: ויקרא אלהים ליבשה ארץ ולמקוה המים קרא ימים וירא אלהים כי טוב
MT: ויקרא אלהים׀ ליבשׁה ארץ ולמקוה המים קרא ימים וירא אלהים כי טוב
SP: ויאמר אלהים תדשא הארץ דשא עשב מזריע זרע ועץ פרי עשה פרי למינו אשר זרעו בו על הארץ ויהי כן
MT: ויאמר אלהים תדשׁא הארץ דשׁא עשׂב מזריע זרע עץ פרי עשׂה פרי למינו אשׁר זרעו בו על הארץ ויהי כן
SP: ויאמר אלהים יהי מאורות ברקיע השמים להאיר על הארץ ולהבדיל בין היום ובין הלילה והיו לאתות ולמועדים ולימים ושנים
MT: ויאמר אלהים יהי מארת ברקיע השׁמים להבדיל בין היום ובין הלילה והיו לאתת ולמועדים ולימים ושׁנים
SP: והיו למאורות ברקיע השמים להאיר על הארץ ויהי כן
MT: והיו למאורת ברקיע השׁמים להאיר על הארץ ויהי כן
SP: ויעש אלהים את שני המאורות הגדלים את המאור הגדול לממשלת היום ואת המאור הקטן לממשלת הלילה ואת הכוכבים
MT: ויעשׂ אלהים את שׁני המארת הגדלים את המאור הגדל לממשׁלת היום ואת המאור הקטן לממשׁלת הלילה ואת הכוכבים
SP: ויאמר אלהים ישרצו המים שרץ נפש חיה ועוף יעפף על הארץ על פני רקיע השמים
MT: ויאמר אלהים ישׁרצו המים שׁרץ נפשׁ חיה ועוף יעופף על הארץ על פני רקיע השׁמים
SP: ויברא אלהים את התנינים הגדלים ואת כל נפש החיה הרמשת אשר שרצו המים למיניהם ואת כל עוף כנף למינהו וירא אלהים כי טוב
MT: ויברא אלהים את התנינם הגדלים ואת כל נפשׁ החיה׀ הרמשׂת אשׁר שׁרצו המים למינהם ואת כל עוף כנף למינהו וירא אלהים כי טוב
SP: ויברך אתם אלהים לאמר פרו ורבו ומלאו את המים בימים והעוף ירבה בארץ
MT: ויברך אתם אלהים לאמר פרו ורבו ומלאו את המים בימים והעוף ירב בארץ
SP: ויאמר אלהים תוצא הארץ נפש חיה למינה בהמה ורמש וחית הארץ למינה ויהי כן
MT: ויאמר אלהים תוצא הארץ נפשׁ חיה למינה בהמה ורמשׂ וחיתו ארץ למינה ויהי כן
SP: ויאמר אלהים נעשה אדם בצלמנו וכדמותנו וירדו בדגת הים ובעוף השמים ובבהמה ובכל הארץ ובכל הרמש הרמש על הארץ
MT: ויאמר אלהים נעשׂה אדם בצלמנו כדמותנו וירדו בדגת הים ובעוף השׁמים ובבהמה ובכל הארץ ובכל הרמשׂ הרמשׂ על הארץ
SP: ויברא אלהים את האדם בצלמו בצלם אלהים ברא אתו זכר ונקבה ברא אתם
MT: ויברא אלהים׀ את האדם בצלמו בצלם אלהים ברא אתו זכר ונקבה ברא אתם
SP: ויברך אתם אלהים ויאמר להם אלהים פרו ורבו ומלאו את הארץ וכבשוה ורדו בדגת הים ובעוף השמים ובכל החיה הרמשת על הארץ
MT: ויברך אתם אלהים ויאמר להם אלהים פרו ורבו ומלאו את הארץ וכבשׁה ורדו בדגת הים ובעוף השׁמים ובכל חיה הרמשׂת על הארץ
SP: ויאמר אלהים הנה נתתי לכם את כל עשב זרע זרע אשר על פני כל הארץ ואת כל עץ אשר בו פרי עץ זרע זרע לכם יהיה לאכלה
MT: ויאמר אלהים הנה נתתי לכם את כל עשׂב׀ זרע זרע אשׁר על פני כל הארץ ואת כל העץ אשׁר בו פרי עץ זרע זרע לכם יהיה לאכלה
SP: ולכל חית הארץ ולכל עוף השמים ולכל הרמש על הארץ אשר בו נפש חיה את כל ירק עשב לאכלה ויהי כן
MT: ולכל חית הארץ ולכל עוף השׁמים ולכל׀ רומשׂ על הארץ אשׁר בו נפשׁ חיה את כל ירק עשׂב לאכלה ויהי כן
SP: ויכל אלהים ביום הששי מלאכתו אשר עשה וישבת ביום השביעי מכל מלאכתו אשר עשה
MT: ויכל אלהים ביום השׁביעי מלאכתו אשׁר עשׂה וישׁבת ביום השׁביעי מכל מלאכתו אשׁר עשׂה
SP: אלה תולדת השמים והארץ בהבראם ביום עשות יהוה אלהים שמים וארץ
MT: אלה תולדות השׁמים והארץ בהבראם ביום עשׂות יהוה אלהים ארץ ושׁמים
SP: וכל שיח השדה טרם יהיה בארץ וכל עשב השדה טרם יצמח כי לא המטיר יהוה אלהים על הארץ ואדם אין לעבד את האדמה
MT: וכל׀ שׂיח השׂדה טרם יהיה בארץ וכל עשׂב השׂדה טרם יצמח כי לא המטיר יהוה אלהים על הארץ ואדם אין לעבד את האדמה
SP: ויצר יהוה אלהים את האדם עפר מן האדמה ויפח באפיו נשמת חיים ויהי אדם לנפש חיה
MT: וייצר יהוה אלהים את האדם עפר מן האדמה ויפח באפיו נשׁמת חיים ויהי האדם לנפשׁ חיה
SP: ויצמח יהוה אלהים מן האדמה את כל עץ נחמד למראה וטוב למאכל ועץ החיים בתוך הגן ועץ הדעת טוב ורע
MT: ויצמח יהוה אלהים מן האדמה כל עץ נחמד למראה וטוב למאכל ועץ החיים בתוך הגן ועץ הדעת טוב ורע
SP: שם האחד פישון הוא הסובב את כל ארץ החוילה אשר שם הזהב
MT: שׁם האחד פישׁון הוא הסבב את כל ארץ החוילה אשׁר שׁם הזהב
SP: וזהב הארץ ההיא טוב מאד שם הבדלח ואבן השהם
MT: וזהב הארץ ההוא טוב שׁם הבדלח ואבן השׁהם
SP: ושם הנהר השלישי הדקל הוא ההלך קדמת אשור והנהר הרביעי הוא פרת
MT: ושׁם הנהר השׁלישׁי חדקל הוא ההלך קדמת אשׁור והנהר הרביעי הוא פרת
SP: ויקח יהוה אלהים את האדם ויניחהו בגן עדן לעבדה ולשמרה
MT: ויקח יהוה אלהים את האדם וינחהו בגן עדן לעבדה ולשׁמרה
SP: ויצר יהוה אלהים עוד מן האדמה את כל חית השדה ואת כל עוף השמים ויבא אל האדם לראות מה יקרא לו וכל אשר יקרא לו האדם נפש חיה הוא שמו
MT: ויצר יהוה אלהים מן האדמה כל חית השׂדה ואת כל עוף השׁמים ויבא אל האדם לראות מה יקרא לו וכל אשׁר יקרא לו האדם נפשׁ חיה הוא שׁמו
SP: ויפל יהוה אלהים תרדמה על האדם ויישן ויקח אחת מצלעתיו ויסגר בשר תחתיה
MT: ויפל יהוה אלהים׀ תרדמה על האדם ויישׁן ויקח אחת מצלעתיו ויסגר בשׂר תחתנה
SP: ויבן יהוה אלהים את הצלע אשר לקח מן האדם לאשה ויביאה אל האדם
MT: ויבן יהוה אלהים׀ את הצלע אשׁר לקח מן האדם לאשׁה ויבאה אל האדם
SP: ויאמר האדם זאת הפעם עצם מעצמי ובשר מבשרי לזאת יקרא אשה כי מאישה לקחה זאת
MT: ויאמר האדם זאת הפעם עצם מעצמי ובשׂר מבשׂרי לזאת יקרא אשׁה כי מאישׁ לקחה זאת
SP: על כן יעזב איש את אביו ואת אמו ודבק באשתו והיה משניהם לבשר אחד
MT: על כן יעזב אישׁ את אביו ואת אמו ודבק באשׁתו והיו לבשׂר אחד
SP: ויהיו שניהם ערמים אדם ואשתו ולא יתבששו
MT: ויהיו שׁניהם ערומים האדם ואשׁתו ולא יתבשׁשׁו
SP: ומפרי העץ הזה אשר בתוך הגן אמר אלהים לא תאכלו ממנו ולא תגעו בו פן תמותון
MT: ומפרי העץ אשׁר בתוך הגן אמר אלהים לא תאכלו ממנו ולא תגעו בו פן תמתון
SP: ויאמר הנחש אל האשה לא מות תמותון
MT: ויאמר הנחשׁ אל האשׁה לא מות תמתון
SP: ותרא האשה כי טוב העץ למאכל וכי תאוה הוא לעינים ונחמד העץ להשכיל ותקח מפריו ותאכל ותתן גם לאישה עמה ויאכלו
MT: ותרא האשׁה כי טוב העץ למאכל וכי תאוה הוא לעינים ונחמד העץ להשׂכיל ותקח מפריו ותאכל ותתן גם לאישׁה עמה ויאכל
SP: ותפקחנה עיני שניהם וידעו כי ערמים הם ויתפארו עלי תאנה ויעשו להם חגרות
MT: ותפקחנה עיני שׁניהם וידעו כי עירמם הם ויתפרו עלה תאנה ויעשׂו להם חגרת
SP: וישמעו את קול יהוה אלהים מתהלך בגן לרוח היום ויתחבא אדם ואשתו מפני יהוה אלהים בתוך עץ הגן
MT: וישׁמעו את קול יהוה אלהים מתהלך בגן לרוח היום ויתחבא האדם ואשׁתו מפני יהוה אלהים בתוך עץ הגן
SP: ויאמר את קולך שמעתי בגן ואירא כי ערום אנכי ואחבא
MT: ויאמר את קלך שׁמעתי בגן ואירא כי עירם אנכי ואחבא
SP: ויאמר מי הגיד לך כי ערום אתה המן העץ אשר צויתיך לבלתי אכל ממנו אכלת
MT: ויאמר מי הגיד לך כי עירם אתה המן העץ אשׁר צויתיך לבלתי אכל ממנו אכלת
SP: ויאמר האדם האשה אשר נתתה עמדי היא נתנה לי מן העץ ואכל
MT: ויאמר האדם האשׁה אשׁר נתתה עמדי הוא נתנה לי מן העץ ואכל
SP: ויאמר יהוה אלהים לאשה מה זאת עשיתי ותאמר האשה הנחש השיני ואכל
MT: ויאמר יהוה אלהים לאשׁה מה זאת עשׂית ותאמר האשׁה הנחשׁ השׁיאני ואכל
SP: ויאמר יהוה אלהים אל הנחש כי עשית זאת ארור אתה מכל הבהמה ומכל חית השדה על גחנך תלך ועפר תאכל כל ימי חייך
MT: ויאמר יהוה אלהים׀ אל הנחשׁ כי עשׂית זאת ארור אתה מכל הבהמה ומכל חית השׂדה על גחנך תלך ועפר תאכל כל ימי חייך
SP: ואיבה אשית בינך ובין האשה ובין זרעך ובין זרעה הוא ישופך ראש ואתה תשופנו עקב
MT: ואיבה׀ אשׁית בינך ובין האשׁה ובין זרעך ובין זרעה הוא ישׁופך ראשׁ ואתה תשׁופנו עקב
SP: ואל האשה אמר הרבה ארבה עצבוניך והריוניך בעצבון תלדי בנים ואל אישיך תשוקתיך והוא ימשל ביך
MT: אל האשׁה אמר הרבה ארבה עצבונך והרנך בעצב תלדי בנים ואל אישׁך תשׁוקתך והוא ימשׁל בך
SP: בזעת אפיך תאכל לחם עד שובך אל האדמה כי ממנה לקחת כי עפר אתה ואל עפרך תשוב
MT: בזעת אפיך תאכל לחם עד שׁובך אל האדמה כי ממנה לקחת כי עפר אתה ואל עפר תשׁוב
SP: ויקרא האדם שם אשתו חוה כי היא היתה אם כל חי
MT: ויקרא האדם שׁם אשׁתו חוה כי הוא היתה אם כל חי
SP: ויעש יהוה אלהים לאדם ולאשתו כיתנות עור וילבשם
MT: ויעשׂ יהוה אלהים לאדם ולאשׁתו כתנות עור וילבשׁם
SP: ויאמר יהוה אלהים הן האדם היה כאחד ממנו לדעת טוב ורע ועתה פן ישלח ידו ולקח גם מעץ החיים ואכל וחי לעולם
MT: ויאמר׀ יהוה אלהים הן האדם היה כאחד ממנו לדעת טוב ורע ועתה׀ פן ישׁלח ידו ולקח גם מעץ החיים ואכל וחי לעלם
SP: ויגרש את האדם וישכן מקדם לגן עדן את הכרובים ואת לחט החרב המתהפכת לשמר את דרך עץ החיים
MT: ויגרשׁ את האדם וישׁכן מקדם לגן עדן את הכרבים ואת להט החרב המתהפכת לשׁמר את דרך עץ החיים
SP: ותסף ללדת את אחיו את הבל ויהי הבל רעי צאן וקין היה עבד אדמה
MT: ותסף ללדת את אחיו את הבל ויהי הבל רעה צאן וקין היה עבד אדמה
SP: והבל הביא גם הוא מבכורות צאנו ומחלביהן וישע יהוה אל הבל ואל מנחתו
MT: והבל הביא גם הוא מבכרות צאנו ומחלבהן וישׁע יהוה אל הבל ואל מנחתו
SP: הלוא אם תטיב שאת ואם לא תטיב לפתח חטאת רבץ ואליך תשוקתו ואתה תמשל בו
MT: הלוא אם תיטיב שׂאת ואם לא תיטיב לפתח חטאת רבץ ואליך תשׁוקתו ואתה תמשׁל בו
SP: ויאמר קין אל הבל אחיו נלכה השדה ויהי בהיותם בשדה ויקם קין אל הבל אחיו ויהרגהו
MT: ויאמר קין אל הבל אחיו ויהי בהיותם בשׂדה ויקם קין אל הבל אחיו ויהרגהו
SP: ויאמר יהוה אל קין איה הבל אחיך ויאמר לא ידעתי השמר אחי אנכי
MT: ויאמר יהוה אל קין אי הבל אחיך ויאמר לא ידעתי השׁמר אחי אנכי
SP: ויאמר מה עשית קול דם אחיך צעק אלי מן האדמה
MT: ויאמר מה עשׂית קול דמי אחיך צעקים אלי מן האדמה
SP: ועתה ארור אתה מן האדמה אשר פצתה את פיה לקחת את דם אחיך מידך
MT: ועתה ארור אתה מן האדמה אשׁר פצתה את פיה לקחת את דמי אחיך מידך
SP: כי תעבד את האדמה לא תוסיף תת כחה לך נע ונד תהיה בארץ
MT: כי תעבד את האדמה לא תסף תת כחה לך נע ונד תהיה בארץ
SP: הן גרשת אתי היום מעל פני האדמה ומפניך אסתיר והייתי נע ונד בארץ והיה כל מצאי יהרגני
MT: הן גרשׁת אתי היום מעל פני האדמה ומפניך אסתר והייתי נע ונד בארץ והיה כל מצאי יהרגני
SP: ויצא קין מלפני יהוה וישב בארץ נד קדמת עדן
MT: ויצא קין מלפני יהוה וישׁב בארץ נוד קדמת עדן
SP: וידע קין את אשתו ותהר ותלד את חנוך ויהי בנה עיר ויקרא את שם העיר כשם בנו חנוך
MT: וידע קין את אשׁתו ותהר ותלד את חנוך ויהי בנה עיר ויקרא שׁם העיר כשׁם בנו חנוך
SP: ויולד לחנוך את עירד ועירד ילד את מיהאל ומיהאל ילד את מתושאל ומתושאל ילד את למך
MT: ויולד לחנוך את עירד ועירד ילד את מחויאל ומחייאל ילד את מתושׁאל ומתושׁאל ילד את למך
SP: ושם אחיו יובל הוא היה אבי כל תפש כנר ועגב
MT: ושׁם אחיו יובל הוא היה אבי כל תפשׂ כנור ועוגב
SP: וצלה גם היא ילדה את תובל קין לטש כל חרש נחשת וברזל ואחות תובל קין נעמה
MT: וצלה גם הוא ילדה את תובל קין לטשׁ כל חרשׁ נחשׁת וברזל ואחות תובל קין נעמה
SP: ויאמר למך לנשיו עדה וצלה שמען קולי נשי למך האזינה אמירתי כי איש הרגתי לפצעי וילד לחברתי
MT: ויאמר למך לנשׁיו עדה וצלה שׁמען קולי נשׁי למך האזנה אמרתי כי אישׁ הרגתי לפצעי וילד לחברתי
SP: וידע אדם עוד את אשתו ותלד בן ויקרא את שמו שת כי שת לי אלהים זרע אחר תחת הבל כי הרגו קין
MT: וידע אדם עוד את אשׁתו ותלד בן ותקרא את שׁמו שׁת כי שׁת לי אלהים זרע אחר תחת הבל כי הרגו קין
SP: ולשת גם הוא ילד בן ויקרא את שמו אנוש אז החל לקרא בשם יהוה
MT: ולשׁת גם הוא ילד בן ויקרא את שׁמו אנושׁ אז הוחל לקרא בשׁם יהוה
SP: ויחי אדם שלשים ומאת שנה ויוליד בדמותו כצלמו ויקרא את שמו שת
MT: ויחי אדם שׁלשׁים ומאת שׁנה ויולד בדמותו כצלמו ויקרא את שׁמו שׁת
SP: ויהיו ימי אדם אחרי הולידו את שת שמנה מאות שנה ויוליד בנים ובנות
MT: ויהיו ימי אדם אחרי הולידו את שׁת שׁמנה מאת שׁנה ויולד בנים ובנות
SP: ויחי שת חמש שנים ומאת שנה ויוליד את אנוש
MT: ויחי שׁת חמשׁ שׁנים ומאת שׁנה ויולד את אנושׁ
SP: ויחי שת אחרי הולידו את אנוש שבע שנים ושמנה מאות שנה ויוליד בנים ובנות
MT: ויחי שׁת אחרי הולידו את אנושׁ שׁבע שׁנים ושׁמנה מאות שׁנה ויולד בנים ובנות
SP: ויחי אנוש תשעים שנה ויוליד את קינן
MT: ויחי אנושׁ תשׁעים שׁנה ויולד את קינן
SP: ויחי אנוש אחרי הולידו את קינן חמש עשרה שנה ושמנה מאות שנה ויוליד בנים ובנות
MT: ויחי אנושׁ אחרי הולידו את קינן חמשׁ עשׂרה שׁנה ושׁמנה מאות שׁנה ויולד בנים ובנות
SP: ויחי קינן שבעים שנה ויוליד את מהללאל
MT: ויחי קינן שׁבעים שׁנה ויולד את מהללאל
SP: ויחי קינן אחרי הולידו את מהללאל ארבעים שנה ושמנה מאות שנה ויוליד בנים ובנות
MT: ויחי קינן אחרי הולידו את מהללאל ארבעים שׁנה ושׁמנה מאות שׁנה ויולד בנים ובנות
SP: ויחי מהללאל חמש שנים וששים שנה ויוליד את ירד
MT: ויחי מהללאל חמשׁ שׁנים ושׁשׁים שׁנה ויולד את ירד
SP: ויחי מהללאל אחרי הולידו את ירד שלשים שנה ושמנה מאות שנה ויוליד בנים ובנות
MT: ויחי מהללאל אחרי הולידו את ירד שׁלשׁים שׁנה ושׁמנה מאות שׁנה ויולד בנים ובנות
SP: ויחי ירד שתים וששים שנה ויוליד את חנוך
MT: ויחי ירד שׁתים ושׁשׁים שׁנה ומאת שׁנה ויולד את חנוך
SP: ויחי ירד אחרי הולידו את חנוך חמש ושמנים שנה ושבע מאות שנה ויוליד בנים ובנות
MT: ויחי ירד אחרי הולידו את חנוך שׁמנה מאות שׁנה ויולד בנים ובנות
SP: ויהיו כל ימי ירד שבע וארבעים שנה ושמנה מאות שנה וימת
MT: ויהיו כל ימי ירד שׁתים ושׁשׁים שׁנה ותשׁע מאות שׁנה וימת
SP: ויחי חנוך חמש וששים שנה ויוליד את מתושלח
MT: ויחי חנוך חמשׁ ושׁשׁים שׁנה ויולד את מתושׁלח
SP: ויתהלך חנוך את האלהים אחרי הולידו את מתושלח שלש מאות שנה ויוליד בנים ובנות
MT: ויתהלך חנוך את האלהים אחרי הולידו את מתושׁלח שׁלשׁ מאות שׁנה ויולד בנים ובנות
SP: ויהיו כל ימי חנוך חמש וששים שנה ושלש מאות שנה
MT: ויהי כל ימי חנוך חמשׁ ושׁשׁים שׁנה ושׁלשׁ מאות שׁנה
SP: ויחי מתושלח שבע וששים שנה ויוליד את למך
MT: ויחי מתושׁלח שׁבע ושׁמנים שׁנה ומאת שׁנה ויולד את למך
SP: ויחי מתושלח אחרי הולידו את למך שלש וחמשים שנה ושש מאות שנה ויוליד בנים ובנות
MT: ויחי מתושׁלח אחרי הולידו את למך שׁתים ושׁמונים שׁנה ושׁבע מאות שׁנה ויולד בנים ובנות
SP: ויהיו כל ימי מתושלח עשרים שנה ושבע מאות שנה וימת
MT: ויהיו כל ימי מתושׁלח תשׁע ושׁשׁים שׁנה ותשׁע מאות שׁנה וימת
SP: ויחי למך שלש וחמשים שנה ויוליד בן
MT: ויחי למך שׁתים ושׁמנים שׁנה ומאת שׁנה ויולד בן
SP: ויקרא את שמו נח לאמר זה ינחמנו ממעשינו ומעצבון ידינו מן האדמה אשר אררה יהוה
MT: ויקרא את שׁמו נח לאמר זה ינחמנו ממעשׂנו ומעצבון ידינו מן האדמה אשׁר אררה יהוה
SP: ויחי למך אחרי הולידו את נח שש מאות שנה ויוליד בנים ובנות
MT: ויחי למך אחרי הולידו את נח חמשׁ ותשׁעים שׁנה וחמשׁ מאת שׁנה ויולד בנים ובנות
SP: ויהיו כל ימי למך שלש וחמשים שנה ושש מאות שנה וימת
MT: ויהי כל ימי למך שׁבע ושׁבעים שׁנה ושׁבע מאות שׁנה וימת
SP: ויהי נח בן חמש מאות שנה ויוליד את שם ואת חם ואת יפת
MT: ויהי נח בן חמשׁ מאות שׁנה ויולד נח את שׁם את חם ואת יפת
SP: ויראו בני האלהים את בנות האדם כי טובות הנה ויקחו להם נשים מכל אשר בחרו
MT: ויראו בני האלהים את בנות האדם כי טבת הנה ויקחו להם נשׁים מכל אשׁר בחרו
SP: ויאמר יהוה לא ידון רוחי באדם לעולם בשגם הוא בשר והיו ימיו מאה ועשרים שנה
MT: ויאמר יהוה לא ידון רוחי באדם לעלם בשׁגם הוא בשׂר והיו ימיו מאה ועשׂרים שׁנה
SP: והנפלים היו בארץ בימים ההם וגם אחרי כן אשר יבאו בני האלהים אל בנות האדם ויולידו להם הם הגבורים אשר מעולם אנשי השם
MT: הנפלים היו בארץ בימים ההם וגם אחרי כן אשׁר יבאו בני האלהים אל בנות האדם וילדו להם המה הגברים אשׁר מעולם אנשׁי השׁם
SP: וירא יהוה כי רבה רעת האדם בארץ וכל יצר מחשבות לבו רק רע כל היום
MT: וירא יהוה כי רבה רעת האדם בארץ וכל יצר מחשׁבת לבו רק רע כל היום
SP: ויאמר יהוה אמחה את האדם אשר בראתי מעל פני האדמה מאדם עד בהמה עד רמש עד עוף השמים כי נחמתי כי עשיתים
MT: ויאמר יהוה אמחה את האדם אשׁר בראתי מעל פני האדמה מאדם עד בהמה עד רמשׂ ועד עוף השׁמים כי נחמתי כי עשׂיתם
Data generated by `delta_mt_and_sp.ipynb` at `github.com/tonyjurg/Parashot`